ಮಾಸ್ಕ್‌ ತಯಾರಿಸುವಾಗ ಹಾಗೂ ಧರಿಸುವಾಗ ಈ ತಪ್ಪುಗಳನ್ನ ಮಾಡದಿರಿ

ಮೋದಿ ಮಾಸ್ಕ್ ತಯಾರಿಸಿ ಎಂದಿರುವ ಹಿಂದಿದೆ ಅದ್ಭುತ ಯೋಚನೆ

ಹೌದು ನಿಮಗೆ ಈಗಾಗಲೇ ಗೊತ್ತಿದೆ, ಎಲ್ಲರೂ ಮಾಸ್ಕ್‌ಗೆ ಮುಗಿ ಬಿದ್ದ ಕಾರಣ ಸರ್ಜಿಕಲ್ ಮಾಸ್ಕ್‌ ಕೊರತೆ ಉಂಟಾಗುವಂತಾಗಿದೆ. ಆಸ್ಪತ್ರೆಯಲ್ಲಿ ಸೋಂಕಿತರ ಸೇವೆ ಮಾಡುವವರಿಗೆ ಸರ್ಜಿಕಲ್ ಮಾಸ್ಕ್ ಅತ್ಯಾವಶ್ಯಕ, ಅವರಿಗೆ ಯಾವುದೇ ಕಾರಣಕ್ಕೂ ಕೊರತೆ ಉಂಟಾಗಬಾರದು.

ವಿಶ್ವ ಸಂಸ್ಥೆ ಹೇಳಿದೆ ಆರೋಗ್ಯವಂತರು ಮಾಸ್ಕ್‌ ಧರಿಸಬೇಕಾಗಿಲ್ಲ ಎಂದು. ಆದರೆ ಹೊರಗಡೆ ಹೋಗುವಾಗ ಯಾರು ಸೋಕಿತರು ಇದ್ದಾರೆ ಎಂದು ಗೊತ್ತಾಗುವುದಿಲ್ಲ, ಅವರಿಂದ ಸೋಂಕು ಹರಡದಿರಲಿ ಎಂದು ಇಲ್ಲಿ ಮಾಸ್ಕ್ ಧರಿಸುವಂತೆ ಸೂಚಿಸುತ್ತಿದ್ದಾರೆ.

ಲಾಕ್‌ಡೌನ್‌ ಸಂದರ್ಭದಲ್ಲಿ ಯಾರೂ ಹೊರಗೆ ಹೋಗಬಾರದು.ದಿನಸಿ ಮುಂತಾದ ಅನಿವಾರ್ಯ ವಸ್ತುಗಳನ್ನು ತರಲು ಹೋಗುವಾಗಷ್ಟೇ ಮಾಸ್ಕ್ ಧರಿಸಿದರೆ ಸಾಕು. ಅದಕ್ಕೆ ಸಾಧಾರಣ ಬಟ್ಟೆಯ ಮಾಸ್ಕ್‌ ಸಾಕು.

ನೀವು ಮನೆಯಲ್ಲಿಯೇ ಮಾಸ್ಕ್ ತಯಾರಿಸುವಾಗ ಈ ತಪ್ಪುಗಳನ್ನು ಮಾಡದಿರಿ

1. ಅಳತೆ ಸರಿಯಿಲ್ಲದ ಮಾಸ್ಕ್ ತಯಾರಿಸಬೇಡಿ.

ಮಾಸ್ಕ್‌ ಮೂಗು ಹಾಗೂ ಬಾಯಿ ಹಾಗೂ ಕೆನ್ನೆಯ ಭಾಗ ಮುಚ್ಚುವಂತೆ ಇರಬೇಕು. ಹಾಗೂ ಮಾಸ್ಕ್‌ ತುಂಬಾ ಸಡಿಲವಾಗಿಯೂ ಇರಬಾರದು. ಆದರಿಂದ ಮಾಸ್ಕ್‌ ಕಿವಿಗೆ ಹಾಕಿದಾಗ ಮೂಗಿನಿಂದ ಸಡಿಲವಾಗಿ ಜಾರುವಂತೆ ಇರುವಮತೆ ಸ್ಟಿಚ್ ಮಾಡಬೇಡಿ.

2. ಮಾಸ್ಕ್ ಧರಿಸಿದ ಮೇಲೆ ಆಗಾಗ ತೆಗೆಯುತ್ತಾ ಇರುವುದು

ಈ ತಪ್ಪನ್ನು ಹಲವಾರು ಜನರು ಮಾಡುತ್ತಾರೆ. ಮಾಸ್ಕ್‌ ಧರಿಸಿದ ತಕ್ಷಣ ಬ್ಯಾಕ್ಟಿರಿಯಾ, ಸೋಂಕು ತಡೆಗಟ್ಟಲು ಸಾಧ್ಯವಿಲ್ಲ. ಅದು ತಡೆಗಟ್ಟಬೇಕು ಎಂದರೆ ನೀವು ಆಗಾಗ ಮಾಸ್ಕ್ ತೆಗೆಯುವುದು, ಮುಖ ಮುಟ್ಟುವುದು ಮಾಡಬಾರದು. ಹೀಗೆ ಮಾಡುವುದರಿಂದ ನಿಮ್ಮ ಕೈಯಲ್ಲಿದ್ದ ಸೋಂಕಾಣುಗಳು ತಗುಲಬಹುದು ಹಾಗೂ ಇದರಿಂದಾಗಿ ಸೋಂಕು ಹರಡುವುದು.

3. ಮಾಸ್ಕ್ ಧರಿಸುವ ಮುನ್ನ ಕೈಗಳನ್ನು ಸ್ವಚ್ಛ ಮಾಡಿ

ಮಾಸ್ಕ್ ಧರಿಸುವ ಮುನ್ನ ಕೈಗಳನ್ನು ಸ್ವಚ್ಛ ಮಾಡಿರಬೇಕು. ನಂತರ ಮಾಸ್ಕ್‌ ಧರಿಸಬೇಕು. ಮಾಸ್ಕ್‌ ಒಮ್ಮೆ ಧರಿಸಿದ ಮೇಲೆ ಯಾರಾದರೂ ಸಿಕ್ಕರೆ ಅದನ್ನು ತೆಗೆದು ಮಾತನಾಡಿಸುವುದು ಮಾಡಬೇಡಿ. ಅವರು ಎಷ್ಟೇ ಸ್ನೇಹಿತರಾಗಿದ್ದರೂ ಅಂತರ ಕಾಯ್ದುಕೊಳ್ಳಿ.

4. ಮಾಸ್ಕ್‌ ತೆಗೆಯುವಾಗ ಈ ತಪ್ಪು ಮಾಡದಿರಿ

ಮಾಸ್ಕ್ ಧರಿಸಿ ಮನೆಗೆ ಬಂದ ಮೇಲೆ ಹಿಂಭಾಗದಿಂದ ತೆಗೆದು ಕಸದ ಬುಟ್ಟಿಗೆ ಹಾಕಬೇಕು. ಒಗೆಯುವ ಮಾಸ್ಕ್‌ ಆದರೆ ಸೋಪ್‌ ನೀರಿನಲ್ಲಿ ಹಾಕಬೇಕು. ತಂದು ಟೇಬಲ್‌ ಮೇಲೆ ಹಾಗೇ ಇಡುವುದು ಮಾಡಬೇಡಿ. ಕೆಲವರು ವಾಶ್‌ ಮಾಡಿ ಬಳಸುವ ಮಾಸ್ಕ್ ಧರಿಸುತ್ತಿದ್ದಾರೆ, ಅಂಥವರು ಅದರ ಸ್ವಚ್ಛತೆ ಬಗ್ಗೆ ತುಂಬಾ ಎಚ್ಚರಿಕೆ ವಹಿಸಬೇಕು. ಮನೆಗೆ ಬಂದ ತಕ್ಷಣ ತೊಳೆಯಬೇಕು. ಇಲ್ಲದಿದ್ದರೆ ಆ ಮೂಲಕವೂ ಸೋಂಕು ಹರಡಬಹುದು ಎಚ್ಚರ.