ಪುರುಷರ ಕಾಯಿಲೆಯೆನ್ನುವ ಸಂಧಿವಾತಕ್ಕೆ ಮನೆಮದ್ದು

Updated: Saturday, February 9, 2013, 15:38 [IST]

ಇತ್ತೀಚಿನ ರೋಗವಾದ ಗೌಟ್, ಸಂಧಿವಾತ ಅಥವಾ ಉರಿಯೂತಕಾರಕ ಕೀಲು ರೋಗದ ಒಂದು ರೂಪವಾಗಿದೆ. ರಕ್ತದಲ್ಲಿ ಯೂರಿಕ ಆಮ್ಲ ಬೆರೆಯುವಿಕೆಯಿಂದ ಉಂಟಾಗುವ ಈ ರೋಗದಿಂದ ಶೆ. 5ರಷ್ಟು ಜನರು ನರಳುತ್ತಿದ್ದಾರೆ. ಪ್ಯೂರಿನ್ ಎಂದು ಕರೆಯಲ್ಪಡುವ ಮಾನವ ದೇಹದಲ್ಲಿನ ತ್ಯಾಜ್ಯವೇ ಈ ಯೂರಿಕ್ ಆಮ್ಲ. ಸಾಮಾನ್ಯವಾಗಿ ಇದು ರಕ್ತದಲ್ಲಿ ಕರಗಿ ಮೂತ್ರಪಿಂಡಗಳ ಮೂಲಕ ಸಂಸ್ಕರಿಸಲ್ಪಟ್ಟು ಮೂತ್ರದ ರೂಪದಲ್ಲಿ ದೇಹದಿಂದ ಹೊರಹಾಕಲ್ಪಡುತ್ತದೆ.

ಆದರೆ ಕೆಲವೊಬ್ಬರಲ್ಲಿ ಯೂರಿಕ್ ಆಮ್ಲದ ಪ್ರಮಾಣ ಹೆಚ್ಚಿದ್ದು ಇದನ್ನು ತ್ವರಿತವಾಗಿ ಸಂಸ್ಕರಿಸಲು ಮೂತ್ರಪಿಂಡಗಳಿಗೆ ಹೆಚ್ಚಿನ ಕ್ಷಮತೆ ಬೇಕಾಗುತ್ತದೆ. ರಕ್ತದಲ್ಲಿ ಹೆಚ್ಚು ಯೂರಿಕ ಆಮ್ಲ ಕರಗಿರುವುದರ ಪರಿಣಾಮವಾಗಿ ಅದು ಹರಳುಗಳಾಗಿ ದೇಹದಲ್ಲಿನ ಸಂಧುಗಳಲ್ಲಿ ಶೇಖರಿಸಲ್ಪಡುತ್ತದೆ. ಈ ಸ್ಥಿತಿಯನ್ನೇ ಗೌಟ್ ಎನ್ನಲಾಗುತ್ತದೆ. ಕೆಲವೊಮ್ಮೆ ಈ ಶೇಖರಗಳು ಚರ್ಮವನ್ನು ಅದರ ವಿರುದ್ಧ ದಿಕ್ಕಿನಲ್ಲಿ ಒತ್ತುವುದರಿಂದ ಟೊಫಿಗಳೆಂದು ಕರೆಯಲ್ಪಡುವ ಮುದ್ದೆಗಳು ಹಾಗು ಮಚ್ಚೆಗಳನ್ನು ಕಾಣಬಹುದು.

ಗೌಟ್ ದಾಳಿ ಸಾಮಾನ್ಯವಾಗಿ ಐದರಿಂದ ಹತ್ತು ದಿನಗಳವರೆಗೆ ಇರುತ್ತಿದ್ದು ಅದರ ದಾಳಿ ಸಾಮಾನ್ಯವಾಗಿ ಕಾಲಿನ ಹೆಬ್ಬೆರಳಿನ ಪ್ರದೇಶವಾಗಿರುತ್ತದೆ. ಮೊಣಕಾಲು, ಹಿಮ್ಮಡಿಗಳು, ಮೊಣಕೈ,ಬೆರಳುಗಳು,ಮುಂಗೈ ಮತ್ತು ತೊಡೆಗಳಲ್ಲಿಯೂ ಗೌಟ್ ಗಳು ಕಂಡು ಬರಬಹುದು. ಗೌಟ್ ಆದ ಜಾಗವನ್ನು ಮೃದುವಾಗಿ ಸ್ಪರ್ಶಿ ಸಿದರೂ ಅಸಾಧ್ಯ ನೋವು ಉಂಟಾಗುತ್ತದೆ.

ಪ್ರಾರ್ಥಮಿಕವಾಗಿ ಇದನ್ನು ಪುರುಷರ ರೋಗ ಎನ್ನಲಾಗುವುದು. ಮಹಿಳೆಯರಲ್ಲಿ ಯೂರಿಕ ಆಮ್ಲವನ್ನು ಹೊರಹಾಕುವ ಸಾಮರ್ಥ್ಯ ಹೆಚ್ಚಿದ್ದು ಈ ರೋಗ ಬರುವ ಸಾಧ್ಯತೆ ಕಡಿಮೆ.
ಮಧ್ಯಮ ವಯಸ್ಸು ದಾಟಿದ ಪುರುಷರಲ್ಲಿ ಇದು ಹೆಚ್ಚಾಗಿ ಕಂಡು ಬರುತ್ತದೆ.

ಐಸ್ ಪ್ಯಾಕ್

ಊದಿದ ಜಾಗಕ್ಕೆ ಐಸ್ ನಿಂದ ತಂಪುಗೊಳಿಸಬಹುದು.10-15 ನಿಮಿಷಗಳ ಐಸ್ ಪ್ಯಾಕ್ ಅಳವಡಿಕೆಯಿಂದಾಗಿ ಊದಿಕೊಂಡ ಕೀಲುಗಳು ನೋವು ಮತ್ತು ಉರಿಯನ್ನು ಕಡಿಮೆಯಾಗುವುದು.

ಉಪ್ಪು ನೀರಿನಿಂದ ಆರೈಕೆ

ಕೀಲುಗಳಿಗೆ ವ್ಯಾಯಾಮ ಮಾಡಿದರೆ ಸಂಧಿ ನೋವು ಕಡಿಮೆಯಾಗುವುದು. ಹೆಬ್ಬೆರಳಿನಲ್ಲಿ ನೋವಿದ್ದರೆ, ಕಾಲುಗಳನ್ನು ಉಪ್ಪು ನೀರಿನಲ್ಲಿ ಕೆಲಕಾಲ ಮುಳುಗಿಸಿಡಿ.

ಯೂರಿಕ್ ಆಮ್ಲ ತಟಸ್ಥಗೊಳಿಸುವ ಆಹಾರಗಳು

ಯೂರಿಕ್ ಆಮ್ಲ ತಟಸ್ಥಗೊಳಿಸಲು ಸಹಾಯ ಮಾಡುವ ತಾಜಾ ಸ್ಟ್ರಾಬೆರಿಗಳನ್ನು, ಧಾನ್ಯಗಳ ಮತ್ತು ಹಣ್ಣುಗಳನ್ನು ತಿನ್ನಿರಿ. ವಿಟಮಿನ್ ಸಿ, ಮ್ಯಾಗ್ನಿಷಿಯಂ, ಸತು ಈ ರೀತಿಯ ಖನಿಜಾಂಶಗಳು ಯೂರಿಕ್ ಆಮ್ಲವನ್ನು ತಟಸ್ಥ ಮಾಡುತ್ತದೆ. ಚೆರ್ರಿ ಹಣ್ಣು ಕೂಡ ತುಂಬಾ ಒಳ್ಳೆಯದು.