ಕೇರಳದ ಶಾಲಾ ಮಕ್ಕಳಲ್ಲಿ ಕಂಡು ಬಂದ ನೋರವೈರಸ್: ಇದರ ಲಕ್ಷಣಗಳೇನು? ಈ ಕಾಯಿಲೆ ಹರಡುವುದನ್ನು ತಡೆಗಟ್ಟುವುದು ಹೇಗೆ?

ಶುಚಿತ್ವದ ಕಡೆ ಹೆಚ್ಚಿನ ಗಮನ ನೀಡಬೇಕಾಗಿದೆ

ನೋರವೈರಸ್‌ ಕಾಣಿಸಿಕೊಂಡಿದೆ ಎಂದ ಮಾತ್ರಕ್ಕೆ ಜನರು ಆತಂಕ ಪಡಬೇಕಾಗಿಲ್ಲ, ಶುಚಿತ್ವದ ಕಡೆಗೆ ಹೆಚ್ಚಿನ ಗಮನ ಹರಿಸಬೇಕಾಗಿದೆ. ಕಲುಷಿತ ಆಹಾರ ಅಥವಾ ನೀರು ಸೇವನೆಯಿಂದ ಈ ಕಾಯಿಲೆ ಹರಡುತ್ತದೆ. ಮಕ್ಕಳು ಮಧ್ಯಾಹ್ನ ಊಟ ಸೇವಿಸಿದ ಬಳಿಕ ಅವರಿಗೆ ಫುಡ್‌ ಪಾಯಿಸನ್‌ ಆಗಿ ಈ ರೀತಿಯಾಗಿದೆ.

ನೋರವೈರಸ್‌ ಎಂದರೇನು?

ನೋರವೈರಸ್‌ ಒಬ್ಬರಿಂದ ಮತ್ತೊಬ್ಬರಿಗೆ ಹರಡುವ ಕಾಯಿಲೆಯಾಗಿದ್ದು ಈ ಸೋಂಕು ತಗುಲಿದರೆ ವಾಂತಿ-ಬೇಧಿ ಸಮಸ್ಯೆ ಕಂಡು ಬರುವುದು.

ನೋರವೈರಸ್‌ ಹೇಗೆ ಹರಡುತ್ತದೆ

ಕಲುಷಿತ ನೀರು ಅಥವಾ ಆಹಾರ ಸೇವನೆ ಮೂಲಕ ನೋರವೈರಸ್‌ ಹರಡುತ್ತದೆ. ನೋರವೈರಸ್‌ ತಗುಲಿದರೆ ವಾಂತಿ ಬೇಧಿ ಉಂಟಾಗುವುದು, ಇದರಿಂದ ದೇಹದಲ್ಲಿ ನೀರಿನಂಶ ತುಂಬಾ ಕಡಿಮೆಯಾಗುವ ಸಾಧ್ಯತೆ ಇದೆ, ಆದ್ದರಿಂದ ವಾಂತಿ-ಬೇಧಿ ಕಾಣಿಸಿಕೊಂಡಾಗ ಸಾಕಷ್ಟು ನೀರು ಕುಡಿಯಲು ತಜ್ಞರು ಸಲಹೆ ನೀಡಿದ್ದಾರೆ ಹಾಗೂ ಕೂಡಲೇ ವೈದ್ಯರಿಗೆ ತೋರಿಸಬೇಕು. ಟಾಯ್ಲೆಟ್‌ಗೆ ಹೋಗಿ ಬಂದ ಮೇಲೆ ಕೈಗಳನ್ನು ತೊಳೆಯಬೇಕು.

ನೋರವೈರಸ್‌ ಲಕ್ಷಣಗಳು

* ವಾಂತಿ, ಬೇಧಿ ಇದರ ಪ್ರಮುಖ ಲಕ್ಷಣವಾಗಿವೆ

* ಜೊತೆಗೆ ಜ್ವರ, ತಲೆನೋವು, ಮೈಕೈ ನೋವು ಕೂಡ ಇರುಬಹುದು.

ನೋರವೈರಸ್‌ ತಡೆಗಟ್ಟುವುದು ಹೇಗೆ?

* ಕೈಗಳನ್ನು ಆಗಾಗ ತೊಳೆಯಬೇಕು

* ಹಣ್ಣು-ತರಕಾರಿಗಳನ್ನು ತೊಳೆದು ತಿನ್ನಿ

* ಮೀನು, ಮಾಂಸ, ತರಕಾರಿ ಆಹಾರಗಳನ್ನು ಸರಿಯಾಗಿ ಬೇಯಿಸಿ ತಿನ್ನಬೇಕು.

* ಹುಷಾರಿಲ್ಲದಿರುವಾಗ ಬೇರೆಯವರಿಗೆ ಆಹಾರ ತಯಾರಿಸಬೇಡಿ.

* ಬಳಸಿದ ಟಾಯ್ಲೆಟ್‌ ಚೆನ್ನಾಗಿ ಸ್ವಚ್ಛಗೊಳಿಸಿ.