ಥೈರಾಯ್ಡ್ ಗ್ರಂಥಿ ಸರ್ಜರಿ ಮಾಡಿದರೆ ತೆಗೆದರೆ ಪ್ರಯೋಜನಗಳೇನು, ಅಡ್ಡಪರಿಣಾಮವಿದೆಯೇ?

ಮೊದಲಿಗೆ ಥೈರಾಯ್ಡ್ ಗ್ರಂಥಿಯ ಕಾರ್ಯಗಳ ಬಗ್ಗೆ ನೋಡೋಣ

ಥೈರಾಯ್ಡ್ ಹಾರ್ಮೋನ್‌ಗಳು ನಮ್ಮ ದೇಹದ ತೂಕ, ಚಯಪಚಯ ಕ್ರಿಯೆ, ಹೃದಯದ ಆರೋಗ್ಯ ಕಾಪಾಡಲು ತುಂಬಾನೇ ಅವಶ್ಯಕ. ಸ್ನಾಯುಗಳು ಹಾಗೂ ಮೂಳೆಯ ಆರೋಗ್ಯಕ್ಕೆ ಕೂಡ ತುಂಬಾನೇ ಅವಶ್ಯಕ.

ಥೈರಾಯ್ಡ್ ಗ್ರಂಥಿ ತೆಗೆಯುವುದರಿಂದ ದೊರೆಯುವ ಪ್ರಯೋಜನಗಳು

* ಥೈರಾಯ್ಡ್‌ ಗ್ರಂಥಿ ಹಾಗೇ ಇದ್ದರೆ ಕ್ಯಾನ್ಸರ್ ಬರುವ ಸಾಧ್ಯತೆ ಇದೆ

* ಥೈರಾಯ್ಡ್ ಗ್ರಂಥಿ ಊದಿಕೊಂಡರೆ ಆಹಾರ ನುಂಗಲು, ಉಸಿರಾಡಲು ತೊಂದರೆಯಾಗುವುದು, ಧ್ವನಿಯಲ್ಲೂ ಬದಲಾವಣೆಯಾಗುವುದು.

* ಯಾರಿಗೆ ಹೈಪರ್ ಥೈರಾಯ್ಡ್ ಇದೆಯೋ ಯಾವುದೇ ಚಿಕಿತ್ಸೆ ಪ್ರಯೋಜನವಾಗುವುದಿಲ್ಲ, ಆದ್ದರಿಂದ ಥೈರಾಯ್ಡ್ ಗ್ರಂಥಿ ತೆಗೆದರೆ ಒಳ್ಳೆಯದು

ಥೈರಾಯ್ಡ್ ಗ್ರಂಥಿ ತೆಗೆಯುವ 3 ಚಿಕಿತ್ಸೆಗಳಿಂದರೆ

ಹೆಮಿಥೈರಾಯ್ಡೋಕ್ಟೊಮಿ ಅಥವಾ ಲೋಬೆಕ್ಟೊಮಿ (Hemithyroidectomy, or lobectomy: ಇದರಲ್ಲಿ ಒಂದು ಲೊಬೆ ಅಥವಾ ಅರ್ಧ ಥೈರಾಯ್ಡ್‌ ಗ್ರಂಥಿ ತೆಗೆಯಯಲಾಗುವುದು. ಕ್ಯಾನ್ಸರ್ ಅಪಾಯ ಕಡಿಮೆ ಇದ್ದರೆ ಒಂದು ಭಾಗವಷ್ಟೇ ತೆಗೆಯಲಾಗುವುದು.

* ಇಸ್ತೆಮ್ಯೂಸೆಕ್ಟೊಮಿ (Isthmusectomy):ಈ ಚಿಕಿತ್ಸೆಯಲ್ಲಿ ಥೈರಾಯ್ಡ್‌ ಗ್ರಂಥಿಯಲ್ಲಿರುವ ಚಿಕ್ಕ ಗಡ್ಡೆಯನ್ನು ಮಾತ್ರ ತೆಗೆಯಲಾಗುವುದು.

* ಟೋಟಲ್‌ ಥೈರಾಯ್ಡೋಕ್ಟೊಮಿ (Total thyroidectomy): ಇದರಲ್ಲಿ ಸಂಪೂರ್ಣ ಥೈರಾಯ್ಡ್ ಗ್ರಂಥಿಯನ್ನು ತೆಗೆದು ಹಾಕಲಾಗುವುದು. ಥೈರಾಯ್ಡ್ ಕ್ಯಾನ್ಸರ್ ಆಗುವ ಸಾಧ್ಯತೆ ಇದ್ದರೆ ಅಥವಾ ಥೈರಾಯ್ಡ್ ಗ್ರೇವ್ ಆಗಿದ್ದಾಗ ಸಂಪೂರ್ಣವಾಗಿ ತೆಗೆದು ಹಾಕಲಾಗುವುದು.

ಥೈರಾಯ್ಡ್ ಗ್ರಂಥಿ ತೆಗೆದರೆ ಅಡ್ಡಪರಿಣಾಮಗಳೇನು?

* ಸೋಂಕು

* ರಕ್ತಸ್ರಾವ

* ಧ್ವನಿಪೆಟ್ಟಿಗೆಯಲ್ಲಿ ಗಾಯ

* ಪ್ಯಾರಾಥೈರಾಯ್ಡ್ ಗ್ರಂಥಿಗೆ ಹಾನಿಯಾಗಬಹುದು

ಆಹಾರದಲ್ಲಿರುವ ಕ್ಯಾಲ್ಸಿಯಂ ಹೀರಿಕೊಳ್ಳಲು ಪ್ಯಾರಾಥೈರಾಯ್ಡ್‌ ಗ್ರಂಥಿ ಅವಶ್ಯಕ.

ಚೇತರಿಸಿಕೊಳ್ಳಲು ಎಷ್ಟು ಸಮಯ ಬೇಕು?

ಸರ್ಜರಿ ಆದ ಒಂದು ದಿನದಲ್ಲಿ ಎದ್ದು ಓಡಾಡಬಹುದು, ವೈದ್ಯರು ಕೆಲವು ವಾರ ವಿಶ್ರಾಂತಿ ಪಡೆಯಲು ಸೂಚಿಸುತ್ತಾರೆ.

* ಕೆಲವರಿಗೆ ಕೆಲವು ವಾರಗಳವರೆಗೆ ನೋವು ಇರುತ್ತದೆ, ನೋವು ತುಂಬಾ ಇದ್ದರೆ ವೈದ್ಯರು ನೋವು ನಿವಾರಕ ನೀಡಬಹುದು.

ಥೈರಾಯ್ಡ್ ಸರ್ಜರಿ ಆದ ಬಳಿಕ ಥೈರಾಯ್ಡ್ ಹಾರ್ಮೋನ್‌ ಹಾಗೂ ಕ್ಯಾಲ್ಸಿಯಂ ಅನ್ನು ನಿಯಮಿತವಾಗಿ ಪರೀಕ್ಷೆ ಮಾಡುತ್ತಾ ಇರಬೇಕು.