ವಿಟಮಿನ್ ಕೆ ಕೊರತೆ ಉಂಟಾದರೆ ಕಂಡು ಬರುವ ಲಕ್ಷಣಗಳಿವು

ವಿಟಮಿನ್ ಕೆ ಕೊರತೆಗೆ ಕಾರಣಗಳು

* ಆಹಾರಕ್ರಮದಲ್ಲಿ ವಿಟಮಿನ್ ಕೆ ಕೊರತೆ

* ದೇಹವು ಕೊಬ್ಬಿನಂಶವನ್ನು ಹೀರಿಕೊಳ್ಳಲು ಅಸಮರ್ಥವಾದಾಗ

* ದೇಹದ ರಕ್ತ ತೆಳ್ಳಗೆ ಮಾಡುವ warfarinನಂಥ ಮಾತ್ರೆ ತೆಗೆದುಕೊಂಡಾಗ

* ವಿಟಮಿನ್ ಮತ್ತು ವಿಟಮಿನ್ ಇ ಅತ್ಯಧಿಕ ತೆಗೆದುಕೊಂಡಾಗ

* ಕೆಲವು ತಾಯಂದಿರ ಎದೆಹಾಲಿನಲ್ಲಿ ವಿಟಮಿನ್ ಕೆ ಕಡಿಮೆ ಇರುತ್ತದೆ

* ನವಜಾತ ಶಿಶುವಿನ ಜಠರ ಕೆಲವು ದಿನಗಳವರೆಗೆ ವಿಟಮಿನ್ ಕೆ 2 ಉತ್ಪಾದಿಸುವುದಿಲ್ಲ

* ಮಗುವಿನ ಲಿವರ್ ವಿಟಮಿನ್ ಕೆ ಬಳಸಿಕೊಳ್ಳಲು ಅಸಮರ್ಥವಾದಾಗ ವಿಟಮಿನ್ ಕೆ ೊರತೆ ಉಂಟಾಗುವುದು.

ವಿಟಮಿನ್ ಕೆ ಲಕ್ಷಣಗಳು

ವಿಟಮಿನ್ ಕೆ ಕೊರತೆಯ ಸಾಮಾನ್ಯ ಲಕ್ಷಣವೆಂದರೆ ರಕ್ತಸ್ರಾವ ನಿಲ್ಲದೇ ಇರುವುದು, ನಂತರ ದೇಹದಲ್ಲಿ ಈ ಲಕ್ಷಣಗಳೂ ಕಂಡು ಬರುತ್ತದೆ.

* ದೇಹದಲ್ಲಿ ರಕ್ತ ಹೆಪ್ಪುಗಟ್ಟಿದಂತೆ ಕಲೆಗಳು ಕಂಡು ಬರುವುದು

* ಕಪ್ಪು ಬಣ್ಣದಲ್ಲಿ ಮಲವಿಸರ್ಜನೆ, ಮಲದಲ್ಲಿ ರಕ್ತವೂ ಗೋಚರಿಸುವುದು

* ಉಗುರಿನಲ್ಲಿ ರಕ್ತ ಹೆಪ್ಪುಗಟ್ಟುವುದು

* ಮುಟ್ಟಿನ ಸಮಯದಲ್ಲಿ ಅತ್ಯಧಿಕ ರಕ್ತಸ್ರಾವ

ನವಜಾತ ಶಿಶುಗಳಲ್ಲಿ ವಿಟಮಿನ್ ಕೆ ಕಂಡು ಬಂದರೆ ಕಂಡು ಬರುವ ಲಕ್ಷಣಗಳು

* ಗಂಡು ಮಗುವಾಗಿದ್ದರೆ ಅದರ ಶಿಶ್ನದಲ್ಲಿ ರಕ್ತಸ್ರಾವ ಉಂಟಾಗುವುದು

* ದೇಹದ ಇತರ ಭಾಗಗಳಲ್ಲಿ ಅಂದರೆ ತ್ವಚೆ, ಮೂಗು, ಗುದಧ್ವಾರದಲ್ಲಿ ರಕ್ತಸ್ರಾವ

* ಹೊಕ್ಕುಳ ಬಳ್ಳಿ ಕತ್ತರಿಸಿದ ಜಾಗದಲ್ಲಿ ರಕ್ತಸ್ರಾವ

* ಮೆದುಳಿನಲ್ಲಿ ಇದ್ದಕ್ಕಿದ್ದಂತೆ ರಕ್ತಸ್ರಾವ (ಹೀಗೆ ಉಂಟಾದರೆ ಜೀವಕ್ಕೆ ಅಪಾಯ ಉಂಟಾಗುವ ಸಾಧ್ಯತೆ ಇದೆ)

ಯಾವ ಮಕ್ಕಳಲ್ಲಿ ವಿಟಮಿನ್ ಕೆ ಕೊರತೆ ಕಂಡು ಬರುವ ಸಾಧ್ಯತೆ ಹೆಚ್ಚು?

1. ಅವಧಿಗೆ ಮುನ್ನ ಹುಟ್ಟುದ ಮಕ್ಕಳಲ್ಲಿ ವಿಟಮಿನ್ ಕೆ ಕಂಡು ಬರುವ ಸಾಧ್ಯತೆ ಇದೆ.

2. ಗರ್ಭಿಣಿ ಅಥವಾ ತಾಯಿ anticoagulants, anti-seizureನಂಥ ಮಾತ್ರೆ ತೆಗೆದುಕೊಳ್ಳುತ್ತಿದ್ದರೆ ಮಗುವಿನಲ್ಲಿ ವಿಟಮಿನ್ ಕೆ ಕೊರತೆ ಉಂಟಾಗುವುದು.

3. ಕೊಬ್ಬು ಹೀರಿಕೊಳ್ಳುವ ಸಾಮಾರ್ಥ್ಯ ಕಡಿಮೆ ಇರುವ ಮಕ್ಕಳಲ್ಲಿ (fat malabsorption) ವಿಟಮಿನ್ ಕೆ ಕೊರತೆ ಉಂಟಾಗುವುದು.

ಸಾಮಾನ್ಯವಾಗಿ ರಕ್ತ ಹೆಪ್ಪುಗಟ್ಟಲು 11ರಿಂದ 13.5 ಸೆಕೆಂಡ್ ತೆಗೆದುಕೊಳ್ಳುತ್ತದೆ. ಅದಕ್ಕಿಂತ ಹೆಚ್ಚಿನ ಸಮಯ ತೆಗೆದುಕೊಳ್ಳುತ್ತಿದ್ದರೆ ವಿಟಮಿನ್ ಕೆ ಕೊರತೆ ಉಂಟಾಗಿರುತ್ತದೆ.

ವಿಟಮಿನ್ ಕೆ ಕೊರತೆಗೆ ಚಿಕಿತ್ಸೆ

ವಿಟಮಿನ್ ಕೆ ಕೊರತೆಯನ್ನು ಪೈಟೋನಯೊಡಿನ್ , ವಿಟಮಿನ್ ಕೆ1 ಸಪ್ಲಿಮೆಂಟ್ ತೆಗೆದುಕಳ್ಳುವುದರಿಂದ ಕಡಿಮೆಯಾಗುವುದು. ಕೆಲವೊಂದು ಕೇಸ್‌ಗಳಲ್ಲಿ ವೈದ್ಯರು ತ್ವಚೆಗೆ ಚುಚ್ಚುಮದ್ದಿನ ಮೂಲಕ ವಿಟಮಿನ್ ಕೆ ನೀಡುತ್ತಾರೆ.

ವಿಟಮಿನ್ ಕೆ ತಡೆಗಟ್ಟುವುದು ಹೇಗೆ?

ಹಸಿರು ಸೊಪ್ಪು ತರಕಾರಿಗಳಲ್ಲಿ ವಿಟಮಿನ್ ಕೆ ಹೆಚ್ಚಿರುತ್ತದೆ. ಹೆಚ್ಚೆಚ್ಚು ಸೊಪ್ಪು ತರಕಾರಿ ತಿನ್ನುವುದರಿಂದ ವಿಟಮಿನ್ ಕೆ ದೊರೆಯುವುದು. ಪೇರಳೆಹಣ್ಣು, ಹಳದಿ ಕ್ಯಾಪ್ಸಿಕಂ, ಕೆಂಪು ಕ್ಯಾಪ್ಸಿಕಂ, ಕಿವಿ ಹಣ್ಣು, ಬ್ರೊಕೋಲಿ, ಲಿಚಿ, ಪಪ್ಪಾಯಿ, ಸ್ಟ್ರಾಬೆರ್ರಿ, ನಿಂಬೆಹಣ್ಣು,ಅನಾನಾಸ್, ಹೂಕೋಸು, ನೆಲ್ಲಿಕಾಯಿ ಇವುಗಳಲ್ಲಿ ವಿಟಮಿನ್ ಕೆ ಇದೆ.