ಮೊಬೈಲ್ ಹಿಡಿದು ಟಾಯ್ಲೆಟ್‌ಗೆ ಹೋಗುತ್ತಿದ್ದೀರಾ? ಹಾಗಾದರೆ ಜೋಕೆ!

ನಮ್ಮ ಜೊತೆ ದಿನದ 24 ಗಂಟೆಯೂ ನಮ್ಮ ಜೊತೆಗಿರುವ ವಸ್ತುವೆಂದರೆ ಅದು ಮೊಬೈಲ್‌. ನಿದ್ದೆ ಮಾಡುವಾಗಲೇ ಪಕ್ಕದಲ್ಲಿಯೇ ಇಟ್ಟು ಮಲಗುತ್ತೇವೆ, ಆದರೆ ಈ ಮೊಬೈಲ್ ನಲ್ಲಿ ಟಾಯ್ಲೆಟ್‌ಗಿಂತ ಅಧಿಕ ಸೋಂಕಾಣಗಳು ಇರುತ್ತದೆ ಎಂಬುವುದು ಗೊತ್ತೇ? ಹೌದು ಇದು ಸತ್ಯ. ಆದರೆ ನಮ್ಮಲ್ಲಿ ಬಹುತೇಕರು ಈ ಮೊಬೈಲ್‌ ಸ್ವಚ್ಛತೆ ಕಡೆಗೆ ಗಮನ ಹರಿಸುವುದೇ ಇಲ್ಲ. ಕೊರೊನಾ ಸಮಯದಲ್ಲಿ ಮೊಬೈಲ್‌ ಸ್ಕ್ರೀನ್‌ ಅನ್ನು ಕೆಲವರು ಕ್ಲೀನ್‌ ಮಾಡುತ್ತಿದ್ದರು, ಆದರೆ ಇಗ ಮೊಬೈಲ್‌ ಸ್ವಚ್ಛ ಮಾಡಬೇಕು ಎಂದು ಯಾರು ಯೋಚಿಸುವುದೇ ಇಲ್ಲ.

ಟಾಯ್ಲೆಟ್‌ಗೆ ಮೊಬೈಲ್ ತೆಗೆದುಕೊಂಡು ಹೋಗುವುದು ಇನ್ನೂ ಅಪಾಯಕಾರಿ
ತುಂಬಾ ಜನರಿಗೆ ಟಾಯ್ಲೆಟ್‌ಗೆ ಹೋಗುವಾಗ ಮೊಬೈಲ್‌ ತೆಗೆದುಕೊಂಡು ಹೋಗಿ ಗಂಟೆ ಗಟ್ಟಲೆ ಕೂರುವ ಅಭ್ಯಾಸ ಇರುತ್ತದೆ. ನಿಮ್ಮ ಈ ಅಭ್ಯಾಸ ಎಷ್ಟೊಂದು ಅಪಾಯಕಾರಿ ಎಂಬುವುದು ಗೊತ್ತೇ, ರೋಗ ಬರಲು ನಿಮ್ಮ ಈ ಅಭ್ಯಾಸವೇ ಸಾಕು. ಟಾಯ್ಲೆಟ್‌ನಲ್ಲಿರುವ ಕೀಟಾಣುಗಳು ಮೊಬೈಲ್‌ನಲ್ಲಿ ಕೂತು ಮನೆಯೊಳಗೆ ಬರುತ್ತದೆ. ಇದರಿಂದ ಫುಡ್‌ ಪಾಯಿಸನ್ ಉಂಟಾಗುವುದು.

ಮೂತ್ರ ಸೋಂಕು ಉಂಟಾಗುವುದು
ತುಂಬಾ ಹೊತ್ತು ಮೊಬೈಲ್‌ ಅನ್ನು ಹಿಡಿದು ಟಾಯ್ಲೆಟ್‌ನಲ್ಲಿ ಕೂರುವುದರಿಂದ ಮೂತ್ರ ಸೋಂಕಿನ ಸಮಸ್ಯೆ ಉಂಟಾಗುವುದು. ಮೂತ್ರ ಸೋಂಕು ಇರುವವರು ಆ ಟಾಯ್ಲೆಟ್‌ ಕೂತಿದ್ದರೆ ನೀವು ಹೋಗಿ ತುಂಬಾ ಹೊತ್ತು ಕೂರುವುದರಿಂದ ಮೂತ್ರ ಸೋಂಕು ನಿಮಗೂ ಹರಡುವುದು

ಹೆಮೊರಾಯ್ಡ್ ಸಮಸ್ಯೆ ಬರುವುದು
ಟಾಯ್ಲಟ್‌ನಲ್ಲಿ ತುಂಬಾ ಹೊತ್ತು ಕೂರುವುದರಿಂದ ಹೆಮೊರಾಯ್ಡ್ ಸಮಸ್ಯೆ ಬರುತ್ತದೆ.

ಹೊಟ್ಟೆಯ ಆರೋಗ್ಯ ಹಾಳಾಗುತ್ತದೆ
ಟಾಯ್ಲೆಟ್‌ನಲ್ಲಿ ಹೊಟ್ಟೆ ಹಿಡಿದು ಕೂರುವುದರಿಂದ ಮಲವಿಸರ್ಜನೆ ಸಂಪೂರ್ಣವಾಗಿ ಮಾಡುವುದಿಲ್ಲ, ಗಮನವೆಲ್ಲಾ ಮೊಬೈಲ್‌ ಮೇಲೆಯೇ ಇರುತ್ತದೆ, ಇಲ್ಲದಿದ್ದರೆ ಮಲವಿಸರ್ಜನೆಯಾದರೂ ಸುಮ್ಮನೆ ಕೂರುವುದರಿಂದ ಗುದದ್ವಾರದ ಮೇಲೆ ಹೆಚ್ಚಿನ ಒತ್ತಡ ಬೀಳುವುದು, ಹೀಗಾಗುವುದು ಆರೋಗ್ಯದ ದೃಷ್ಟಿಯಿಂದ ಒಳ್ಳೆಯದಲ್ಲ.

ಈ ಅಭ್ಯಾಸವನ್ನು ಬಿಡುವುದು ಹೇಗೆ?
ಕೆಲವರಿಗೆ ಟಾಯ್ಲೆಟ್‌ಗೆ ಮೊಬೈಲ್ ಹಿಡಿದುಕೊಂಡು ಹೋಗದಿದ್ದರೆ ಮಲವಿಸರ್ಜನೆಯಾಗುವುದೇ ಅಷ್ಟೊಂದು ಅಡಿಕ್ಟ್ ಆಗಿರುತ್ತಾರೆ. ನೀವು ಮೊಬೈಲ್‌ ಅನ್ನು ಟಾಯ್ಲೆಟ್‌ ಒಳಗೆ ತೆಗೆದುಕೊಂಡು ಹೋಗಲೇಬೇಡಿ, ಮನಸ್ಸು ಗಟ್ಟಿ ಮಾಡಿ ಮೊಬೈಲ್ ಹೊರಗಡೆಯೇ ಇಟ್ಟು ಟಾಯ್ಲೆಟ್‌ ಒಳಗಡೆ ಹೋಗಿ , ಇದರಿಂದ ಕಾಯಿಲೆ ಹರಡುವುದು ತಪ್ಪುವುದು.

ಮೊಬೈಲ್ ಸ್ವಚ್ಛತೆ ಕಡೆಗೆ ಗಮನ ನೀಡಿ
* ಮೊಬೈಲ್‌ ಅನ್ನು ನೀವು ಸ್ವಚ್ಛ ಮಾಡುತ್ತಲೇ ಇರುತ್ತದೆ. ಮೊಬೈಲ್ ಕ್ಲೀನ್‌ ಮಾಡಲು ಸ್ಪ್ರೇ ಸಿಗುತ್ತೆ, ಅದನ್ನು ಬಳಸಿದರೆ ಮೊಬೈಲ್ ಶುದ್ಧವಾಗಿರುವುದು, ಅದರಲ್ಲಿ ಕೀಟಾಣುಗಳು ಕಡಿಮೆಯಾಗುವುದು.

ಟಾಯ್ಲೆಟ್‌ ಕ್ಲೀನಿಂಗ್ ಬಗ್ಗೆ ಗಮನಹರಿಸಬೇಕು
* ಮನೆಯ ಟಾಯ್ಲೆಟ್‌ ಅನ್ನು ಪ್ರತಿನಿತ್ಯ ಸ್ವಚ್ಚಗೊಳಿಸಿ, ಸೂಕ್ಷ್ಮಾಣು ಜೀವಿಗಳನ್ನು ಕೊಲ್ಲುವ ಸ್ಪ್ರೇ ಅಥವಾ ಲಿಕ್ವಿಡ್ ಬಳಸಬೇಕು.
* ಒಬ್ಬರು ಬಳಸಿದ ಟಾಯ್ಲೆಟ್‌ ಮತ್ತೊಬ್ಬರು ಬಳಸುವಾಗ ಹಾಗೇ ಹೋಗಿ ಕೂರಬೇಡಿ, ನೀರು ಹಾಕಿ ಸ್ವಚ್ಛ ಗೊಳಿಸಿ ನಂತರವಷ್ಟೇ ಕೂರಿ, ಅದರ ಮೊದಲು ಟಾಯ್ಲೆಟ್ ಪೇಪರ್‌ನಿಂದ ವೈಪ್‌ ಮಾಡಿ.

ವೆಸ್ಟರ್ನ್ ಟಾಯ್ಲೆಟ್‌ ಬಳಸುವವರು ಸ್ವಚ್ಛತೆ ಕಡೆಗೆ ಹೆಚ್ಚಿನ ಗಮನಹರಿಸಬೇಕು
ಇಂಡಿಯನ್ ಟಾಯ್ಲೆಟ್ ಬದಲಿಗೆ ವೆಸ್ಟರ್ನ್ ಟಾಯ್ಲೆಟ್‌ನಿಂದ ಸೋಂಕಾಣುಗಳು ಹೆಚ್ಚಾಗಿ ಹರಡುವುದು, ಆದ್ದರಿಂದ ಪಬ್ಲಿಕ್‌ ಟಾಯ್ಲೆಟ್‌ ಬಳಸುವಾಗ ಇಂಡಿಯನ್ ಬಳಸುವುದು ಒಳ್ಳೆಯದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.