ಶ್ವಾಸಕೋಶದ ಉರಿಯೂತ: ಕಫ ಈ ರೀತಿ ಬಂದ್ರೆ ನಿರ್ಲಕ್ಷ್ಯ ಮಾಡಬೇಡಿ

ಈಗ ಚಳಿಗಾಲ ಶ್ವಾಸಕೋಶಕ್ಕೆ ಸಂಬಂಧಿಸಿದ ಸಮಸ್ಯೆಗಳು ಕಂಡು ಬರುವುದು ಸಹಜ. ಸಾಮಾನ್ಯ ಶೀತ, ಕೆಮ್ಮುಗಳ ಬಂದು ಹೋಗ್ತಾ ಇರುತ್ತದೆ, ಆದರೆ ಶ್ವಾಸಕೋಶದಲ್ಲಿ ಉರಿಯೂತ ಸಮಸ್ಯೆ ಉಂಟಾದರೆ ನಿರ್ಲಕ್ಷ್ಯ ಮಾಡಬಾರದು, ಏಕೆಂದರೆ ಇದರಿಂದ ನ್ಯೂಮೋನಿಯಾ ಅಪಾಯ ಹೆಚ್ಚು. ಹಾಗಾದರೆ ಶ್ವಾಸಕೋಶದ ಉರಿಯೂತ ಆಗಿದೆ ಎಂದು ಸೂಚಿಸುವ ಲಕ್ಷಣಗಳೇನು? ಇದರ ಅಪಾಯಗಳೇನು, ಚಿಕಿತ್ಸೆಯೇನು ಎಂಬೆಲ್ಲಾ ಮಾಹಿತಿ ಈ ಲೇಖನದಲ್ಲಿದೆ ನೋಡಿ:

ಗಂಟಲಿನ ಉರಿಯೂತಕ್ಕೆ ಕಾರಣವೇನು?
ಶ್ವಾಸಕೋಶದ ಸೋಂಕುಗಳಾದ ಬ್ರೋಂಕೈಟಿಸ್ ಅಥವಾ ನ್ಯೂಮೋನಿಯಾದಿಂದ ಶ್ವಾಸಕೋಶದ ಉರಿಯೂತ ಉಂಟಾಗುವುದು. ಈ ರೀತಿಯ ಉರಿಯೂತ ಪ್ಯಾಚ್‌ ರೀತಿ ಬರಬಹುದು ಅಥವಾ ಶ್ವಾಸಕೋಶದ ಅಲ್ಲಲ್ಲಿ ಕೆಟ್ಟ ಪರಿಣಾಮ ಬೀರಬಹುದು.

ಮೈಲ್ಡ್ ಸೋಂಕಾದರೆ ಇನ್‌ಫೆಕ್ಷನ್‌ ಡೋಸ್‌ ನೀಡುವ ಮೂಲಕ ಸಗುಣಪಡಿಸಬಹುದು.

ಆದರೆ ಶ್ವಾಸಕೋಶದ ಉರಿಯೂತ ತೀವ್ರವಾಗಿದ್ದರೆ ARDS ಅಂದ್ರೆ acute respiratory distress syndrome ಉಂಟಾಗುವುದು. ಇದು ಪ್ರಾಣಕ್ಕೆ ತುಂಬಾನೇ ಅಪಾಯಕಾರಿಯಾಗಿದೆ.

ಅಸ್ತಮಾ
ಅಸ್ತಮಾ ರೋಗಗಳಲ್ಲೂ ಶ್ವಾಸಕೋಶದ ಉರಿಯೂತದ ಸಮಸ್ಯೆ ಕಂಡು ಬರಬಹುದು. ಅಸ್ತಮಾ ಸೋಂಕಿನಿಂದ ಅಥವಾ ವಾತಾವರಣದಿಂದ ಬರಬಹುದು. ಅಸ್ತಮಾ ಸೋಂಕು ತಗುಲಿದರೂ ಉಸಿರಾಡಲು ತುಂಬಾನೇ ಕಷ್ಟವಾಗುವುದು.

ಎದೆಯಲ್ಲಿ ಉರಿಯೂತ
ಎದೆಯಲ್ಲಿ ಉರಿಯೂತದಲ್ಲಿ ಸೋಂಕು ಮೊದಲಿಗೆ ಶ್ವಾಸಕೋಶದ ಹೊರಭಾಗಕ್ಕೆ ಸೋಂಕು ತಗುಲಿ ನಂತರ ಶ್ವಾಸಕೋಶದ ಒಳಗಡೆಗೆ ಸೋಂಕು ಹರಡುವುದು. ಇದರಿಂದ ಎದೆನೋವು ಹಾಗೂ ಉಸಿರಾಟದ ತೊಂದರೆ ಉಂಟಾಗುವುದು.

ಶ್ವಾಸಕೋಶದ ಉರಿಯೂತದ ಲಕ್ಷಣಗಳೇನು?

* ಉಸಿರಾಟಕ್ಕೆ ತೊಂದರೆ
* ಕೆಮ್ಮು
* ತಲೆಸುತ್ತು
* ಹೊಟ್ಟೆ ಹಾಳಾಗುವುದು
* ಇದ್ದಕ್ಕಿದ್ದಂತೆ ತೂಕ ಇಳಿಕೆ

* ಕೆಮ್ಮಿದಾಗ ಗಟ್ಟಿ ಕಫ, ಕೆಲವೊಮ್ಮೆ ಕಫದಲ್ಲಿ ರಕ್ತ ಕಂಡು ಬರುವುದು
* ಕೆಮ್ಮುವಾಗ, ಉಸಿರಾಡುವಾಗ ಎದೆನೋವು
* ಆಗಾಗ ಜ್ವರ ಬರುವುದು

ಈ ತುರ್ತು ಲಕ್ಷಣಗಳು ಕಂಡು ಬಂದರೆ ಕೂಡಲೇ ಆಸ್ಪತ್ರೆಗೆ ದಾಖಲಾಗಬೇಕು

* ಕಫದಲ್ಲಿ ರಕ್ತ
* ಉಸಿರಾಟದಲ್ಲಿ ತೊಂದರೆ
* 102.5°F ಜ್ವರ
* ಗೊಂದಲ
* ತೀವ್ರ ಎದೆಬಡಿತ

ಯಾರಲ್ಲಿ ಈ ಅಪಾಯ ಹೆಚ್ಚು?
* ರೋಗ ನಿರೀಧಕ ಶಕ್ತಿ ತುಂಬಾ ಕಡಿಮೆ ಇದ್ದರೆ
* ಉಸಿರಾಟದ ತೊಂದರೆ ಇರುವವರೆಗೆ (ಅಸ್ತಮಾ ಸಮಸ್ಯೆಯಿದ್ದರೆ)
* ಸರ್ಜರಿಯಿಂದ ಚೇತರಿಸಿಕೊಳ್ಳುತ್ತಿದ್ದರೆ

ಸೂಕ್ತ ಸಮಯದಲ್ಲಿ ಚಕಿತ್ಸೆ ದೊರೆಯದಿದ್ದರೆ ಅಪಾಯಗಳೇನು?
* ಅಂಗಾಂಗ ವೈಫಲ್ಯ
* ಉಸಿರಾಟಕ್ಕೆ ತೊಂದರೆ
* ಶ್ವಾಸಕೋಶದಲ್ಲಿ ನೀರು ತುಂಬುವುದು

ಯಾರಲ್ಲಿ ಈ ಸಮಸ್ಯೆ ತುಂಬಾ ಗಂಭೀರವಾಗುವುದು
* ಧೂಮಪಾನ ಮಾಡುವವರಿಗೆ
*ವಾಯು ಮಾಲಿನ್ಯ ತುಂಬಾ ಇದ್ದರೆ
* ರಾಸಾಯನಿಕ
* ತುಂಬಾ ಹೊಗೆ ಇದ್ದರೆ

ನಿರ್ಲಕ್ಷ್ಯ ಮಾಡಬೇಡಿ:
ಶ್ವಾಸಕೋಶದ ಉರಿಯೂತ ಅಥವಾ ತುಂಬಾ ಸಮಯದಿಂದ ಕೆಮ್ಮು, ಉಸಿರಾಟದ ಸಮಸ್ಯೆಯಿದ್ದರೆ ನಿರ್ಲಕ್ಷ್ಯ ಮಾಡದೆ ಕುಡಲೇ ಚಿಕಿತ್ಸೆ ಪಡೆಯಿರಿ. ಧೂಮಪಾನ ಅಭ್ಯಾಸ ಬಿಡಿ, ದೂಳು, ವಾಯು ಮಾಲಿನ್ಯ ಇರುವ ಕಡೆ ಹೋಗುವಾಗ ಮಾಸ್ಕ್‌ ಧರಿಸಿ.