ವ್ಯಾಯಾಮ ಮಾಡುವ ಮುನ್ನ ಇಂಥಾ ಆಹಾರಗಳಿಂದ ದೂರವಿರಿ

ಖಾರದ ಆಹಾರಗಳು

ಜಿಮ್ ಗೆ ತೆರಳುವ ಸಮಯದಲ್ಲಿ ಜಂಗ್ ಫುಡ್‌ ಸೇರಿದಂತೆ ಮಸಾಲೆ ಪದಾರ್ಥಗಳನ್ನು ಕಡ್ಡಾಯವಾಗಿ ಸೇವಿಸಬಾರದು. ಇದರಿಂದ ನಿಮ್ಮ ವ್ಯಾಯಾಮ ಪ್ರಕ್ರಿಯೆ ಉತ್ತಮವಾಗಿರಲು ಸಾಧ್ಯವೇ ಇಲ್ಲ. ನೀವು ಖಾರದ ಆಹಾರವನ್ನು ವ್ಯಾಯಾಮದ ಮುನ್ನ ಸೇವಿಸಲೇಬಾರದು. ಮಸಾಲೆಯುಕ್ತ ಖಾರದ ಆಹಾರಗಳು ಕೇವಲ ಎದೆಯುರಿ ಮತ್ತು ಸಾಮಾನ್ಯ ಅಸ್ವಸ್ಥತೆಯನ್ನು ಮಾತ್ರವೇ ಮಾಡುವುದಿಲ್ಲ ಬದಲಾಗಿ ಸೆಳೆತದಂತಹ ಸಮಸ್ಯೆಗೂ ಕಾರಣವಾಗಬಹುದು.

ಕಾರ್ಬೊನೇಟೆಡ್ ಪಾನೀಯಗಳು

ಕಾರ್ಬೊನೇಟೆಡ್ ಪಾನೀಯ ಸೇವಿಸುವುದು ಎಂದಿಗೂ ಒಳ್ಳೆಯದಲ್ಲ. ಇವು ನಿಮ್ಮ ವ್ಯಾಯಾಮದ ಅವಧಿಯಲ್ಲಿ ಹೊಟ್ಟೆಯಲ್ಲಿ ಸೆಳೆತ ಮತ್ತು ವಾಕರಿಕೆಗೆ ಕಾರಣವಾಗುವ ಸಾಧ್ಯತೆ ಇದೆ. ಈ ರೀತಿಯ ಪಾನೀಯಗಳು ಸಕ್ಕರೆ ಅಂಶದಿಂದ ಕೂಡಿರುವುದರಿಂದಾಗಿ ಸಕ್ಕರೆ ಸಮಸ್ಯೆಗಳಿಗೂ ಇದು ಕಾರಣವಾಗುವ ಸಾಧ್ಯತೆ ಇದೆ. ಹಾಗಾಗಿ ವ್ಯಾಯಾಮಕ್ಕೂ ಮುನ್ನ ಈ ರೀತಿಯ ಜ್ಯೂಸ್ ಗಳ ಸೇವನೆ ಮಾಡುವ ಬದಲು ನೀರು ಕುಡಿಯಿರಿ. ವರ್ಕ್ ಔಟ್ ಮಾಡುವುದಕ್ಕೂ ಎರಡು-ಮೂರು ತಾಸುಗಳ ಮುಂಚೆ ಎರಡರಿಂದ ಮೂರು ಲೋಟದಷ್ಟು ನೀರು ಕುಡಿಯುವುದು ವ್ಯಾಯಾಮದ ಅವಧಿಗೆ ಉತ್ತಮವೆನಿಸುತ್ತದೆ.

ಹಾಲು

ಹಾಲಿನಲ್ಲಿ ಪ್ರೊಟೀನ್, ವಿಟಮಿನ್ ಮತ್ತು ಅಗತ್ಯವಾಗಿರುವ ಎಲ್ಲಾ ಪೋಷಕಾಂಶಗಳೂ ಇರುತ್ತದೆ. ಹಾಗಿರುವಾಗ ಹಾಲು ಅತ್ಯುತ್ತಮ ಆಹಾರವೆಂದು ಅನ್ನಿಸುತ್ತದೆಯಾದರೂ ಅದು ವ್ಯಾಯಾಮದ ಮುನ್ನ ಸೇವಿಸುವುದು ಹಿತವಲ್ಲ. ವ್ಯಾಯಾಮದ ಮುನ್ನ ಡೈರಿ ಪದಾರ್ಥಗಳನ್ನು ಸೇವಿಸುವುದರಿಂದಾಗಿ ವ್ಯಾಯಾಮದ ಸಂದರ್ಬದಲ್ಲಿ ವಾಕರಿಕೆ ಮತ್ತು ಗ್ಯಾಸ್ ಅನುಭವ ಆಗಬಹುದು. ಡೈರಿ ಪದಾರ್ಥಗಳಾಗಿರುವ ಚೀಸ್, ಮೊಸರು ಮತ್ತು ಹಾಲು ಕೊಬ್ಬಿನಾಂಶದಿಂದ ಸಮೃದ್ಧವಾಗಿರುವುದರಿಂದಾಗಿ ಇವುಗಳನ್ನು ವ್ಯಾಯಾಮದ ನಂತರ ಸೇವಿಸುವುದು ಒಳ್ಳೆಯದು.

ಬೀನ್ಸ್

ದ್ವಿದಳ ಧಾನ್ಯಗಳು ಪ್ರೊಟೀನ್ ನಿಂದ ಸಮೃದ್ಧವಾಗಿರುತ್ತದೆ ಮತ್ತು ಅದು ನಾರಿನಂಶವನ್ನು ಹೆಚ್ಚು ಹೊಂದಿರುವುದರಿಂದಾಗಿ ಜೀರ್ಣವಾಗುವುದಕ್ಕೆ ಹೆಚ್ಚು ಸಮಯ ಹಿಡಿಯುತ್ತದೆ. ಇದು ನಿಮ್ಮ ಜೀರ್ಣಕ್ರಿಯೆ ಸಮಸ್ಯೆಯನ್ನು ಮತ್ತು ಹೊಟ್ಟೆ ಉಬ್ಬರಿಸುವಂತ ಸಮಸ್ಯೆಯನ್ನು ವ್ಯಾಯಾಮ ಪ್ರಕ್ರಿಯೆಯಲ್ಲಿ ಮಾಡುವ ಸಾಧ್ಯತೆ ಇದೆ. ಹಾಗಾಗಿ ವ್ಯಾಯಾಮ ಮಾಡುವಾಗ ಸರಿಯಾದ ಅಂದರೆ ಆರಾಮದಾಯಕವಾಗಿರುವ ನಿಖರವಾದ ಸ್ಥಾನದಲ್ಲಿ ವ್ಯಾಯಾಮ ಮಾಡುವುದಕ್ಕೆ ಸಾಧ್ಯವಾಗದೇ ಇರಬಹುದು.