ಚುಂಬನ ರೋಗ: ಇದರ ಲಕ್ಷಣಗಳೇನು, ತಡೆಗಟ್ಟುವುದು ಹೇಗೆ?

ಚುಂಬನ ಕಾಯಿಲೆಯ ಲಕ್ಷಣಗಳು

* ತಲೆಸುತ್ತು

* ಗಂಟಲು ನೋವು ( ಗಂಟಲು ನೋವೆಂದು ಚಿಕಿತ್ಸೆ ಪಡೆದರೂ ನೋವು ಕಡಿಮೆಯಾಗಲ್ಲ)

* ಜ್ವರ

* ಕುತ್ತಿಗೆ ಮತ್ತು ಭುಜದ ಕೆಳಗಡೆ ಊತ

* ಟಾನ್ಸಿಲ್‌ನಲ್ಲಿ ಊತ

* ತಲೆನೋವು

* ಚರ್ಮದಲ್ಲಿ ಗುಳ್ಳೆಗಳು

* ಗುಲ್ಮದಲ್ಲಿ ಊತ

ಸೋಂಕು ತಗುಲಿ ರೋಗ ಲಕ್ಷಣಗಳು ಕಂಡು ಬರಲು 6 ವಾರಗಳು ಬೇಕು. ಚಿಕ್ಕ ಮಕ್ಕಳಲ್ಲಿ ಬೇಗನೆ ಕಂಡು ಬರಬಹುದು. ಈ ರೋಗ ಲಕ್ಷಣಗಳಲ್ಲಿ ಜ್ವರ, ಗಂಟಲು ಕೆರೆತ, ನೋವು ಕೆಲವು ವಾರಗಳಲ್ಲಿ ಕಡಿಮೆಯಾದರೆ , ಕುತ್ತಿಗೆ ಹಾಗೂ ಭುಜದ ಕೆಳಗಡೆ ಊತ, ನೋವು ಕೆಲವು ವಾರಗಳವರೆಗೆ ಇರುವುದು.

ಯಾವಾಗ ವೈದ್ಯರನ್ನು ಭೇಟಿ ಮಾಡಬೇಕು?

ರೋಗ ಲಕ್ಷಣಗಳು ಒಂದು ಅಥವಾ ಎರಡು ವಾರಕ್ಕಿಂತ ಹೆಚ್ಚು ಸಮಯ ಕಂಡು ಬಂದಾಗ ಸೂಕ್ತ ಚಿಕಿತ್ಸೆ ತೆಗೆದುಕೊಳ್ಳಬೇಕು.

ಚುಂಬನ ರೋಗ ಅಥವಾ ಮೋನೋಗೆ ಕಾರಣವೇನು?

ಮೋನೋ ರೋಗಕ್ಕೆ ಎಪ್ಸ್ಟೀನ್-ಬಾರ್ ಎಂಬ ವೈರಸ್‌ ಕಾರಣವಾಗಿದೆ. ಈ ವೈರಸ್ ಎಂಜಲು ಮೂಲಕ ಹರಡುವುದು. ಆದ್ದರಿಂದ ಇದು ಚುಂಬಿಸಿದಾಗ ಅಥವಾ ಸೋಂಕು ತಗುಲಿದವರು ಕುಡಿದ ಲೋಟದಲ್ಲಿ ಕುಡಿದಾಗ, ತಿಂದ ತಟ್ಟೆಯಲ್ಲಿ ತಿಂದಾಗ ರೋಗ ಹರಡಬಹುದು. ತುಂಬಾ ಜನರಿಗೆ ಈ ವೈರಸ್‌ ತಗುಲಿರುತ್ತದೆ, ಆದರೆ ತುಂಬಾ ಜನರಲ್ಲಿ ಆ ವೈರಸ್‌ ಮಣಿಸುವ ಆ್ಯಂಟಿಬಾಡೀಸ್ ಉತ್ಪತ್ತಿಯಾಗಿರುತ್ತದೆ, ಆದ್ದರಿಂದ ಮೋನೋ ರೋಗ ಬರುವುದಿಲ್ಲ.

ಚುಂಬನ ರೋಗದ ಅಪಾಯಗಳೇನು?

ಮೋನೋ ರೋಗ ಉಂಟಾದಾಗ ಕಿಬ್ಬೊಟ್ಟೆಯ ಸ್ವಲ್ಪ ಮೇಲ್ಭಾಗದಲ್ಲಿ ನೋವು ಕಂಡುನಲ್ಲಿ ಬರುವುದು, ಈ ರೀತಿಯ ನೋವು ಬಂದರೆ ಕೂಡಲೇ ತಜ್ಞರನ್ನು ಭೇಟಿಯಾಗಿ.

ಲಿವರ್‌ನಲ್ಲಿಈ ಸಮಸ್ಯೆ ಕಂಡು ಬರುವುದು

* ಹೆಪಟೈಟಿಸ್: ಲಿವರ್‌ನಲ್ಲಿ ಉರಿಯೂತ ಕಂಡು ಬರುವುದು.

* ಕಾಮಲೆ: ಕೆಲವೊಮ್ಮೆ ಕಾಮಲೆ ರೋಗ ಕೂಡ ಬರಬಹುದು.

ಈ ರೀತಿಯ ಸಮಸ್ಯೆಗಳೂ ಕೆಲವು ರೋಗಿಗಳಲ್ಲಿ ಕಂಡು ಬರುವುದು.

* ರಕ್ತ ಹೀನತೆ

* ಪ್ಲೇಟ್‌ಲೆಟ್ಸ್ ಕಡಿಮೆಯಾಗುವುದು

* ಹೃದಯ ಸಮಸ್ಯೆ

* ನರಗಳಲ್ಲಿ ತೊಂದರೆ

*ಟಾನ್ಸಿಲ್‌ನಲ್ಲಿ ಊತ

ತುಂಬಾ ರೋಗ ನಿರೋಧಕ ಶಕ್ತಿ ಕಡಿಮೆ ಇರುವವರಲ್ಲಿ ಈ ರೀತಿಯಾಗಿ ಕಂಡು ಬರುವುದು.

ತಡೆಗಟ್ಟುವುದು ಹೇಗೆ?

ಮಾನೋನ್ಯೂಕ್ಲಿಯೊಸಿಸ್ ಎಂಜಲು ಮೂಲಕ ಹರಡುವುದು. ಆದ್ದರಿಂದ ಸೋಂಕು ತಗುಲದಿವರು ಬೇರೆಯವರಿಗೆ ಚುಂಬಿಸುವುದು ಅಥವಾ ಆಹಾರ ಅಥವಾ ಕುಡಿದ ಲೋಟವನ್ನು ಶೇರ್ ಮಾಡುವುದು ಮಾಡಬಾರದು. ರೋಗದಿಂದ ಗುಣಮುಖರಾದರೂ ಕೆಲವು ತಿಂಗಳುಗಳವರೆಗೆ ಯಾರೊಂದಿಗೂ ತಟ್ಟೆ, ಲೋಟ ಹಂಚಿಕೊಳ್ಳಬೇಡಿ.

ಏಕೆಂದರೆ ರೋಗದಿಂದ ಗುಣಮುಖರಾದರೂ ಎಂಜಲಿನಲ್ಲಿ ವೈರಸ್‌ ಕೆಲವು ತಿಂಗಳವರೆಗೆ ಇರುತ್ತದೆ. ಮಾನೋನ್ಯೂಕ್ಲಿಯೊಸಿಸ್ ತಡೆಗಟ್ಟಲು ಯಾವುದೇ ಲಸಿಕೆಯಿಲ್ಲ.