ಹಲ್ಲುಗಳು ಹಳದಿಯಾಗದಂತೆ ತಡೆಯಬೇಕೆ?

ಸಾಸಿವೆ ಎಣ್ಣೆಯಿಂದ ಹಲ್ಲುಗಳನ್ನು ಉಜ್ಜಿ

ಪೇಸ್ಟ್ ಹಾಕಿ ಹಲ್ಲುಜ್ಜುವ ಮುನ್ನ, ಸಾಸಿವೆ ಎಣ್ಣೆ ಮತ್ತು ಉಪ್ಪು ಹಾಕಿ ಕೈಯಿಂದಲೋ, ಬ್ರೆಷ್ ನಿಂದಲೂ ತಿಕ್ಕಿ ನಂತರ ಪೇಸ್ಟ್ ಹಾಕಿ ಬ್ರೆಷ್ ನಿಂದ ತಿಕ್ಕಿದರೆ ಹಲ್ಲು ಬೆಳ್ಳಗಿರುತ್ತದೆ.

ಟೀ ಅಥವಾ ಕಾಫಿ ಕುಡಿದ ಬಳಿಕ ಹೀಗೆ ಮಾಡಿ

ಟೀ ಮತ್ತು ಕಾಫಿ ಕುಡಿದರೆ ಹಲ್ಲುಗಳು ಹಳದಿಯಾಗುವುದು, ಹಾಗಂತ ಇದನ್ನು ಕುಡಿಯದೆ ಇರಲು ಸಾಧ್ಯವೇ? ಆದ್ದರಿಂದ ಟೀ ಅಥವಾ ಕಾಫಿ ಕುಡಿದ ಬಳಿಕ ನೀರು ಕುಡಿಯಿರಿ, ಇದರಿಂದ ಹಲ್ಲಿನಲ್ಲಿ ಹಳದಿ ಬಣ್ಣ ನಿಲ್ಲುವುದಿಲ್ಲ ಹಾಗೂ ಮೇಲೆ ಹೇಳಿದ ವಿಧಾನವನ್ನು ಹಲ್ಲುಜ್ಜಲು ಬಳಸಿ, ಆಗ ಹಲ್ಲು ಹಳದಿ ಬಣ್ಣಕ್ಕೆ ತಿರುಗುವುದಿಲ್ಲ.

ಹಲ್ಲನ್ನು ಬೆಳ್ಳಗಾಗಿಸುವ ಆಹಾರಗಳು

ಸೇಬು, ಕಬ್ಬು ಈ ರೀತಿಯ ಆಹಾರಗಳು ಹಲ್ಲನ್ನು ಬೆಳ್ಳಗೆ ಮಾಡುತ್ತದೆ. ಸಿಟ್ರಸ್ ಆಹಾರಗಳು ಹಲ್ಲನ್ನು ಬೆಳ್ಳಗೆ ಮಾಡುವುದರ ಜೊತೆಗೆ, ಹಲ್ಲು ಹಳದಿ ಆಗುವುದನ್ನು ತಡೆಯುತ್ತದೆ.

ಅಡುಗೆ ಸೋಡಾ ಬಳಸಿ

ಹಲ್ಲು ಹಳದಿ ಬಣ್ಣಕ್ಕೆ ತಿರುಗಿದ್ದರೆ ಅಡುಗೆ ಸೋಡಾದಿಂದ ಹಲ್ಲುಜ್ಜಿದರೆ ಹಲ್ಲು ಬೆಳ್ಳಗಾಗುವುದು.

ಊಟದ ನಂತರ ಬಾಯಿ ತೊಳೆಯಿರಿ

ಊಟ ಮಾಡಿದ ಬಾಯಿ ಮುಕ್ಕಳಿಸಬೇಕು. ಇದರಿಂದ ಬಾಯಿ ದುರ್ವಾಸನೆ ಬೀರುವುದನ್ನು ತಡೆಯುವುದರ ಜೊತೆಗೆ ಹಲ್ಲು ಹಳದಿಯಾಗುವುದನ್ನು ತಡೆಯಬಹುದು.

ಧೂಮಪಾನ

ಧೂಮಪಾನ ಅಭ್ಯಾಸ ಇರುವವರಲ್ಲಿ ಹಲ್ಲುಗಳು ಹಳದಿಯಾಗುವುದು. ಈ ಅಭ್ಯಾಸ ಆರೋಗ್ಯವನ್ನೂ ಹಾಳು ಮಾಡುತ್ತದೆ.

ಡೆಂಡಲ್ ಕೇರ್ ಗೆ ಹೋಗಿ ಹಲ್ಲುಗಳನ್ನು ಸ್ವಚ್ಛ ಮಾಡಿಸಿ

ನಿಮಗೆ ಸಮಯ ಸಿಕ್ಕಾಗ ಡೆಂಟಲ್ ಕೇರ್ ಗೆ ಹೋಗಿ ಹಲ್ಲುಗಳನ್ನು ಸ್ವಚ್ಛ ಮಾಡಿಸಿ. ಈ ರೀತಿಯ ಹಲ್ಲುಗಳ ಆರೈಕೆ ಮಾಡಿದರೆ ಹಳದಿ ಹಲ್ಲುಗಳ ಸಮಸ್ಯೆ ನಿಮಗಿರುವುದಿಲ್ಲ.