ಹಿಮೋಗ್ಲೋಬಿನ್ ಹೆಚ್ಚಿಸುವ ಟಾಪ್ 5 ಆಹಾರಗಳು

Updated: Friday, August 30, 2013, 17:08 [IST]

ಒಂದು ಹನಿ ರಕ್ತವೂ ಎಷ್ಟೊಂದು ಮಹತ್ವ ಅನ್ನುವುದು ಅದರ ಕೊರತೆ ಉಂಟಾದವರೆಗೂ ಗೊತ್ತು. ದೇಹದಲ್ಲಿ ಹಿಮೋಗ್ಲೋಬಿನ್ ಕೊರತೆ ಉಂಟಾದರೆ ರಕ್ತ ಹೀನತೆ(anemia), ಸೋಂಕು, ಮುಟ್ಟಿನ ಸಮಯದಲ್ಲಿ ಅಧಿಕ ರಕ್ತ ಸ್ರಾವ ಅಥವಾ ಅನಿಯಮಿತ ಮುಟ್ಟು ಈ ರೀತಿಯ ಸಮಸ್ಯೆ ಕಂಡು ಬರುವುದು.

ದೇಹದಲ್ಲಿ ಹಿಮೋಗ್ಲೋಬಿನ್ ಕೊರತೆ ಉಂಟಾದಾಗ ದೈನಂದಿನ ಕೆಲಸ ಮಾಡುವಾಗ ಸುಸ್ತು, ಖಿನ್ನತೆ, ನಿರಾಸಕ್ತಿ ಮುಂತಾದ ಸಮಸ್ಯೆ ಕಂಡು ಬರುವುದು. ದೇಹದಲ್ಲಿ ರಕ್ತ ಕಣಗಳು ಕಡಿಮೆಯಾಗುವುದು ಜೀವಕ್ಕೆ ಅಪಾಯಕಾರಿಯಾದ ವಿಷಯವಾದರೂ, ಸರಿಯಾದ ಆಹಾರಕ್ರಮದಿಂದ ದೇಹದಲ್ಲಿ ಹಿಮೋಗ್ಲೋಬಿನ್ ಕಣಗಳನ್ನು ಹೆಚ್ಚಿಸಬಹುದು.

ಇಲ್ಲಿ ನಾವು ಹಿಮೋಗ್ಲೋಬಿನ್ ಹೆಚ್ಚಿಸುವ ಟಾಪ್ 5 ಆಹಾರಗಳ ಬಗ್ಗೆ ಮಾಹಿತಿ ನೀಡಿದ್ದೇವೆ ನೋಡಿ:

ಕೆಂಪು ಮಾಂಸ

ರಕ್ತ ಹೀನತೆ ಉಂಟಾದರೆ ದೇಹಕ್ಕೆ ಅಧಿಕ ಕಬ್ಬಿಣದಂಶ ಅವಶ್ಯಕ. ಕೆಂಪು ಮಾಂಸದಲ್ಲಿ ಕಬ್ಬಿಣದಂಶ ಅಧಿಕವಾಗಿರುತ್ತದೆ. ಈ ಮಾಂಸ ತಿನ್ನುವುದರ ಮತ್ತೊಂದು ಪ್ರಯೋಜಜವೆಂದರೆ ದೇಹದಲ್ಲಿರುವ ಕಬ್ಬಿಣದಂಶವನ್ನು ಬೇಗನೆ ಹೀರಿಕೊಳ್ಳುತ್ತದೆ. ಇದರಿಂದ ದೇಹದಲ್ಲಿ ರಕ್ತ ಕಣಗಳು ಬೇಗನೆ ಹೆಚ್ಚಾಗುವುದು.

ಗಮನಿಸಬೇಕಾದ ಅಂಶ: ಇದನ್ನು ಮಿತಿಯಲ್ಲಿ ತಿನ್ನಿ, ಅಧಿಕವಾಗಿ ತಿನ್ನುವುದರಿಂದ ಮೈ ತೂಕ ಹೆಚ್ಚಾಗಬಹುದು.

ತರಕಾರಿಗಳು

ಬೀಟ್ ರೂಟ್, ಪಾಲಾಕ್, ಇತರ ಸೊಪ್ಪು, ರಾಜ್ಮಾ, ಕ್ಯಾಬೇಜ್, ಸಿಹಿ ಗೆಣಸು, ಹೂಕೋಸು, ಬ್ರೊಕೋಲಿ, ಬೀನ್ಸ್, ಬ್ಲ್ಯಾಕ್ ಬೀನ್ಸ್ ಇವೆಲ್ಲಾ ದೇಹದಲ್ಲಿ ಕೆಂಪು ರಕ್ತ ಕಣಗಳನ್ನು ಹೆಚ್ಚಿಸುತ್ತದೆ. ದೇಹದಲ್ಲಿ ಕಬ್ಬಿಣದಂಶ ಹೆಚ್ಚಾದರೆ ನಮ್ಮ ದೇಹವು ಆಮ್ಲಜನಕವನ್ನು ಹೀರಿಕೊಳ್ಳುತ್ತದೆ, ಇದರಿಂದ ಹಿಮೋಗ್ಲೋಬಿನ್ ಅಂಶ ಹೆಚ್ಚಾಗುವುದು.