ಕೋವಿಡ್ 19 ಪಾಸಿಟಿವ್ ಬಂದ್ರೆ ನೀವು ಮಾಡಬೇಕಾಗಿರುವುದು ಏನು?

ನೀವು ಮಾಡಬೇಕಾಗಿರುವುದು ಏನು?

* ಕೊರೊನಾ ಪಾಸಿಟಿವ್ ಬಂದು ಮನೆಯಲ್ಲಿಯೇ ಇದ್ದೀರಾ?

* ಮನೆಯಲ್ಲಿಯೇ ನಿಮ್ಮ ಆರೈಕೆ ಮಾಡುವುದು ಹೇಗೆ?

* ಯಾವ ಲಕ್ಷಣಗಳು ಬಂದಾಗ ಆಸ್ಪತ್ರೆಗೆ ದಾಖಲಾಗಬೇಕು?

ಕೋವಿಡ್ 19 ಪಾಸಿಟಿವ್ ಬಂದ್ರೆ ಏನು ಮಾಡಬೇಕು?

* ನಿಮಗೆ ಚಿಕ್ಕ ಸಮಸ್ಯೆಯಿದ್ದರೆ ಮನೆಯಲ್ಲಿಯೇ ಹೋಂ ಕ್ವಾರಂಟೈನ್‌ನಲ್ಲಿರಿ.

* ಅಟ್ಯಾಚ್ಡ್‌ ಬಾತ್‌ರೂಂ ಇರುವ ರೂಂನಲ್ಲಿ ಐಸೋಲೇಟ್‌ ಆಗಿರಿ (ಅಂದ್ರೆ ಆ ರೂಮಿನಲ್ಲಿ ನೀವು ಮಾತ್ರ ಇರಬೇಕು, ಯಾರೂ ಬರಬಾರದು, ಸಂಪೂರ್ಣ ಗುಣಮುಖರಾಗುವವರೆಗೆ ರೂಮ್‌ನಿಂದ ಹೊರಗಡೆ ಹೋಗಬಾರದು) .

* ಸ್ವಲ್ಪ ಜ್ವರವಿದ್ದರೆ ಪ್ಯಾರಾಸಿಟಮೋಲ್ ಮಾತ್ರೆ ತೆಗೆದುಕೊಳ್ಳಿ.

* ದಿನದಲ್ಲಿ 10-15 ಬಾರಿ ನಿಮ್ಮ ಆಕ್ಸಿಜನ್ ಲೆವಲ್‌ (ಆಮ್ಲಜನಕ) ಪರೀಕ್ಷ ಮಾಡುತ್ತಾ ಇರಿ.

* ಆಕ್ಸಿಜನ್ ಪ್ರಮಾಣ 94-100ರ ಒಳಗೆ ಇದ್ದರೆ ಏನೂ ಚಿಂತಿಸಬೇಡಿ. ಒಂದು ವೇಳೆ 94ಕ್ಕಿಂತ ಕಡಿಮೆಯಿದ್ದರೆ ವೈದ್ಯರಿಗೆ ಕರೆ ಮಾಡಿ.

* ಸುಲಭವಾಗಿ ಜೀರ್ಣವಾಗುವ ದ್ರವ ರೂಪದ ಆಹಾರ ಸೇವಿಸಿ. ಅಲ್ಲದೆ 8-10 ಲೋಟ ಬಿಸಿ-ಬಿಸಿ ನೀರು ಸೇವಿಸಿ.

ಏನು ಮಾಡಬಾರದು?

* ವೈದ್ಯರ ಸಲಹೆ ಇಲ್ಲದೆ ಸ್ಟಿರಾಯ್ಡ್ ಅಥವಾ ರೆಮ್ಡಿಸಿವಿರ್ ತೆಗೆದುಕೊಳ್ಳಬೇಡಿ.

* ರೋಗ ಲಕ್ಷಣಗಳು ಅಧಿಕವಿದ್ದರೆ, ನಿಮ್ಮ ವೈದ್ಯರಿಗೆ ಕರೆ ಮಾಡಿ ಮಾಹಿತಿ ನೀಡುತ್ತಾ ಇರಿ.

* ಜ್ವರ 5-7 ದಿನ ಇದ್ದರೆ, ಆಕ್ಸಿಜನ್ ಪ್ರಮಾಣ ಕಡಿಮೆಯಾಗುತ್ತಿದ್ದರೆ ಕೂಡಲೇ ಆಸ್ಪತ್ರೆಗೆ ಹೋಗಿ. ಎಲ್ಲಾ ಆಸ್ಪತ್ರೆಯಲ್ಲಿ ಅಲೆದಾಡುವ ಮುನ್ನ ಯಾವ ಆಸ್ಪತ್ರೆಯಲ್ಲಿ ಆಕ್ಸಿಜನ್ ಇದೆ ಎಂದು ಚೆಕ್ ಮಾಡಿ, ಆ ಆಸ್ಪತ್ರೆಗೆ ದಾಖಲಾಗಿ.

* ಆಕ್ಸಿಜನ್ ಸಿಲಿಂಡರ್‌ಗೆ ನೀವು ಗೌರ್ನಮೆಂಟ್ ಏಜೆನ್ಸಿ ಅವರನ್ನು ಸಂಪರ್ಕಿಸುವುದು ಒಳ್ಳೆಯದು. ಆಕ್ಸಿಜನ್ ಅನ್ನು ಬ್ಲ್ಯಾಕ್‌ನಲ್ಲಿ ಕೊಳ್ಳಬೇಡಿ, ಇದರಿಂದ ಸಮಯ ಹಾಗೂ ಹಣ ವ್ಯರ್ಥ. ಆಕ್ಸಿಜನ್‌ ರೋಗಿಗೆ ಸರಿಯಾದ ಸಮಯಕ್ಕೆ ಸಿಗುವ ವ್ಯವಸ್ಥೆ ಮಾಡಿ.

* ವೈದ್ಯರ ಸಲಹೆ ಪಡೆಯದೆ ಯಾವುದೇ ಔಷಧಿ ತೆಗೆದಕೊಳ್ಳಬೇಡಿ.

* ಗೂಗಲ್‌ನಲ್ಲಿ ಔಷಧಿ ಹುಡುಕಿ ತೆಗೆದುಕೊಳ್ಳಬೇಡಿ, ಸೋಷಿಯಲ್‌ ಮೀಡಿಯಾದಲ್ಲಿ ಕಾಣ ಸಿಗುವ ಔಷಧಿ ಟ್ರೈ ಮಾಡಬೇಡಿ.

* ಆರೋಗ್ಯ ಗಂಭೀರವಾಗುತ್ತಿದ್ದರೆ ಮನೆಯಲ್ಲಿ ಔಷಧಿ ತೆಗೆದುಕೊಳ್ಳಬೇಡಿ.

* 7 ದಿನವಾದರೂ ಜ್ವರ ಕಡಿಮೆಯಾಗದೆ ಇದ್ದರೆ, ಆಕ್ಸಿಜನ್ ಕಡಿಮೆಯಾದರೆ, ಬೇಧಿ, ಉಸಿರಾಟದ ತೊಂದರೆ, ಎದೆ ನೋವು ಈ ರೀತಿಯ ಲಕ್ಷಣಗಳು ಕಂಡು ಬಂದರೆ ಮನೆಯಲ್ಲಿ ಇರಬೇಡಿ, ಆಸ್ಪತ್ರೆಗೆ ದಾಖಲಾಗಿ.