ರಕ್ತ ಹೀನತೆಯ ಲಕ್ಷಣಗಳು- ನಿರ್ಲಕ್ಷಿಸಿದರೆ ಅಪಾಯ ತಪ್ಪದು!

ಚರ್ಮ ಕಳೆಗುಂದುವುದು

ರಕ್ತಹೀನತೆಯ ಪ್ರಮುಖ ಲಕ್ಷಣಗಳಲ್ಲಿ ಚರ್ಮ ಕಳೆಗುಂದುವುದು ಮತ್ತು ಮೇಣದಂತೆ ಆಗುವುದು ಮೊದಲನೇಯದಾಗಿದೆ. ಹೀಗೆ ಆದರೆ ನಿಮ್ಮ ದೇಹದಲ್ಲಿ ರಕ್ತದ ಕೊರತೆಯಿದ್ದು, ರಕ್ತಹೀನತೆಯಾಗಿದೆ ಎಂದು ತಿಳಿದುಕೊಳ್ಳಬೇಕು.

ಎದೆ ನೋವು

ಹೃದಯದ ವ್ಯವಸ್ಥೆಯು ಸರಿಯಾಗಿದ್ದರೂ ನಿಮ್ಮ ಎದೆಯಲ್ಲಿ ಆಗಾಗ ನೋವು ಕಾಣಿಸಿಕೊಳ್ಳುತ್ತಾ ಇದ್ದರೆ ಕೆಂಪುರಕ್ತದ ಕಣಗಳ ಕೊರತೆಯಿಂದಾಗಿ ನಿಮ್ಮ ಹೃದಯವು ಹೆಚ್ಚುವರಿಯಾಗಿ ಕೆಲಸ ಮಾಡುತ್ತಿದೆ ಎಂದು ತಿಳಿಯಬೇಕು.

ಗರ್ಭಧಾರಣೆ-ಇದೊಂದು ಕಾರಣ, ಲಕ್ಷಣವಲ್ಲ

ಗರ್ಭಧಾರಣೆಯ ಆರಂಭಿಕ ಕೆಲವು ತಿಂಗಳಲ್ಲಿ ಮಹಿಳೆಯರು ರಕ್ತಹೀನತೆಯಿಂದ ಬಳಲುತ್ತಾರೆ. ಗರ್ಭಧಾರಣೆಯು ರಕ್ತಹೀನತೆಗೆ ಕಾರಣವಲ್ಲ, ಇದು ರಕ್ತಹೀನತೆಗೆ ಒಂದು ಕಾರಣ.

ಮೂಲವ್ಯಾಧಿ

ಮೂಲವ್ಯಾಧಿ ಅಥವಾ ಹೊಟ್ಟೆಯ ಅಲ್ಸರ್ ನಿಂದ ಬಳಲುತ್ತಿರುವವರಲ್ಲಿ ರಕ್ತಹೀನತೆ ಕಂಡುಬರುತ್ತದೆ. ಯಾಕೆಂದರೆ ಇಂತಹ ಸಮಸ್ಯೆಯಲ್ಲಿ ಕರುಳಿನಲ್ಲಿ ರಕ್ತಸ್ರಾವಾಗುತ್ತಾ ಇರುತ್ತದೆ.

ಹೃದಯಬಡಿತ ಹೆಚ್ಚಾಗುವಿಕೆ

ಕಾರಣವಿಲ್ಲದೆ ಹೃದಯಬಡಿತ ಅಥವಾ ನಾಡಿಬಡಿತವು ಹೆಚ್ಚಾಗುತ್ತಿದ್ದರೆ ನಿಮಗೆ ರಕ್ತಹೀನತೆ ಇದೆಯೆಂದರ್ಥ. ರಕ್ತಹೀನತೆಯಿಂದಾಗಿ ಹೃದಯವು ಸಾಕಷ್ಟು ರಕ್ತ ಪಡೆಯದೆ ಹೀಗೆ ಆಗಬಹುದು.

ಹಿಮೋಗ್ಲೋಬಿನ್ ಮಟ್ಟ ತಗ್ಗುವುದು

ಸಾಮಾನ್ಯಕ್ಕಿಂತ ಹಿಮೋಗ್ಲೋಬಿನ್ ಮಟ್ಟವು ಕಡಿಮೆಯಿದೆ ಎಂದಾದರೆ ರಕ್ತಹೀನತೆ ಇದೆ ಎನ್ನಬಹುದು. ಇದಕ್ಕೆ ತಕ್ಷಣ ಚಿಕಿತ್ಸೆ ಪಡೆದುಕೊಳ್ಳಬೇಕು.

ಒಡೆದ ಉಗುರುಗಳು

ರಕ್ತಹೀನತೆ ಸಹಿತ ಹಲವಾರು ರೋಗಗಳ ಲಕ್ಷಣಗಳನ್ನು ಒಡೆದ ಉಗುರುಗಳು ತೋರಿಸುತ್ತದೆ. ನಿಮ್ಮ ಉಗುರುಗಳು ಒಡೆದಿದೆ ಎಂದಾದರೆ ರಕ್ತಹೀನತೆಯನ್ನು ಪರೀಕ್ಷಿಸಿಕೊಳ್ಳಿ.