ಪ್ಲಾಸ್ಟಿಕ್ ಹೂವಿನ ಸ್ವಚ್ಛತೆಗೆ ಸುಲಭ ವಿಧಾನ

ಆದರೆ ಅದನ್ನು ನೋಡಿಕೊಳ್ಳುವುದು ಹೊರಗಡೆ ದುಡಿಯಲು ಹೋಗುವ ಮಹಿಳೆಯರಿಗೆ ಹೆಚ್ಚಿನ ಶ್ರಮ ಅನಿಸುವುದು, ಆದ್ದರಿಂದ ನೈಸರ್ಗಿಕ ಹೂವಿನ ಬದಲು ಕೃತಕ ಹೂಗಳಿಂದ ಮನೆಯನ್ನು ಅಂದಗೊಳಿಸಬಹುದು.

ಆದರೆ ಈ ಪ್ಲಾಸ್ಟಿಕ್ ಹೂಗಳನ್ನು ಸ್ವಚ್ಛವಾಗಿ ಇಡಲಿಲ್ಲವೆಂದರೆ ಮನೆ ಕೂಡ ಶುದ್ಧವಾಗಿ ಕಾಣಿಸುವುದಿಲ್ಲ. ಈ ಪ್ಲಾಸ್ಟಿಕ್ ಹೂಗಳನ್ನು ನೈಸರ್ಗಿಕ ಹೂವಿನಂತೆ ಸ್ವಚ್ಚವಾಗಿ ಇಡುವುದು ಹೇಗೆ ಎಂದು ತಿಳಿಯಲು ಮುಂದೆ ಓದಿ.

1. ಪ್ಲಾಸ್ಟಿಕ್ ಹೂಗಳನ್ನು ನೀರಿನಲ್ಲಿ ತೊಳೆದು ಬಿಸಿಲಿನಲ್ಲಿ ಒಣಗಿಸಿದರೆ ಹೊಚ್ಚ ಹೊಸದರಂತೆ ಕಾಣುವುದು.

2. ಫ್ಯಾಬ್ರಿಕ್ ಅಥವಾ ಮರದ ಹೂಗಳಾಗಿದ್ದರೆ ಅದನ್ನು ಡಸ್ಟರ್ ಅಥವಾ ವ್ಯಾಕ್ಯೂಮ್ ಬಳಸಿ ದೂಳು ತೆಗೆಯಬಹುದು ಅಥವಾ ಹತ್ತಿ ಬಟ್ಟೆಯನ್ನು ನೆನೆಸಿ ಅದರಿಂದ ಉಜ್ಜಿ ಒಣಗಿಸಬೇಕು.

3. ಕೃತಕ ಹೂಗಳನ್ನು ತೆಗೆಯುವಾಗ ಕೆಂಪು, ಲ್ಯಾವೆಂಡರ್, ಗಾಢ ಕೆಂಪು ಬಣ್ಣದ ಹೂಗಳಿಂದ ಮನೆಯ ಅಲಂಕಾರ ಮಾಡುವುದು ಒಳ್ಳೆಯದು. ಗಾಢ ಬಣ್ಣದ ಮೇಲೆ ದೂಳು ಅಷ್ಟಾಗಿ ಕಾಣುವುದಿಲ್ಲ. ತೆಳು ಬಣ್ಣದ ಹೂಗಳನ್ನು ತೆಳುವಾದ ಪಾರದರ್ಶಕ ಪ್ಲಾಸ್ಟಿಕ್ ಕವರಿನಲ್ಲಿ ಹಾಕಿಡುವುದು ಒಳ್ಳೆಯದು.

4. ಹೂಗಳನ್ನು ಜೋಡಿಸುವಾಗ ಎಲ್ಲಾ ಬಣ್ಣದ ಹೂಗಳನ್ನು ಒಂದೇ ವಾಸ್ ನಲ್ಲಿ ಇಡುವುದರ ಬದಲು ಒಂದು ಅಥವಾ 2 ಬಣ್ಣದ ಹೂಗಳನ್ನು ಬಳಸಿದರೆ ಅಲಂಕಾರ ಸರಳ ಮತ್ತು ಸುಂದರವೆನೆಸುವುದು.