ಬ್ರೇಕ್ ಫಾಸ್ಟ್ ಮಾಡದಿದ್ದರೆ ಮಿದುಳು ಜೋಕೆ!

ಬೆಳಗ್ಗೆ ತಿಂಡಿ ತಿನ್ನದಿರುವುದು

ಬೆಳಗ್ಗೆ ತಿಂಡಿ ತಿನ್ನದಿದ್ದರೆ ರಕ್ತದಲ್ಲಿ ಸಕ್ಕರೆಯಂಶ ತುಂಬಾ ಕಡಿಮೆಯಾಗುವುದು. ಇದರಿಂದ ಮಿದುಳಿಗೆ ಅವಶ್ಯಕವಾದ ಪೋಷಕಾಂಶಗಳು ದೊರಕದೆ ಮಿದುಳಿನ ಸಾಮರ್ಥ್ಯ ಕಡಿಮೆಯಾಗುತ್ತಾ ಬರುತ್ತದೆ.

2. ಅತೀಯಾಗಿ ತಿನ್ನುವುದು

ಅತೀಯಾಗಿ ತಿಂದರೆ ಮಿದುಳಿನ ಮೇಲೆ ಹೆಚ್ಚು ಒತ್ತಡ ಬೀಳುತ್ತದೆ, ಇದರಿಂದ ಮಿದುಳಿನ ಸಾಮರ್ಥ್ಯ ಕಡಿಮೆಯಾಗುವುದು.

3. ಧೂಮಪಾನ

ಧೂಮಪಾನದ ಚಟವಿರುವವರಿಗೆ ಕ್ರಮೇಣ ಅಲ್ಜೈಮರ್ಸ್ ಉಂಟಾಗುವುದು. ಧೂಮಪಾನಿಗಳ ಮಿದುಳು ಯೋಚಿಸುವ ಸಾಮರ್ಥ್ಯ ಕಳೆದುಕೊಳ್ಳುತ್ತಾ ಬರುತ್ತದೆ.

4. ಅಧಿಕ ಸಿಹಿ ತಿಂದರೆ

ಸಿಹಿ ಪ್ರಿಯರಾಗಿದ್ದರೆ ದೂರವಿರಿ. ಏಕೆಂದರೆ ಅಧಿಕ ಸಿಹಿ ತಿಂದರೆ ದೇಹವು ಪ್ರೊಟೀನ್ ಹೀರಿಕೊಳ್ಳುವುದನ್ನು ತಡೆಯುತ್ತದೆ. ಇದರಿಂದ ಪೋಷಕಾಂಶದ ಕೊರತೆ ಉಂಟಾಗಿ ಮಿದುಳಿನ ಸಾಮರ್ಥ್ಯ ಕಡಿಮೆಯಾಗುವುದು.

5. ವಾಯು ಮಾಲಿನ್ಯ

ನಮ್ಮ ಭೂಮಿ ಕಲುಷಿತವಾಗಿದೆ, ಕಾರ್ಖಾನೆ, ವಾಹನಗಳಿಂದ ವಾಯು ಮಾಲಿನ್ಯ ಅಧಿಕವಾಗುತ್ತಿದೆ. ಅಧಿಕ ವಾಯು ಮಾಲಿನ್ಯ ನಮ್ಮ ಮಿದುಳಿನ ಮೇಲೆ ಬೇಗನೆ ಕೆಟ್ಟ ಪರಿಣಾಮವನ್ನು ಬೀರುತ್ತದೆ.

6. ನಿದ್ದೆ ಇಲ್ಲದಿರುವುದು

ಮೆದುಳಿಗೆ ನಿದ್ದೆಯಲ್ಲಿ ಸ್ವಲ್ಪ ವಿಶ್ರಾಂತಿ ಸಿಗುತ್ತದೆ. ಮೆದುಳಿಗೆ ವಿಶ್ರಾಂತಿ ಸಿಗದಿದ್ದರೆ ಮನುಷ್ಯ ಬೇಗನೆ ಸಾವನ್ನಪ್ಪುತ್ತಾನೆ.

7. ತಲೆ ಮುಚ್ಚಿ ಮಲಗಿದರೆ

ಹೆಚ್ಚಿನವರಿಗೆ ತಲೆ ಮುಚ್ಚಿಕೊಂಡು ಮಲಗುವ ಅಭ್ಯಾಸವಿರುತ್ತದೆ. ಈ ರೀತಿ ಮಾಡಿದರೆ ನಮ್ಮ ದೇಹದಲ್ಲಿ ಇಂಗಾಲದ ಡೈ ಆಕ್ಸೈಡ್ ಹೆಚ್ಚಾಗಿ, ಆಮ್ಲಜನಕದ ಕೊರತೆ ಉಂಟಾಗಿ ಮಿದುಳಿಗೆ ಹಾನಿಯಾಗುತ್ತದೆ.

8. ಹುಷಾರಿಲ್ಲದಿದ್ದಾಗ ಕೆಲಸ ಮಾಡುವುದು

ಹುಷಾರು ತಪ್ಪಿದಾಗ ವಿಶ್ರಾಂತಿ ಪಡೆಯಬೇಕು. ಈ ಸಮಯದಲ್ಲಿ ಕೆಲಸ ಮಾಡಿದರೆ ಮಿದುಳಿನ ಶಕ್ತಿ ಕುಂದುವುದು ಜೋಕೆ!

9. ಯೋಚನೆ ಮಾಡದಿರುವುದು

ನಮ್ಮ ಮಿದುಳಿಗೆ ಕೆಲಸ ಕೊಡಬೇಕು. ಅದನ್ನು ಜಡವಾಗಿ ಇಟ್ಟರೆ ನಮ್ಮ ನೆನಪಿನ ಶಕ್ತಿ ಕಡಿಮೆಯಾಗುತ್ತಾ ಬರುತ್ತದೆ.

10. ಕಮ್ಮಿ ಮಾತನಾಡುವುದು

ತುಂಬಾ ಕಮ್ಮಿ ಮಾತನಾಡುವುದು ಕೂಡ ಒಳ್ಳೆಯ ಅಭ್ಯಾಸವಲ್ಲ. ಒಳ್ಳೆಯ ವಿಷಯದ ಬಗ್ಗೆ ಮಾತನಾಡಿದರೆ, ಚರ್ಚಿಸಿದರೆ ನಿಮ್ಮ ಮೆದುಳಿನ ಸಾಮರ್ಥ್ಯ ಹೆಚ್ಚುವುದು.