ಸ್ಟೈರೀನ್ ವಿಷಾನಿಲ ಸೋರಿಕೆಯಾದಾಗ ಆರೋಗ್ಯದ ಮೇಲಾಗುವ ದುಷ್ಪರಿಣಾಮಗಳು

ಸ್ಟೈರೀನ್ ಎಂದರೇನು?

ಸ್ಟೈರೀನ್ ಅನ್ನು ವೀನೈಬೆಂಜೀನ್, ಈಥೈಲ್‌ಬೆಂಜೀನ್, ಫೀನೈಲ್ಈಥೇಲಿನ್ ಎಂದು ಕೂಡ ಕರೆಯುತ್ತಾರೆ. ಇದೊಂದು ಬಣ್ಣರಹಿತ ದ್ರಾವಣವಾಗಿದ್ದು ಅದು ಬೇಗನೆ ಆವಿಯಾಗುತ್ತಿದೆ. ಈ ರಾಸಾಯನಿಕ ಆವಿಯಾದಾಗ ಒಂದು ರೀತಿಯ ಸಿಹಿ ವಸ್ತುವಿನ ವಾಸನೆಯಿಂದ ಕೂಡಿರುತ್ತದೆ. ಇದು ಬೇರೆ ರಾಸಾಯನಿಕದ ಜೊತೆ ಮಿಶ್ರವಾದ ಕೆಟ್ಟ ವಾಸನೆ ಬೀರುವುದು.

ಸ್ಟೈರೀನ್ ಅನ್ನು ರಬ್ಬರ್, ಪ್ಲಾಸ್ಟಿಕ್, ಫೈಬರ್‌ಗ್ಲಾಸ್, ಪೈಪ್ಸ್, ಅಟೋಬೊಬೈಲ್‌ನ ಬಿಡಿ ಭಾಗಗಳು, ಕಾರ್ಪೆಟ್, ಆಹಾರದ ಡಬ್ಬಗಳ ತಯಾರಿಯಲ್ಲಿ ಬಳಸಲಾಗುವುದು.

ಸ್ಟೈರೀನ್ ಅನಿಲ ದೇಹದ ಮೇಲೆ ಬೀರುವ ಪರಿಣಾಮಗಳು

ಸ್ಟೈರೀನ್‌ಗೆ ಬೇಗನೆ ಬೆಂಕಿ ಹತ್ತಿಕೊಳ್ಳುತ್ತದೆ, ಇದರ ವಿಷಾನಿಲ ಸೇವಿಸಿದಾಗ ಕಣ್ಣುಗಳಲ್ಲಿ ಉರಿ ಉಂಟಾಗುವುಉದ, ಉಸಿರಾಟದಲ್ಲಿ ತೊಂದರೆ ಉಂಟಾಗುವುದು, ತಲೆ ಸುತ್ತು, ವಾಂತಿ, ಹೊಟ್ಟೆ ನೋವು, ತಲೆನೋವು ಹಾಗೂ ಮತ್ತಿತರ ಗಂಭೀರ ಸಮಸ್ಯೆಗಳು ಉಂಟಾಗುವುದು.

ಕೆಲವೊಮ್ಮೆ ಆಕಸ್ಮಿಕವಾಗಿ ಸ್ಟೈರೀನ್ ಅನಿಲ ಕುಡಿಯುವ ನೀರಿನಲ್ಲಿಯೂ ಸೇರಿಕೊಂಡು ಬರಬಹುದು, ಆಗ ಅಂಥ ನೀರನ್ನು ಕುಡಿದರೆ ಗಂಟಲು, ಮೂಗು, ಕಣ್ಣುಗಳಲ್ಲಿ ಉರಿ, ತ್ವಚೆಯಲ್ಲಿ ತುರಿಕೆ ಉಂಟಾಗಬಹುದು.

ಆಕಸ್ಮಿಕವಾಗಿ ಅನಿಲ ದುರಂತ ಕೈಗಾರಿಕಾ ಕಂಪನಿಗಳಲ್ಲಿ ಮಾತ್ರವಲ್ಲ, ಮನೆಯಲ್ಲೂ ಉಂಟಾಗಬಹುದು. ಅಡುಗೆ ಅನಿಲ ಅಥವಾ ಗೀಸರ್‌ ಗ್ಯಾಸ್‌ ಸೋರಿಕೆಯಾದರೂ ಅಪಾಯ ಉಂಟಾಗುವುದು.

ಗ್ಯಾಸ್‌ ಸೋರಿಕೆಯಾದಾಗ ಗ್ಯಾಸ್‌ ಬಳಿ ಗಾಳಿ ಹೊರಸುಸುವ ಶಬ್ದ ಉಂಟಾಗುತ್ತದೆ, ಟ್ಯಾಪ್‌ ನೀರಿನಲ್ಲಿ ಗಾಳಿ ಸೇರಿಕೊಂಡಿದ್ದರೆ ನೀರಿನಲ್ಲಿ ಗುಳ್ಳೆಗಳು ಬರುತ್ತವೆ. ವಿಷಾನಿಲ ಸೋರಿಕೆಯಾದಾಗ ರಂಜಕ ಅಥವಾ ಕೆಟ್ಟು ಹೋದ ಮೊಟ್ಟೆಯ ವಾಸನೆ ಬೀರುವುದು.

ಸ್ಟೈರೀನ್ ಗ್ಯಾಸ್‌ನಿಂದ ಆರೋಗ್ಯದ ಮೇಲೆ ಬೀರುವ ಕೆಟ್ಟ ಪರಿಣಾಮಗಳು

• *ತಲೆನೋವು
• ತಲೆಸುತ್ತು
• ಸುಸ್ತು
• ವಾಂತಿ
• ಉಸಿರಾಟದಲ್ಲಿ ತೊಂದರೆ
• ಉಸಿರಾಡಲು ತೊಂದರೆ ಉಂಟಾಗಿ ಸಾವು ಸಂಭವಿಸಬಹುದು
• ಪ್ರಜ್ಞೆ ಕಳೆದುಕೊಳ್ಳುವುದು
• ಜ್ಞಾಪಕ ಶಕ್ತಿಗೆ ತೊಂದರೆ
• ವಿಪರೀತ ತಲೆನೋವು



ಮನೆಯಲ್ಲಿ ಅಥವಾ ಸಮೀಪದ ಕೈಗಾರಿಕೆಯಲ್ಲಿ ಗ್ಯಾಸ್‌ ಸೋರಿಕೆಯಾದರೆ ಏನು ಮಾಡಬೇಕು?

ವಿಷಾನಿಲ ಸೋರಿಕೆಯಾದಾಗ ಅದರ ವಾಸನೆ ಮೂಗಿಗೆ ಬಡೆದ ತಕ್ಷಣ ಮನೆಯ ದೀಪಗಳನ್ನು ಆರಿಸಿ, ಕಿಟಕಿ, ಬಾಗಿಲು ತೆರೆದು ಇಟ್ಟು, ಆ ಸ್ಥಳದಿಂದ ದೂರಕ್ಕೆ ಹೋಗಬೇಕು, ಗ್ಯಾಸ್‌ ಸೋರಿಕೆಯಾಗುವಾಗ ಅಲ್ಲಿ ನಿಂತು ಅಗ್ನಿಶಾಮಕ ದಳ ಅಥವಾ ಪೊಲೀಸರಿಗೆ ಅಥವಾ ಸ್ನೇಹಿತರಿಗೆ ಫೋನ್‌ ಮಾಡಬೇಡಿ. ಇದರಿಂದ ಬೆಂಕಿ ಹತ್ತಿಕೊಳ್ಳುವ ಅಪಾಯವಿದೆ.

ಪರಿಸ್ಥಿತಿ ಹತೋಟಿಗೆ ಬಂದರೂ ವಿಷಾನಿಲ ಸೇವನೆಯಿಂದ ಸ್ವಲ್ಪ ಆರೋಗ್ಯ ಸಮಸ್ಯೆ ಕಾಡಬಹುದು, ಏನಾದರೂ ಆರೋಗ್ಯದಲ್ಲಿ ವ್ಯತ್ಯಾಸ ಕಂಡು ಬಂದರೆ ಕೂಡಲೇ ವೈದ್ಯರನ್ನು ಭೇಟಿ ಮಾಡಿ.