ಮನೆಯ ಅಂದಕ್ಕೆ ಈ ಗಿಡವನ್ನು ತೂಗುಹಾಕಿ

ನೀವು ಮನೆಯನ್ನು ಗಿಡಗಳಿಂದ ಅಲಂಕರಿಸಿ ಹಸಿರನ್ನಾಗಿ ಮಾಡಬೇಕೆಂದಿದ್ದರೆ ಮೊದಲು ಈ ಹ್ಯಾಂಗಿಂಗ್ ಗಿಡಗಳತ್ತ ಗಮನ ಹರಿಸಿ.

ತುಂಬಾ ಕಡಿಮೆ ಖರ್ಚಿನಲ್ಲಿ ಮನೆಯನ್ನು ಹಸಿರುಗೊಳಿಸಬಹುದಾದ ಈ ತೂಗುವ ಗಿಡಗಳನ್ನು ಮನೆಯ ಮೂಲೆಯಲ್ಲಿ, ಬಾಗಿಲ ಬಳಿ ತೂಗಿಹಾಕಿದರೆ ನಿಮ್ಮ ಮನೆಯ ಅಂದ ದುಪ್ಪಟ್ಟಾಗುತ್ತದೆ.

ಹ್ಯಾಂಗಿಂಗ್ ಗಿಡದ ಪೋಷಣೆ ಹೀಗಿರಲಿ:
* ಗಿಡದ ಪಾಟ್ ಗಟ್ಟಿ ಇರುವುದನ್ನು ನೋಡಿ ಕೊಂಡುಕೊಳ್ಳಿ
* ಹೂವಿರುವ ಮತ್ತು ಹಸಿರು ದಟ್ಟವಾಗಿರುವ ಗಿಡಗಳು ಮನೆಗೆ ಚೆಂದ
* ಗಿಡಗಳಿಗೆ ತುಂಬಾ ನೀರು ಹಾಕಬೇಡಿ. ಅವಶ್ಯವಿದ್ದಷ್ಟು ಮಾತ್ರ ನೀರಿರಲಿ.
* ಗಿಡದಲ್ಲಿ ಸೊಳ್ಳೆ, ಇನ್ನಿತರ ಕ್ರಿಮಿಕೀಟಗಳು ಸೇರಿಕೊಳ್ಳುವ ಸಾಧ್ಯತೆ ಹೆಚ್ಚಿರುವುದರಿಂದ ಲಘು ಕ್ರಿಮಿನಾಶಕವನ್ನು ಬಳಸಬಹುದು.
* ಹ್ಯಾಂಗಿಂಗ್ ಹಗ್ಗ ಅಥವಾ ಚೈನು ಗಟ್ಟಿಯಿರುವುದನ್ನು ನೋಡಿ ಕೊಂಡುಕೊಳ್ಳಿ.
* ಗಿಡಕ್ಕೆ ಹಾಕುವ ನೀರು ನೆಲಕ್ಕೆ ಸೋರದಂತೆ ಎಚ್ಚರಿಕೆವಹಿಸಿ
* ಹ್ಯಾಂಗಿಂಗ್ ಗಿಡದ ಪಾಟ್ ಗಳನ್ನು ಆಗಾಗ್ಗೆ ಒರೆಸುತ್ತಿರಿ.