ಯುಗಾದಿಗೆ ಸಾಂಪ್ರಾದಾಯಕವಾದ ಮನೆ ಅಲಂಕಾರ

Decor

oi-Reena

By Hema S

Published: Thursday, March 22, 2012, 16:39 [IST]

ಯುಗಾದಿ ಅಂದರೆ ಹೊಸ ವರ್ಷ. ಈ ಹಬ್ಬವನ್ನು ಕರ್ನಾಟಕ ಮತ್ತು ಆಂಧ್ರ ಪ್ರದೇಶದಲ್ಲಿ ವಿಜೃಂಭಣೆಯ ಹಬ್ಬವಾಗಿದೆ. ಈ ಹೊಸ ವರ್ಷದ ಸ್ವಾಗತಕ್ಕೆ ಮನೆಗಳಗಳನ್ನು ಸಾಂಪ್ರದಾಯಕವಾಗಿ ಅನುಸರಿಸಲಾಗುವುದು. ಈ ಯುಗಾದಿಗೆ ಸಾಂಪ್ರಾದಾಯಕವಾಗಿ ಮನೆ ಅಲಂಕಾರ ಮಾಡ ಬಯಸುವವರಿಗೆ ಇಲ್ಲಿದೆ ನೋಡಿ ಕೆಲ ಸಲಹೆಗಳು:

1. ಮಾವಿನ ಎಲೆ ತೋರಣ: ಮಾವಿನ ಎಲೆಯಿಂದ ತೋರಣ ಕಟ್ಟಿದರೆ ಹಬ್ಬದ ಕಳೆ ಮತ್ತು ಉತ್ಸಾಹ ಬಂದು ಬಿಡುತ್ತದೆ. ಈ ಮಾವಿನ ಎಲೆ ತೋರಣ ಈಶ್ವರ ಮತ್ತು ಸುಬ್ರಮಣ್ಯ ಸ್ವಾಮಿಗೆ ತುಂಬಾ ಪ್ರಿಯವೆಂದು ಹೇಳಲಾಗಿದೆ.

2. ಕಲಶ: ಒಂದು ಹೊಸ ಕಲಶವನ್ನು ಕಂಡು ದೇವರ ಕೋಣೆಯ ಮಧ್ಯಭಾಗದಲ್ಲಿ ಇಡಬೇಕು. ಆ ಕಲಶಕ್ಕೆ 5 ಮಾವಿನ ಎಲೆಯಿಂದ ಅಲಂಕಾರ ಮಾಡಿರಬೇಕು. ನಂತರ ಅದಕ್ಕೆ ಕುಂಕುಮ ಹಚ್ಚಬೇಕು, ಕಲಶದ ಮೇಲೆ ತೆಂಗಿನ ಕಾಯಿ ಇಡಬೇಕು. ಈ ರೀತಿಯ ಕಲಶ ಮನೆಗೆ ಶುಭವನ್ನು ತರುವುದು ಎಂಬ ದೃಢವಾದ ನಂಬಿಕೆಯಿದೆ.

3. ರಂಗೋಲಿ: ಮನೆ ಮುಂದುಗಡೆ, ದೇವರ ಕೋಣೆಯಲ್ಲಿ ಆಕರ್ಷಕವಾದ ಚಿತ್ತಾರಗಳನ್ನು ಬಿಡಿಸಿದರೆ ಮನೆ ಸಾಂಪ್ರದಾಯವಾಗಿ, ಆಕರ್ಷಕವಾಗಿ ಕಾಣುವುದು. ಈ ರೀತಿ ರಂಗೋಲಿ ಹಾಕಿದ ಮನೆಯನ್ನು ನೋಡಿದಾಗ ಲಕ್ಷ್ಮಿ ಕಳೆ ಎದ್ದು ಕಾಣುತ್ತದೆ.

4. ಹೂವಿನ ಅಲಂಕಾರ: ದೇವರ ಮೂರ್ತಿಗೆ ಹೂವಿನ ಮಾಲೆ, ಬಿಡಿ ಹೂಗಳಿಂದ ಅಲಂಕರಿಸಿದರೆ ದೇವರ ಕೋಣೆ ಮತ್ತಷ್ಟು ಪ್ರಕಾಶಮಾನವಾಗಿ ಕಾಣುತ್ತದೆ.

5. ಸುವಾಸನೆ: ದೇವರ ಕೋಣೆಯಲ್ಲಿಟ್ಟ ಗಂಧ, ತುಳಸಿ, ಸಾಂಬ್ರಾಣಿಯ ಪರಿಮಳ ಮನೆಯಲ್ಲಿ ಹರಡಿದರೆ ಭಕ್ತಿ, ಸಂತೋಷ ಮನೆಯವರಲ್ಲಿ ತುಂಬಿ ತುಳಕಾಡುತ್ತದೆ.