ಅಂತರ್ಜಾಲಕ್ಕಿಂತ ವೈದ್ಯರೇಕೆ ಹೆಚ್ಚು ನಂಬಲು ಅರ್ಹರು?

1. ವೈದ್ಯರು ರೋಗ ಲಕ್ಷಣಗಳನ್ನು ಹೆಚ್ಚು ಅರ್ಥೈಸಿಕೊಳ್ಳುವವರಾಗಿದ್ದಾರೆ

ನೀವು ಅಂತರ್ಜಾಲದಲ್ಲಿ ಹುಡುಕುವಾಗ ನಿಮಗೆ ರೋಗದ ಸಾಮೂಹಿಕ ಲಕ್ಷಣಗಳಷ್ಟೇ ತಿಳಿಯುತ್ತವೆ. ಆದರೆ ಬಹಳ ಸಂದರ್ಭಗಳಲ್ಲಿ ಕೆಲವು ಲಕ್ಷಣಗಳು ವ್ಯಕ್ತಿಯಿಂದ ವ್ಯಕ್ತಿಗೆ ಬದಲಾಗುತ್ತವೆ. ಹೀಗಾಗಿ ನಿಮ್ಮನ್ನು ನೋಡಿದ ವೈದ್ಯರಷ್ಟೇ ನಿಮ್ಮ ರೋಗದ ಬಗೆಗಿನ ಇತಿಹಾಸ ಮತ್ತು ಇತರ ಪರಿಸ್ಥಿತಿಗಳ ಸಮಗ್ರ ಅವಲೋಕನ ಮಾಡುತ್ತಾರೆ.

ವೈದ್ಯರ ದಿನಾಚರಣೆ : ನಿಮ್ಮ ವೈದ್ಯರು ಅಂತರ್ಜಾಲಕ್ಕಿಂತ ಚೆನ್ನಾಗಿ ರೋಗ ಲಕ್ಷಣಗಳನ್ನು ವಿವರಿಸಬಲ್ಲರು.

2. ಪರಿಣಿತರ ಸಲಹೆಗಿಂತ ಮಿಗಿಲಾದುದು ಏನಿದೆ?

ವೈದ್ಯರು ರೋಗಿಗೆ ಚಿಕಿತ್ಸೆ ನೀಡಲು ವರ್ಷಾನುಗಟ್ಟಲೆ ತರಬೇತಿ ಪಡೆದಿರುತ್ತಾರೆ. ವೈದ್ಯರು ನೀಡುವ ಯಾವುದೇ ಸಲಹೆ ಅಂತರ್ಜಾಲ ನೀಡುವ ಉಪಾಯಕ್ಕಿಂತ ಹೆಚ್ಚು ನಂಬಲರ್ಹವಾಗಿರುತ್ತದೆ. ಇತ್ತೀಚಿನ ದಿನಗಳಲ್ಲಿ ಅಂತರ್ಜಾಲದಲ್ಲಿ ವೈದ್ಯರ ಬಳಿ ನೇರವಾಗಿ ಸಲಹೆ ಪಡೆಯುವ ಸಾಧ್ಯತೆ ಸಿಕ್ಕಿರುವುದು ವೈದ್ಯಕೀಯ ಚಿಕಿತ್ಸೆ ಸುಲಭವಾಗಿ ದೊರೆಯುವಂತೆ ಮಾಡಿದೆ.

3. ಅಂತರ್ಜಾಲಕ್ಕೆ ನಿಮ್ಮ ಆರೋಗ್ಯದ ಇತಿಹಾಸ ತಿಳಿದಿರುವುದಿಲ್ಲ

ಸರಿಯಾದ ಉಪಚಾರಕ್ಕೆ ರೋಗದ ಇತಿಹಾಸ, ಹಿಂದಿನ ವೈದ್ಯಕೀಯ ಚಿಕಿತ್ಸೆಯ ವರದಿಗಳು, ಕುಟುಂಬದಲ್ಲಿ ರೋಗದ ಇರುವಿಕೆ ಮತ್ತು ಇತರ ಮಾಹಿತಿಗಳು ಬಹಳ ಅಗತ್ಯ. ಅಂತರ್ಜಾದಲ್ಲಿ ಸಿಗುವ ನೆರವು ಔಷಧಿ ನೀಡುವ ಮೊದಲು ಈ ಎಲ್ಲಾ ಅಂಶಗಳ ಬಗ್ಗೆ ಗಮನ ಹರಿಸುವುದಿಲ್ಲ. ಕೇವಲ ನಿಮ್ಮ ವೈದ್ಯರಷ್ಟೇ ಎಲ್ಲಾ ವಿಷಯಗಳನ್ನು ಕೂಲಂಕುಷವಾಗಿ ಪರಿಶೀಲಿಸಿ ನಿಮಗೆ ಸರಿಯಾದ ಔಷಧಿ ನೀಡುತ್ತಾರೆ.

4. ಅತಿ ಕಡಿಮೆ ಸಂವಹನ

ನಿಮ್ಮ ವೈದ್ಯರು ನಿಮ್ಮ ಮಾತನ್ನು ಕಾಳಜಿಯಿಂದ ಕೇಳುತ್ತಾರೆ ಮತ್ತು ಎಲ್ಲಾ ಚಿಕ್ಕ ವಿವರಗಳನ್ನು ಆಲಿಸುತ್ತಾರೆ. ಈ ತರಹದ ವಿವರವಾದ ಮಾತುಕತೆ ಅಂತರ್ಜಾಲದಲ್ಲಿ ಸಾಧ್ಯವಿಲ್ಲ, ಅಂತರ್ಜಾಲದಲ್ಲಿ ಏಕಮುಖ ಸಂವಹನ ಮಾತ್ರ ನಡೆಯುತ್ತದೆ ಅಲ್ಲಿ ನಿಮ್ಮ ಸಂದೇಹಗಳನ್ನು ಕೇಳಲು ಮತ್ತು ಅದಕ್ಕೆ ಸೂಕ್ತ ಪರಿಹಾರ ಕಂಡುಕೊಳ್ಳಲು ಸಾಧ್ಯವಿಲ್ಲ.