ದೇಹದ ದುರ್ವಾಸನೆ ತಡೆಯಲು ಟಿಪ್ಸ್

Wellness

oi-Reena

By Hema S

Updated: Saturday, April 6, 2013, 8:47 [IST]

ಬೇಸಿಗೆಯಲ್ಲಿ ಬೆವರು ಸ್ವಲ್ಪ ಹೆಚ್ಚು ಬರುತ್ತದೆ. ಕೆಲವರಿಗೆ ಮೈ ತುಂಬಾ ದುರ್ವಾಸನೆ ಬೀರುತ್ತದೆ. ನಮ್ಮ ಬೆವರಿನ ವಾಸನೆ ನಮ್ಮ ಸಮೀಪ ನಿಲ್ಲುವವರಿಗೆ ಕಿರಿಕಿರಿ ಉಂಟು ಮಾಡಿದರೆ, ಇದರಿಂದ ನಮಗೆ ಮುಜುಗರ ಉಂಟಾಗುವುದು.

ಬೆವರಿನ ದುರ್ವಾಸನೆಯನ್ನು ಈ ಕೆಳಗಿನ ವಿಧಾನಗಳಿಂದ ಕಡಿಮೆ ಮಾಡಬಹುದು:

* ಸೋಂಕಾಣುಗಳ ವಿರುದ್ಧ ಹೋರಾಡುವ ಸೋಪು ಬಳಸಿ ಸ್ನಾನ
ಮೈ ತುಂಬಾ ಬೆವರುವುದಾದರೆ ಎರಡು ಹೊತ್ತು ಸ್ನಾನ ಮಾಡುವುದು ಒಳ್ಳೆಯದು. ಮೈಗೆ ಸೋಂಕಾಣುಗಳ ವಿರುದ್ಧ ಹೋರಾಡುವ ಸೋಪು ಬಳಸಿ.

* ಶುದ್ಧವಾದ ಬಟ್ಟೆ ಧರಿಸಿ
ಕೆಲವರು ಒಮ್ಮೆ ಧರಿಸಿದ ಬಟ್ಟೆಯನ್ನು ಒಗೆಯದೆ ಮತ್ತೊಮ್ಮೆ ಧರಿಸುತ್ತಾರೆ. ಹೀಗೆ ಮಾಡಿದರೆ ಬೆವರಿನ ದುರ್ಗಂಧ ಹೆಚ್ಚುವುದು. ಶುಭ್ರವಾದ ಬಟ್ಟೆ ಮಾತ್ರ ಧರಿಸಿ, ಅದರಲ್ಲೂ ಬೇಸಿಗೆಯಲ್ಲಿ ಹತ್ತಿಯ ಬಟ್ಟೆ ಒಳ್ಳೆಯದು.

* ಸ್ನಾನ ಮಾಡುವ ನೀರಿಗೆ ಸ್ವಲ್ಪ ಜೇನು ಬೆರೆಸಿ
ಸ್ನಾನ ಮಾಡಿದ ನಂತರ ಲಾಸ್ಟ್ 2 ಮಗ್ ನಷ್ಟು ನೀರು ಇರುವಾಗ 1 ಚಮಚ ಜೇನು ಬೆರೆಸಿ ಆ ನೀರನ್ನು ಮೈಗೆ ಹಾಕಿಕೊಳ್ಳಿ. ಹೀಗೆ ಮಾಡಿದರೆ ದೇಹ ದುರ್ಗಂಧ ಬೀರುವುದನ್ನು ತಡೆಯಬಹುದು.

* ಗೋಧಿ ಹುಲ್ಲು ಹಾಕಿ ನೀರು ಕುಡಿಯುವುದು
ದೇಹದ ದುರ್ವಾಸನೆ ತಡೆಯಲು ಪ್ರತೀದಿನ ಬೆಳಗ್ಗೆ ಸ್ವಲ್ಪ ಗೋಧಿ ಹುಲ್ಲನ್ನು ಪೇಸ್ಟ್ ಮಾಡಿ ಹಾಕಿದ ನೀರು ಕುಡಿಯಿರಿ.

* ಅಡುಗೆ ಸೋಡ
ಕಂಕುಳವನ್ನು ಅಡುಗೆ ಸೋಡಾದಿಂದ ಸ್ಕ್ರಬ್ ಮಾಡಿದರೆ ದೇಹ ದುರ್ವಾಸನೆ ಬೀರುವುದು ಕಡಿಮೆಯಾಗುತ್ತದೆ.

* ಆಪಲ್ ಸೈಡರ್ ವಿನಿಗರ್
ಸ್ನಾನ ನೀರಿಗೆ ಆಪಲ್ ಸೈಡರ್ ವಿನಿಗರ್ ಹಾಕಿದರೂ ಉತ್ತಮ ಫಲಿತಾಂಶ ದೊರೆಯುತ್ತದೆ.

* ಸ್ನಾನದ ನಂತರ ಮೈಗೆ ರೋಸ್ ವಾಟರ್ ತಿಕ್ಕಿ. ಇದರಿಂದ ದೇಹ ದಿನಾಪೂರ್ತಿ ಸುವಾಸನೆಯಿಂದ ಕೂಡಿರುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.