ಮೈಗ್ರೇನ್‌ಗೆ ಏಳು ಅಚ್ಚರಿಯ ಕಾರಣಗಳು

ಹವಾಮಾನ

ಸೂರ್ಯನ ಬಿಸಿಲಿನಲ್ಲಿ ತಿರುಗಾಡುವುದರಿಂದ ಬೇಗನೆ ಮೈಗ್ರೇನ್ ದಾಳಿಗೆ ಒಳಗಾಗಬಹುದು. ಇದನ್ನು ಹೊರತುಪಡಿಸಿ, ವಾಯುಭಾರ ಒತ್ತಡ, ಅತಿಯಾದ ತಾಪಮಾನ ಮತ್ತು ಉಷ್ಣಾಂಶ ಮೈಗ್ರೇನ್ ಗೆ ಕೆಲವು ಸಾಮಾನ್ಯ ಕಾರಣಗಳೆಂದು ಪಟ್ಟಿ ಮಾಡಲಾಗಿದೆ. ಸೂರ್ಯನ ಬಿಸಿಲಿನಲ್ಲಿ ತಿರುಗಾಡದೆ ಇರುವುದು ಉತ್ತಮ. ಆದರೆ ಹೊರಗೆ ಹೋಗಲೇಬೇಕೆಂದಿದ್ದರೆ ಆಗ ಛತ್ರಿ ಬಳಸಿ. ಛತ್ರಿ ಬಳಸುವುದು ನಿಮ್ಮ ಶೈಲಿಗೆ ಹೊಂದಿಕೊಳ್ಳದಿದ್ದರೆ ತಲೆಯನ್ನು ಸುತ್ತುವರಿಯುವಂತೆ ಸ್ಕ್ರಾಪ್ ಹಾಕಿ.

ಕೆಫಿನ್ ಕಡೆಗಣಿಸಿ

ದಿನದಲ್ಲಿ ಎರಡು ಕಪ್ ಕೆಫಿನ್ ಸೇವನೆ ಅಭ್ಯಾಸವಾಗಿರುವವರು ಮೈಗ್ರೇನ್ ಗೆ ತುತ್ತಾಗುತ್ತಾರೆ ಎಂದು ಇತ್ತೀಚಿನ ಅಧ್ಯಯನವೊಂದು ಹೇಳಿದೆ. ಕೆಫಿನ್ ಸೇವನೆಯ ಕೆಲವು ಗಂಟೆಗಳ ಬಳಿಕ ಮತ್ತು ಅದನ್ನು ಸೇವಿಸದೆ ಇದ್ದಾಗ ಮೈಗ್ರೇನ್ ಕಾಣಿಸಿಕೊಳ್ಳುತ್ತದೆ. ಕೆಫಿನ್ ಸೇವನೆ ಕಡಿಮೆ ಮಾಡಿಕೊಳ್ಳಬೇಕು ಎಂದು ಸಲಹೆ ಮಾಡಲಾಗುತ್ತದೆ.

ಜೋರಾದ ಸಂಗೀತ

ದೀರ್ಘ ಸಮಯದವರೆಗೆ ಜೋರಾದ ಸಂಗೀತ ಕೇಳುವುದು ಮೈಗ್ರೇನ್ ದಾಳಿಗೆ ಪ್ರಮುಖ ಕಾರಣಗಳಲ್ಲಿ ಒಂದಾಗಿದೆ. ಜೋರಾದ ಸದ್ದಿನಿಂದ ಉಂಟಾಗುವ ತಲೆನೋವು 72 ಗಂಟೆ ಅಥವಾ ಅದಕ್ಕಿಂತ ಹೆಚ್ಚು ಸಮಯ ಇರಬಹುದು. ಮೈಗ್ರೇನ್ ತಡೆಯಲು ಸಂಗೀತ ಕೇಳುವಾಗ ಶಬ್ದ ಕಡಿಮೆಯಿರಲಿ.

ಪ್ರತಿಕ್ರಿಯಾತ್ಮಕ ಸಕ್ಕರೆ ಕೊರತೆ

ಸಕ್ಕರೆ ಮತ್ತು ಪಾಸ್ತಾವನ್ನು ಅತಿಯಾಗಿ ಸೇವನೆ ಮಾಡುವುದರಿಂದ ಮೈಗ್ರೇನ್ ಉಂಟಾಗಬಹುದು. ಇದರಿಂದ ದೇಹವು ಹೆಚ್ಚುವರಿ ಇನ್ಸುಲಿನ್ ಉತ್ಪಾದನೆ ಮಾಡಿ ಅದು ಸಕ್ಕರೆ ಉತ್ಪಾದಿಸಬಹುದು. ಇದಕ್ಕೆ ಪ್ರತಿಯಾಗಿ ರಕ್ತದಲ್ಲಿನ ಸಕ್ಕರೆ ಅಂಶವು ಕಡಿಮೆಯಾಗಬಹುದು. ಇದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟ ಕಡಿಮೆಯಾಗಿ ತಲೆನೋವಿಗೆ ಕಾರಣವಾಗಬಹುದು.

ಹೆಚ್ಚು ನಿದ್ರೆ ಮಾಡುವುದು

ದಿನದಲ್ಲಿ 9 ಗಂಟೆಗಿಂತ ಹೆಚ್ಚು ನಿದ್ರೆ ಮಾಡುವುದರಿಂದ ಮೈಗ್ರೇನ್ ಬರಬಹುದು. ಕೆಲಸಕ್ಕೆ ಹೋಗುವ ಜನರು ವಾರದ ಇತರ ದಿನಗಳಲ್ಲಿ ಕಡಿಮೆ ನಿದ್ರೆ ಮಾಡುತ್ತಾರೆ ಮತ್ತು ವಾರಾಂತ್ಯದಲ್ಲಿ ಹೆಚ್ಚು ನಿದ್ರಿಸುತ್ತಾರೆ. ಇತರ ದಿನಗಳಲ್ಲಿ ಕಡಿಮೆ ನಿದ್ರೆ ಮಾಡಿ ವಾರಾಂತ್ಯದಲ್ಲಿ ಹೆಚ್ಚು ನಿದ್ರೆ ಮಾಡುವುದರಿಂದ ನಿದ್ರೆಯ ಆವರ್ತನಕ್ಕೆ ತೊಂದರೆಯಾಗುತ್ತದೆ. ಇದರ ಪರಿಣಾಮ ಬೊಜ್ಜು, ಮೈಕೈ ನೋವು ಮತ್ತು ತಲೆನೋವು ಕಾಣಿಸಿಕೊಳ್ಳುತ್ತದೆ.

ಖಾಲಿ ಹೊಟ್ಟೆ

ಹಲವಾರು ಗಂಟೆಗಳ ಕಾಲ ಹೊಟ್ಟೆಗೆ ಏನು ಸೇವಿಸದೆ ಹಾಗೆ ಇದ್ದರೆ ಆಗ ಗ್ಯಾಸ್ಟ್ರಿಕ್ ಮತ್ತು ತಲೆನೋವು ಕಾಣಿಸಬಹುದು. ಉಪಹಾರ ತಪ್ಪಿಸುತ್ತಿದ್ದರೆ ಅದು ತುಂಬಾ ಕೆಟ್ಟ ಅಭ್ಯಾಸ. ದಿನದ ಆರಂಭವನ್ನು ಹಣ್ಣು, ಧಾನ್ಯಗಳು ಮತ್ತು ಹೆಚ್ಚಿನ ನೀರಿನೊಂದಿಗೆ ಆರಂಭಿಸಿ.