ಚಪಾತಿ, ರೊಟ್ಟಿಯನ್ನ ನೇರವಾಗಿ ಗ್ಯಾಸ್ ಉರಿಯಲ್ಲಿ ಬೇಯಿಸುತ್ತೀರಾ? ಅಪಾಯವೇನು ಗೊತ್ತಾ?

ಹಲವರು ಬೆಳಗ್ಗಿನ ತಿಂಡಿಗೆ ರೊಟ್ಟು ಇಲ್ಲವೆ ಚಪಾತಿ ಮಾಡುವುದು ಸಾಮಾನ್ಯ. ಆದ್ರೆ ಕೆಲವರ ಮನೆಯಲ್ಲಿ ನಾವು ರೊಟ್ಟಿ ಹಾಗೂ ಚಪಾತಿಯನ್ನ ಕಾವಲಿಯ ಮೇಲೆ ಬೇಯಿಸುವುದಿಲ್ಲ ಬದಲಿಗೆ ಅವರು ನೇರವಾಗಿ ಉರಿಯುತ್ತಿರುವ ಗ್ಯಾಸ್‌ನ ಬೆಂಕಿಯ ಮೇಲೆ ಹಿಡಿದು ಚೆನ್ನಾಗಿ ಕಾಯಿಸಿ ಬಳಿಕ ಸವಿಯುತ್ತಾರೆ. ಗ್ಯಾಸ್‌ನಲ್ಲಿ ಬೇಯಿಸಲೆಂದೇ ಚಿಕ್ಕದಾದ ಒಂದು ಜರಡಿ ರೀತಿಯ ವಸ್ತು ಸಹ ಸಿಗುತ್ತದೆ. ಅದರ ಮೇಲೆ ಇಟ್ಟು ನೇರವಾಗಿ ಗ್ಯಾಸ್‌ನಿಂದ ಬೇಯಿಸಲಾಗುತ್ತದೆ.

ಕೆಲವರು ಇದು ಸುಲಭದ ವಿಧಾನವೆಂದು ಮತ್ತೆ ಕೆಲವರು ಬೇಗ ಬೇಯಿಸಬಹುದು ಅಂತಲೂ ಈ ಕಾರ್ಯಕ್ಕೆ ಮುಂದಾಗುತ್ತಾರೆ. ಹೀಗೆ ಮಾಡುವುದು ಆರೋಗ್ಯದ ದೃಷ್ಟಿಯಿಂದ ಒಳ್ಳೆಯ ಅಭ್ಯಾಸವೇ? ಅಥವಾ ಕೆಟ್ಟ ಅಭ್ಯಾಸವೇ? ಹೀಗೆ ಮಾಡುವುದರಿಂದ ನಮ್ಮ ದೇಹದ ಮೇಲೆ ಏನಾದರು ಪರಿಣಾಮ ಬೀರಲಿದೆಯೇ ಎಂಬಿತ್ಯಾದಿ ಅಂಶವನ್ನು ನಾವಿಂದು ತಿಳಿಯುವ ಪ್ರಯತ್ನ ಮಾಡೋಣ.

ನೇರವಾಗಿ ಗ್ಯಾಸ್‌ನ ಬೆಂಕಿಯಲ್ಲಿ ರೊಟ್ಟಿ, ಚಪಾತಿಯನ್ನು ಬೇಯಿಸುವುದು ಕ್ಯಾನ್ಸರ್‌ಗೆ ಕಾರಣವಾಗುವ ಕಾರ್ಸಿನೋಜೆನಿಕ್ ಸಂಯುಕ್ತಗಳನ್ನು ಉತ್ಪಾದಿಸುತ್ತದೆ ಎಂಬ ಆತಂಕವಿದೆ. ರೊಟ್ಟಿಯು ಹೆಚ್ಚಿನ ತಾಪಮಾನಕ್ಕೆ ಒಳಪಟ್ಟಾಗ ಮತ್ತು ಪೈರೋಲಿಸಿಸ್ ಎಂಬ ಪ್ರಕ್ರಿಯೆಗೆ ಒಳಗಾದಾಗ ಈ ರಾಸಾಯನಿಕ ಸಂಯುಕ್ತಗಳು ಹುಟ್ಟಿಕೊಳ್ಳುತ್ತವೆ. ಆದರೆ ಇದು ನಿಜವಾಗಿಯೂ ಕ್ಯಾನ್ಸರ್‌ಗೆ ಕಾರಣವಾಗಲಿದ್ಯಾ? ಎಂಬುದೇ ಪ್ರಶ್ನೆಯಾಗಿದೆ.

ಗ್ಯಾಸ್‌ ಮೇಲೆ ನೇರವಾಗಿ ರೊಟ್ಟಿ ಅಥವಾ ಚಪಾತಿಯನ್ನು ಬೇಯಿಸುವುದು ಕೆಲವು ರಾಸಾಯನಿಕಗಳನ್ನು ಅಭಿವೃದ್ಧಿಪಡಿಸಲು ಕಾರಣವಾಗಬಹುದು. ಕ್ಯಾನ್ಸರ್ ಸಂಶೋಧನೆಗಾಗಿ ಇಂಟರ್ನ್ಯಾಷನಲ್ ಏಜೆನ್ಸಿ ಫಾರ್ ರಿಸರ್ಚ್ (IARC) ಸಂಭಾವ್ಯ ಮಾನವ ಕಾರ್ಸಿನೋಜೆನ್ ಎಂದು ಗೊತ್ತುಪಡಿಸಿದ ರಾಸಾಯನಿಕ ಅಣು. ಅಕ್ರಿಲಾಮೈಡ್ ಹೆಚ್ಚಾಗಿ ಗೋಧಿಯಲ್ಲಿ ಕಂಡುಬರುತ್ತದೆ. ಈ ಗೋಧಿಯಲ್ಲಿ ನಾವು ರೊಟ್ಟಿ, ಚಪಾತಿ ಮಾಡುತ್ತೇವೆ. ಇದು ಕ್ಯಾನ್ಸರ್ ಕೋಶಗಳ ಅಭಿವೃದ್ಧಿಗೆ ಕಾರಣವಾಗುವ ಡಿಎನ್‌ಎ ಬದಲಿಗೆ ಕಾರಣವಾಗುತ್ತದೆ ಎಂದು ತಿಳಿದುಬಂದಿದೆ.

ಹೆಚ್ಚಿನ ತಾಪಮಾನದಲ್ಲಿ ಆಹಾರವನ್ನು ಬೇಯಿಸುವುದು ಅಕ್ರಿಲಾಮೈಡ್ ಜೊತೆಗೆ ಹೆಟೆರೋಸೈಕ್ಲಿಕ್ ಅಮೈನ್‌ಗಳು (HCAs) ಮತ್ತು ಪಾಲಿಸಿಕ್ಲಿಕ್ ಆರೊಮ್ಯಾಟಿಕ್ ಹೈಡ್ರೋಕಾರ್ಬನ್‌ಗಳನ್ನು (PAHs) ಉತ್ಪಾದಿಸಲು ಸಹಾಯ ಮಾಡುತ್ತದೆ. ವಿಶೇಷವಾಗಿ ನೇರವಾಗಿ ಬೆಂಕಿಯಿಂದ ಯಾವುದಾದರು ಆಹಾರವನ್ನು ಬಿಸಿ ಮಾಡಿದಾಗ ಈ ರೀತಿಯ ರಾಸಾಯನಿಕ ಪ್ರಕ್ರಿಯೆ ಬದಲಾವಣೆಗೆ ಕಾರಣವಾಗುತ್ತದೆ.

PAH ಗಳು ಮತ್ತು HCA ಗಳು ಎರಡೂ ಮ್ಯುಟಾಜೆನಿಕ್ ಎಂದು ಸಾಬೀತಾಗಿದೆ, ಅಂದರೆ ಅವರು ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುವ ರೀತಿಯಲ್ಲಿ DNA ಯನ್ನು ಬದಲಾಯಿಸಬಹುದು ಎಂದು ಅಂದಾಜಿಸಲಾಗಿದೆ. ಆದರೆ ಈ ಕುರಿತು ಹೆಚ್ಚಿನ ಅಧ್ಯಯನದ ಅವಶ್ಯಕತೆ ಇರಲಿದೆ.

ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡುವುದು ಹೇಗೆ?

ಸಣ್ಣ ಉರಿಯಲ್ಲಿ ಬೇಯಿಸುವುದು: ರೊಟ್ಟಿ, ಚಪಾತಿಯನ್ನು ಮಧ್ಯಮ ಉರಿಗಿಂತಲೂ ಕಡಿಮೆ ಉರಿಯಲ್ಲಿ ಬೇಯಿಸಿದರೆ ಈ ಅಪಾಯ ಕಡಿಮೆ ಮಾಡಬಹುದು. ಅದರಲ್ಲೂ ಒಂದೇ ಕಡೆ ಕಾಯಿಸಿ ಕರಿಯುವಂತೆ ಮಾಡಬರದು. ಇದಕ್ಕಿಂತ ಕಾವಲಿಯಲ್ಲಿ ಹಾಕಿ ಬೇಯಿಸುವುದು ಉತ್ತಮ ಅಭ್ಯಾಸವಾಗಿದೆ.

ಬೇಯಿಸದೆ ಸವಿಯಬಹುಯದಾದ ಹಣ್ಣುಗಳು, ಪಾತ್ರೆಗಳ ಮೂಲಕ ಅಥವಾ ಹಬೆಯಲ್ಲಿ ಬೇಯಿಸಿದ ಆಹಾರ ಸೇವನೆ ಮಾಡುವುದು ಬಹಳ ಉತ್ತಮ. ಹಾಗೆ ಬೇಯಿಸಿ ಸವಿಯುವ ಆಹಾರಗಳು ಉತ್ತಮ ಎಂಬುದು ತಜ್ಞರ ಅಭಿಪ್ರಾಯವಾಗಿದೆ.