ಆಗಾಗ ಮೂತ್ರ ವಿಸರ್ಜನೆಗೆ ಹೋಗುತ್ತಿದ್ದೀರಾ? ನಿರ್ಲಕ್ಷ್ಯ ಮಾಡಬೇಡಿ

Updated: Sunday, February 13, 2022, 16:44 [IST]

ನಮ್ಮ ದೇಹದಲ್ಲಿರುವ ಬೇಡದ ನೀರನ್ನು ಮೂತ್ರದ ಮೂಲಕ ಹೊರ ಹಾಕಲಾಗುವುದು. ಮೂತ್ರವು ಬ್ಲೇಡರ್‌ನಲ್ಲಿ ಸಂಗ್ರಹವಾಗುವುದು, ಅದು ಭರ್ತಿಯಾದಾಗ ಮೂತ್ರ ನಾಳಗಳ ಮೂಲಕ ಹೊರ ಹಾಕಲಾಗುವುದು. ಪ್ರತಿದಿನ 7-8 ಬಾರಿ ಮೂತ್ರ ವಿಸರ್ಜನೆ ಹೋಗುವುದು ಸಾಮಾನ್ಯ ಹಾಗೂ ಇದು ಆರೋಗ್ಯಕ್ಕೂ ಒಳ್ಳೆಯದು. ರಾತ್ರಿ ಹೊತ್ತಿನಲ್ಲಿ ಸ್ವಲ್ಪ ನೀರು ಅಧಿಕ ಕುಡಿದರೆ ಇನ್ನುಂದೆರಡು ಸಾರಿ ಅಧಿಕ ಹೋಗಬೇಕಾಗುವುದು. ಅದೇ ರಾತ್ರಿ ಪದೇ-ಪದೇ ಮೂತ್ರ ವಿಸರ್ಜನೆಗೆ ಹೋಗುತ್ತಿದ್ದರೆ ಅದು ಒಳ್ಳೆಯ ಸೂಚನೆಯಲ್ಲ, ಇದರಿಂದ ನಿದ್ದೆ ಹಾಳಾಗುವುದು ಮಾತ್ರವಲ್ಲ, ಇದು ಏನೋ ಆರೋಗ್ಯ ಸಮಸ್ಯೆಯಿದೆ ಎಂದು ಸೂಚಿಸುವ ಲಕ್ಷಣವೂ ಹೌದು.

ಆಗಾಗ ಮೂತ್ರವಿಸರ್ಜನೆಗೆ ಕಾರಣವೇನು? ಯಾವಾಗ ವೈದ್ಯರನ್ನು ಕಾಣಬೇಕು ಎಂಬೆಲ್ಲಾ ಮಾಹಿತಿ ಈ ಲೇಖನದಲ್ಲಿದೆ ನೋಡಿ:

ಈ ಕಾರಣಗಳಿಂದ ಆಗಾಗ ಮೂತ್ರವಿಸರ್ಜನೆ ಮಾಡಬೇಕೆನಿಸುವುದು

* ತುಂಬಾ ಟೀ, ಕಾಫಿ ಕುಡಿಯುವುದು, ಮದ್ಯಪಾನ ಮಾಡುವುದು, ಇದರಿಂದ ಕಿಡ್ನಿ ಹೆಚ್ಚು ಕೆಲಸ ಮಾಡಬೇಕಾಗುತ್ತದೆ.

* ದಿನದಲ್ಲಿ 8 ಲೋಟಕ್ಕಿಂತ ಅಧಿಕ ನೀರು ಕುಡಿಯುವುದು , ಇದರಿಂದ ಕೂಡ ಕಿಡ್ನಿ ಅಧಿಕ ಕೆಲಸ ಮಾಡಬೇಕಾಗುತ್ತದೆ

* ಗರ್ಭಿಣಿಯರು ಆಗಾಗ ಮೂತ್ರ ವಿಸರ್ಜನೆಗೆ ಹೋಗುವುದು ಸಾಮಾನ್ಯ, ಯೂಟ್ರಸ್ ಬ್ಲೇಡರ್ ಮೇಲೆ ಒತ್ತಡ ಹಾಕುವುದರಿಂದ ಆಗಾಗ ಮೂತ್ರ ವಿಸರ್ಜನೆ ಮಾಡಬೇಕೆನಿಸುವುದು

ಈ ಕಾಯಿಲೆಗಳಿದ್ದರೆ ಆಗಾಗ ಮೂತ್ರ ವಿಸರ್ಜನೆ ಮಾಡಬೇಕೆನಿಸುವುದು

* ಕಿಡ್ನಿ ಕಾಯಿಲೆ ಅಥವಾ ಸೋಂಕು ಇದ್ದಾಗ

* ರಾತ್ರಿ ಹೊತ್ತಿನಲ್ಲಿ ಮೂತ್ರ ವಿಸರ್ಜನೆಗೆ ಆಗಾಗ ಹೋಗುತ್ತಿದ್ದರೆ ಅದು ಟೈಪ್ 1 ಅಥವಾ ಟೈಪ್‌2 ಮಧುಮೇಹ ಲಕ್ಷಣವಿರಬಹುದು

*ಓವರ್‌ ಆ್ಯಕ್ಟಿವ್‌ ಬ್ಲೇಡರ್ ಸಿಂಡ್ರೋಮ್‌ ಉಂಟಾಗಿದ್ದರೆ ಆಗಾಗ ಮೂತ್ರ ವಿಸರ್ಜನೆ ಮಾಡಬೇಕೆನಿಸುವುದು.

* ಪುರುಷರಲ್ಲಿ ಪ್ರೊಸ್ಟ್ರೇಟ್‌ ದೊಡ್ಡದಾಗಿದ್ದರೆ ಮೂತ್ರ ವಿಸರ್ಜನೆ ಮಾಡಬೇಕೆನಿಸುವುದು.

* ಜನನೇಂದ್ರೀಯದಲ್ಲಿ ಉರಿ, ಸೋಂಕು ಇದ್ದರೆ

*ಪೆಲ್ವಿಸ್‌ನಲ್ಲಿ ಸಮಸ್ಯೆಯಿದ್ದಾಗ

* ಹೈಪರ್‌ ಟೆನ್ಷನ್‌ ಇದ್ದಾಗ ಅದಕ್ಕೆ ತೆಗೆದುಕೊಳ್ಳುವ ಔಷಧಿ

* ಕಿಡ್ನಿ ಸ್ಟೋನ್

* ಪೆಲ್ವಿಕ್ ಏರಿಯಾ ಅಥವಾ ಬ್ಲೇಡರ್‌ನಲ್ಲಿ ಗಡ್ಡೆ

* ಬ್ಲೇಡರ್‌ ವಾಲ್‌ನಲ್ಲಿ ಉರಿಯೂತ ಇದ್ದಾಗ ನೋವು ಜೊತೆಗೆ ಆಗಾಗ ಮೂತ್ರ ವಿಸರ್ಜನೆ ಮಾಡಬೇಕೆನಿಸುವುದು

* ಲೈಂಗಿಕ ಸೋಂಕು

* ನರ ಸಮಸ್ಯೆ ಅಥವಾ ಪಾರ್ಶ್ವವಾಯು ಉಂಟಾದಾಗ ಆಗಾಗ ಮೂತ್ರ ವಿಸರ್ಜನೆ ಮಾಡಬೇಕೆನಿಸುವುದು

* ಕಿಡ್ನಿ, ಗರ್ಭಕೋಶ ಅಥವಾ ಬ್ಲೇಡರ್‌ಗೆ ಕ್ಯಾನ್ಸರ್ ಉಂಟಾಗಿದ್ದರೆ ಆಗಾಗ ಮೂತ್ರ ವಿಸರ್ಜನೆ ಮಾಡಬೇಕೆನಿಸುವುದು

* ರೇಡಿಯೇಷನ್ ಥೆರಪಿ

* ವಯಸ್ಸಾದಾಗ

ಮೂತ್ರ ವಿಸರ್ಜನೆ ಜೊತೆಗೆ ಈ ಲಕ್ಷಣಗಳು ಕಂಡು ಬಂದರೆ ವೈದ್ಯರನ್ನು ಕಾಣಿ

* ಮೂತ್ರ ವಿಸರ್ಜನೆ ಮಾಡುವಾಗ ನೋವಾಗುವುದು

* ಕಿಬ್ಬೊಟ್ಟೆಯಲ್ಲಿ ನೋವು

* ಮೂತ್ರ ವಿಸರ್ಜನೆ ಮಾಡಬೇಕೆನಿಸಿದರೂ ಮೂತ್ರ ವಿಸರ್ಜನೆಗೆ ಕಷ್ಟವಾಗುವುದು

* ಮೂತ್ರದಲ್ಲಿ ರಕ್ತ ಕಂಡು ಬಂದರೆ

* ಮೂತ್ರ ಕೆಟ್ಟ ವಾಸನೆ ಬೀರುತ್ತಿದ್ದರೆ

* ಜ್ವರ

* ಚಳಿ ಅನಿಸುವುದು

* ತಲೆಸುತ್ತು

* ವಾಂತಿ

* ಬಿಳುಪು ಹೋಗುವುದು ಅಥವಾ ಪುರುಷರಲ್ಲಿ ಶಿಶ್ನ ವಿಸರ್ಜನೆ

* ತುಂಬಾ ಬಾಯಾರಿಕೆ

ಸಮಸ್ಯೆಯನ್ನು ಹೇಗೆ ಕಂಡು ಹಿಡಿಯುವುದು?

ನಿಮ್ಮನ್ನು ಪರೀಕ್ಷೆ ಮಾಡಿದ ಮೇಲೆ ವೈದ್ಯರು ಈ ಪರೀಕ್ಷೆ ಮಾಡಿಸಲು ಸೂಚಿಸಬಹುದು

* ಮೂತ್ರ ಪರೀಕ್ಷೆ

* ಅಲ್ಟ್ರಾಸೌಂಡ್‌, CT ಸ್ಕ್ಯಾನ್ , MRI, ಯುರೊಡೈನಾಮಿಕ್ಸ್, ಸಿಸ್ಟೊಸ್ಕೋಪಿ ಮುಂತಾದ ಪರೀಕ್ಷೆ ಮಾಡಿಸಲು ಸಲಹೆ ನೀಡಬಹುದು.

ಕೊನೆಯದಾಗಿ

ಕಾಯಿಲೆ ಬಂದು ಕಷ್ಟಪಡುವುದಕ್ಕಿಂತ ಕಾಯಿಲೆ ಬರುವುದನ್ನು ತಡೆಗಗಟ್ಟುವುದು ಒಳ್ಳೆಯದು. ಆರೋಗ್ಯಕರ ಜೀವನಶೈಲಿ ರೂಢಿಸಿಕೊಳ್ಳಿ, ದಿನದಲ್ಲಿ 8 ಲೋಟ ನೀರು ಕುಡಿಯಿರಿ, ಮಲಗುವಾಗ ತುಂಬಾ ನೀರು ಕುಡಿಯಬೇಡಿ.

* ಕೆಗಲ್‌ ವ್ಯಾಯಾಮ ಮಾಡಿ, ಇದರಿಂದ ಸ್ನಾಯುಗಳು ಬಲವಾಗುವುದು.