ಅಚ್ಚುಕಟ್ಟಾದ ಜಗಲಿಯಲ್ಲಿದೆ ಮನೆ ಅಂದ

Published: Wednesday, March 28, 2012, 16:36 [IST]

ಮನೆ ಆವರಣ ಸುಂದರವಾಗಿದ್ದರೆ ಮನೆ ಸುಂದರವಾಗಿ ಕಾಣುವುದು. ಎಷ್ಟೆ ಚಿಕ್ಕ ಮನೆಯಾದರೂ ಮನೆ ವರಾಂಡ ಅಥವಾ ಜಗಲಿ ಆಕರ್ಷಿತವಾಗಿದ್ದರೆ ಆ ಮನೆ ಆಕರ್ಷಿತವಾಗಿ ಕಾಣುವುದು. ಈ ಕೆಳಗಿನ ಉಪಾಯಗಳು ನಿಮ್ಮ ಮನೆ ಸೌಂದರ್ಯವನ್ನು ಹೆಚ್ಚುವಂತೆ ಮಾಡುವಲ್ಲಿ ಸಹಕಾರಿಯಾಗಿದೆ.

1. ಮರದ ಮತ್ತು ಬಿದಿರಿನ ಪೀಠೋಪಕರಣಗಳು: ಮನೆಯ ಮುಂದೆ ಜಗಲಿಯಿದ್ದರೆ ಬಿದಿರಿನ ಕುರ್ಚಿಗಳನ್ನು ಹಾಕಿದರೆ ಆಕರ್ಷಿತವಾಗಿ ಕಾಣುವುದು. ನಂತರ ಜಗಲಿ ಸೂರ್ಯನ ಕಿರಣಗಳಿಂದ ರಕ್ಷಣೆ ಪಡೆಯಲು ಬಿದಿರಿನ ರೋಲ್ (woven blinds) ಅನ್ನು ಮನೆ ಪಿಲ್ಲರ್ ಗೆ ನೇತು ಹಾಕಬಹುದು. ಇದನ್ನು ನೇತು ಹಾಕಿದರೆ ಮನೆ ಕೂಡ ಆಕರ್ಷಕವಾಗಿ ಕಾಣುತ್ತದೆ.

2. ಮನೆ ಮುಂದೆ ಬಟ್ಟೆ ಒಣ ಹಾಕಬಾರದು: ಸಾಕಷ್ಟು ಮನೆಗಳಲ್ಲಿ ಮನೆ ಮುಂದೆ ಇರುವ ಜಗಲಿಯು ಬಟ್ಟೆ ಒಣ ಹಾಕುವ ಜಾಗವಾಗಿರುತ್ತದೆ. ಈ ರೀತಿ ಬಟ್ಟೆಗಳನ್ನು ನೇತು ಹಾಕಿದರೆ ಮನೆ ಲಕ್ಷಣವಾಗಿ ಕಾಣುವುದಿಲ್ಲ.

3. ಸಾಮಾನುಗಳನ್ನು ತಂದು ಗುಡ್ಡೆ ಹಾಕಬಾರದು: ಮನೆ ಮುಂದಿನ ಜಗುಲಿಯಲ್ಲಿ ಸ್ಥಳವಿದೆ ಎಂದು ಬೇಡದ ಸಾಮಾಗ್ರಿಗಳನ್ನು ತಂದು ಗುಡ್ಡೆ ಹಾಕುವುದು ಅಥವಾ ತುಂಬಾ ಕುರ್ಚಿಗಳನ್ನು ಹಾಕುವುದಾಗಲಿ ಮಾಡಬಾರದು. ಈ ರೀತಿ ಮಾಡಿದರೆ ಮನೆ ನೋಡುವಾಗ ಗೋಡಾನ್ ರೀತಿ ಕಾಣುತ್ತದೆ.

4. ಹಸಿರು: ಜಗಲಿ ಸುತ್ತ ಹೂವಿನ ಗಿಡಗಳನ್ನು ಮತ್ತು ಬಳ್ಳಿಗಳನ್ನು ಬೆಳೆಸಿದರೆ ಹೂ ಮತ್ತು ಹಸಿರಿನಿಂದಾಗಿ ಮನೆಯ ಅಂದ ಹೆಚ್ಚುವುದು.