ರೂಂ ಮಾಡಿಕೊಂಡಿರುವ ಬ್ಯಾಚುಲರ್ ಗಳೇ ಗಮನಿಸಿ

Decor

oi-Reena

By Hema S

Published: Saturday, January 21, 2012, 16:10 [IST]

ಯಾವುದಾದರೂ ರೂಂ ನೋಡಿದಾಗ ಚೆಲ್ಲಾಪಿಲ್ಲಿ ಬಿದ್ದ ವಸ್ತುಗಳು, ಗೋಡೆಯಲ್ಲಿ ಸಿನಿಮಾ ನಟಿಯರ ಫೋಟೊ ಕಂಡರೆ ಇದು ಬ್ಯಾಚುಲರ್ಸ್ ರೂಂ ಅಂತ ಹೇಳಬಹುದು. ಆದರೆ ಕೆಲವು ಬ್ಯಾಚುಲರ್ ಗಳು ತಮ್ಮ ಪುಟ್ಟ ರೂಂನ್ನು ಅಚ್ಚುಕಟ್ಟಾಗಿ ಇಟ್ಟುಕೊಂಡಿರುತ್ತಾರೆ. ಮನೆ ಅಥವಾ ರೂಂನ ಅಲಂಕಾರ ಹೆಚ್ಚಿಸಲು ಬ್ಯಾಚುಲರುಗಳಿಗೆ ಕೆಲವು ಸಲಹೆಗಳನ್ನು ಇಲ್ಲಿ ನೀಡಲಾಗಿದೆ. ಇದು ಬೋಲ್ಡ್ ಸ್ಕೈ ಸ್ಪೆಷಲ್.

1. ಪೀಠೋಪಕರಣಗಳು: ರೂಂನಲ್ಲಿ ಕನಿಷ್ಠವಾದ ಪೀಠೋಪಕರಣಗಳು ಇರಬೇಕು. ಮಡಚಿ ಇಡಬಹುದಾದ ಟೇಬಲ್, ಚೇರ್ ಪುಸ್ತಕಗಳನ್ನು ಇಡಲು ಅಲ್ಮಾರಾ ಇವುಗಳು ಇದ್ದರೆ ವಸ್ತುಗಳನ್ನು ಸರಿಯಾಗಿ ಜೋಡಿಸಿಡಬಹುದು.

2. ಪರದೆ: ಕಿಟಕಿಗಳಿಗೆ ಪರದೆಯನ್ನು ಹಾಕಬೇಕು. ಹಾಗೆ ಹಾಕುವಾಗ ಕೊಳೆಯಾದರೆ ಬೇಗನೆ ಎದ್ದು ಕಾಣದಂತಹ ಪರದೆ ಹಾಕಬೇಕು.

3. ಗ್ಯಾಡ್ಜೆಟ್ಸ್: ಟಿವಿಯನ್ನು ಎಲ್ಲರು ಕುಳಿತು ನೋಡುವ ಜಾಗದಲ್ಲಿಡಬೇಕು. ಲ್ಯಾಪ್ ಟಾಪ್ ಮತ್ತು ಫೋನ್ ಗಳನ್ನು ಎಲ್ಲಿಂದರಲ್ಲಿ ಎಸೆಯದೆ ಅದನ್ನು ಯಾವುದಾದರೂ ಒಂದು ಕಡೆ ಒಪ್ಪವಾಗಿಡಿ.

4. ಹವ್ಯಾಸಗಳ ಪ್ರತಿಫಲನ: ಚಿತ್ರ ಬಿಡಿಸುವುದು, ಫೋಟೊಗ್ರಫಿ ಮುಂತಾದ ಅಭ್ಯಾಸಗಳಿದ್ದರೆ ಅದನ್ನು ಮನೆಯ ಗೋಡೆಗಳಿಗೆ ನೇತು ಹಾಕಿ.

5. ಕಸದ ಬುಟ್ಟಿ: ಕಸವನ್ನು ಎಲ್ಲಿಂದರಲ್ಲಿ ಹಾಕದೆ ಕಸದ ಬುಟ್ಟಿಯಲ್ಲಿ ಹಾಕಬೇಕು.

ಈ ಸಲಹೆಗಳನ್ನು ಪಾಲಿಸಿ ನೋಡಿ. ನಿಮ್ಮ ರೂಂ ಮನೆಯಂತೆ ಸ್ವಚ್ಛ ಮತ್ತು ಸುಂದರವಾಗಿ ಕಾಣುವುದು. ರೂಂಗೆ ಬಂದವರು ನಿಮ್ಮನ್ನು ಹೊಗಳುವುದು ಕೂಡ ದಿಟ.