ಪ್ರಪಂಚದಲ್ಲಿಯೆ ಅತ್ಯಂತ ದುಬಾರಿ ಮನೆ ಭಾರತದಲ್ಲಿ!

Decor

oi-Reena

By Hema S

Published: Wednesday, January 4, 2012, 14:07 [IST]

ಸ್ವಂತ ಮನೆಯಿರಬೇಕು ಅದು ತುಂಬಾ ಸುಂದರವಾಗಿರಬೇಕು ಎನ್ನುವುದು ಪ್ರತಿಯೊಬ್ಬರ ಕನಸು. ಅದರಲ್ಲೂ ತುಂಬಾ ಬೆಲೆಬಾಳುವ ಮನೆಗಳನ್ನು ನೋಡಿದಾಗ ಅಚ್ಚರಿ ಜೊತೆ ಅಯ್ಯೊ ಇಂತಹ ಮನೆಯಲ್ಲಿರುವವರು ಎಷ್ಟು ಅದೃಷ್ಟಶಾಲಿಗಳು ಎಂದು ಅವರ ಬಗ್ಗೆ ಸ್ವಲ್ಪ ಅಸೂಯೆ ಉಂಟಾಗುತ್ತದೆ. ಪ್ರಪಂಚದಲ್ಲಿಯೆ ಅಧಿಕ ಬೆಲೆಬಾಳುವ ಮನೆ ಯಾವುದಿರಬಹುದೆಂದು ಒಂದು ಕ್ಷಣ ಯೋಚಿಸುತ್ತೇವೆ. ಅಂತಹ ಮನೆಗಳು ಯಾವುದೆಂದು ತಿಳಿಯಲು ಮುಂದೆ ಓದಿ.

1.ಆಂಟಿಲಾ: ಪ್ರಪಂಚದಲ್ಲಿಯೆ ಅಧಿಕ ಬೆಲೆಬಾಳು ನಂ. 1 ಮನೆ ಯಾವ ದೇಶದಲ್ಲಿರಬಹುದೆಂದು ಎಂದು ಗೊತ್ತಾದರೆ ಒಂದು ಕಡೆ ಹೆಮ್ಮೆ ಮತ್ತೊಂದೆಡೆ ಅಚ್ಚರಿ ಆಗಬಹುದು. ಏಕೆಂದರೆ ಇದು ಇರುವುದು ಯಾವುದೊ ಶ್ರೀಮಂತ ರಾಷ್ಟ್ರದಲ್ಲಿ ಅಂದುಕೊಂಡರೆ ಅದು ತಪ್ಪು, ಈ ಮನೆ ಇರುವುದು ಭಾರತದಲ್ಲಿ!

ಮುಂಬಯಿಯಲ್ಲಿರುವ ಇರುವ ಆಂಟಿಲಾ ಹೆಸರಿನ ಮನೆಯ ಒಡೆಯರು ಮುಖೇಶ್ ಮತ್ತು ನೀತಾ ಅಂಬಾನಿ. ವರದಿಯ ಪ್ರಕಾರ ಈ ಮನೆ ಬೆಲೆ ಸುಮಾರು 1-2 ಬಿಲಿಯನ್ ಡಾಲರ್. ಈ ಮನೆ 27 ಅಂತಸ್ತು ಹೊಂದಿದ್ದು 40,000 ಚದರ ಅಡಿ ವಿಸ್ತೀರ್ಣವನ್ನು ಹೊಂದಿದೆ.ಅಲ್ಲದೆ ಇದು 6 ಅಂತಸ್ತಿನ ಕಾರ್ ಪಾರ್ಕಿಂಗ್ ಹೊಂದಿದೆ. ಪ್ರತಿ ಅಂತಸ್ತು ತನ್ನದೆ ಆದ ವಿನ್ಯಾಸವನ್ನು ಹೊಂದಿದ್ದು ನೋಡಲು ಅತ್ಯಾಕರ್ಷಕವಾಗಿದೆ.

ಈ ಮನೆಯ ವಾಸ್ತು ಶಿಲ್ಪದ ರುವಾರಿಯನ್ನು ಲಾಸ್ ಏಂಜಲ್ಸ್ ಮತ್ತು ಡಲ್ಲಾಸ್ ನ ಪರ್ಕಿನ್ಸ್ ಮತ್ತು ಹೈರ್ಚ್ ಬೆಂಡರ್ ವಹಿಸಿಕೊಂಡಿದ್ದರು. ಈ ಮನೆಯಲ್ಲಿ 600 ಜನ ಮನೆ ಕೆಲಸದವರಿದ್ದಾರೆ. 570 ಅಡಿ ಎತ್ತರವಿರುವ ಈ ಮನೆಗೆ ಸರಿಸಾಟಿಯಾದ ಮನೆ ಮತ್ತೊಂದಿಲ್ಲ.

2. ವಿಲ್ಲಾ ಲಿಯಾಪೋಲ್ಡಾ: ಈ ಮನೆಯನ್ನು ಬೆಲ್ಜಿಯಂನ ರಾಜ ಲಿಯಾಪೋಲ್ಡಾ II 1902 ರಲ್ಲಿ ನಿರ್ಮಿಸಿದರು. ಈ ಮನೆ 80,000 ಚದರ ಅಡಿ ಹೊಂದಿದ್ದು 525 ಮಿಲಿಯನ್ ಡಾಲರ್ ಬೆಲೆಬಾಳುವ ಮನೆ ಇದಾಗಿದೆ.

ಈ ಮನೆಯಲ್ಲಿ 19 ಬೆಡ್ ರೂಂ ಇದ್ದು ಆಟದ ಮೈದಾನ, ಡೈನಿಂಗ್ ರೂಂ, ಚಿತ್ರಮಂದಿರಾ, ಅನೇಕ ಈಜುಕೊಳಗಳು , ಆಕರ್ಷಕವಾದ ಹೂ ತೋಟವನ್ನು ಹೊಂದಿದೆ. ಉದ್ಯಾನ ನಿರ್ವಹಣೆಗೆ 52 ಜನ ಕೆಲಸಗಾರರಿದ್ದಾರೆ. ಈ ಮನೆ ಫ್ರೆಂಚ್ ನ ಬ್ಯಾಂಕರ್ ಎಡ್ ಮೊಂಡ್ ಸಫ್ರಾಕ್ಕೆ ಸೇರಿದಾಗಿದೆ.

3. ಪೆನ್ತೋಹೌಸ್: ಪೆನ್ತೋಹೌಸ್ ಲಂಡನ್ ನಲ್ಲಿ ನಿರ್ಮಿಸಲಾಗಿದ್ದು, ಇದು SAS ಗಾರ್ಡ್ ಹೊಂದಿದ್ದು ಬಿಗಿಯಾದ ಭದ್ರತೆ, ಬುಲೆಟ್ ಫ್ರೂಫ್ ಕಿಟಕಿಗಳು, ಐರಿಸ್ ಸ್ಕ್ಯಾನರ್ ಹೊಂದಿದೆ. ಇದರಲ್ಲಿ 82 ಅಪಾರ್ಟ್ ಮೆಂಟ್ ಗಳಿದ್ದು ಇದು 200 ಮಿಲಿಯನ್ ಡಾಲರ್ ಬೆಲೆ ಬಾಳುವ ಮನೆಯಾಗಿದೆ.