ವ್ಯಕ್ತಿಯ ಈ ರೀತಿಯ ವರ್ತನೆಗಳು ಸ್ವಭಾವವಲ್ಲ, ಕಾಯಿಲೆ

ಹೇಳುವುದನ್ನು ಸರಿಯಾಗಿ ಕೇಳಿಸಿಕೊಳ್ಳುವುದಿಲ್ಲ

ಯಾರಾದರೂ ಏನಾದರೂ ಮಾತನಾಡುತ್ತಿದ್ದರೆ ಪೂರ್ಣವಾಗಿ ಕೇಳಿಸಿಕೊಳ್ಳುವ ತಾಳ್ಮೆ ಇರುವುದಿಲ್ಲ. ಅವರ ಮಾತನ್ನು ತುಂಡರಿಸಿ ತಾವು ಮಧ್ಯದಲ್ಲಿ ಬಾಯಿ ಹಾಕುತ್ತಾರೆ.

ಚಂಚಲ ಸ್ವಭಾವ

ಅವರ ಸ್ವಭಾವದಲ್ಲಿ ತುಂಬಾ ಚಂಚಲತೆ ಇರುತ್ತದೆ. ಕಾಲಿಂಗ್ ಬೆಲ್, ಫೋನ್ ರಿಂಗ್, ಟ್ರಾಫಿಕ್ ಶಬ್ದ ಇವುಗಳೆಲ್ಲಾ ಅವರನ್ನೂ ತುಂಬಾ ಡಿಸ್ಟರ್ಬ್ ಮಾಡುತ್ತದೆ, ಇವುಗಳನ್ನು ಕೇಳಿದರೆ ಮನಸ್ಸು ಚಂಚಲವಾಗಿ ತಮ್ಮ ತಾಳ್ಮೆಯನ್ನು ಕಳೆದುಕೊಳ್ಳುತ್ತಾರೆ.

ಸ್ಪೀಡ್ ಡ್ರೈವಿಂಗ್

ಸ್ಪೀಡ್ ಡ್ರೈವಿಂಗ್ ಇಷ್ಟ ಪಟ್ಟು ಓಡಿಸುವುದು ಬೇರೆ, ತಾಳ್ಮೆಯಿಲ್ಲದೆ ಸ್ಲೀಡ್ ಡ್ರೈವ್ ಮಾಡುವುದೇ ಬೇರೆ. ಸಿಗ್ನಲ್ ಇದೆ, ಸ್ಪೀಡ್ ಅಧಿಕವಿದೆ ಏನೂ ಗಮನಿಸುವುದಿಲ್ಲ, ತಾಳ್ಮೆ ಕಳೆದುಕೊಂಡು ಸ್ಪೀಡ್ ಡ್ರೈವ್ ಮಾಡುತ್ತಾರೆ, ಇದರಿಂದ ಆಗಬಹುದಾದ ಅಪಘಾತದ ಬಗ್ಗೆ ಯೋಚಿಸುವುದೂ ಇಲ್ಲ.

ಶುಚಿತ್ವದ ಕಡೆ ಗಮನ ಕೊಡುವುದಿಲ್ಲ

ತಮ್ಮ ವಸ್ತುಗಳನ್ನು ನೀಟಾಗಿ ಇಡುವುದಿಲ್ಲ, ಶುಚಿತ್ವದ ಕಡೆಗೆ ಗಮನ ಕೊಡುವುದಿಲ್ಲ. ಹೈಪರ್ ಆಕ್ಟಿವ್ ಕಾಯಿಲೆ ಇರುವವರು ತಮ್ಮ ವಸ್ತುಗಳನ್ನು ನೀಟಾಗಿ ಇಡುವುದಿಲ್ಲ.

ಎಲ್ಲ ವಿಷಯದಲ್ಲಿಯೂ ನಿರ್ಲಕ್ಷ್ಯ ತೋರುವುದು

ತಮ್ಮ ಪರ್ಸನಲ್ ವಿಷಯ ಮಾತ್ರವಲ್ಲ, ಯಾವುದಾದರು ಮೀಟಿಂಗ್, ಫಂಕ್ಷನ್ ಗೆ ಹೋಗುವುದಾದರೆ ತಡ ಮಾಡಿ ಹೋಗುವುದು ಇವೆಲ್ಲಾ ಅವರ ಅಭ್ಯಾಸವಾಗಿರುತ್ತದೆ.

ತಾಳ್ಮೆಯೇ ಇಲ್ಲದಿರುವುದು

ಆ ವ್ಯಕ್ತಿ ಸಮಧಾನದಿಂದ ಕುಳಿತು ಒಂದು ಕಪ್ ಕಫಿ ಕೂಡ ಕುಡಿಯುವುದಿಲ್ಲ, ಕೈ ಕಾಲುಗಳನ್ನು ಕುಣಿಸುವುದು ಹೀಗೆ ಏನೋ ಒಂದು ಮಾಡುತ್ತಾ ಬ್ಯುಸಿಯಾಗಿರುತ್ತಾರೆ.

ಇವರ ಹತ್ತಿರದವರು ತೊಂದರೆಯನ್ನು ಅನುಭವಿಸುತ್ತಾರೆ

ಹೇಳಿದ ಮಾತನ್ನು ಸರಿಯಾಗಿ ಕೇಳಿಸಿಕೊಳ್ಳುವುದು, ವಿಚಿತ್ರವಾದ ವರ್ತನೆ ಈ ಎಲ್ಲಾ ಕಾರಣದಿಂದ ಅ ವರ ಮನೆಯವರು ಅಥವಾ ಅವರ ಸಮೀಪದ ವ್ಯಕ್ತಿಗಳು ತೊಂದರೆಯನ್ನು ಅನುಭವಿಸುತ್ತಾರೆ.

ಕೆಲಸವನ್ನು ಪ್ರಾರಂಭಿಸಲು ಹಿಂದೇಟು

ಕೆಲಸವನ್ನು ಬೇಗ ಮಾಡಿಕೊಂಡು ಮುಗಿಸಬೇಕೆಂಬ ಮನೋಭಾವ ಅವರಲ್ಲಿ ಇರುವುದಿಲ್ಲ, ಅರ್ಧ ಗಂಟೆಯಲ್ಲಿ ಮುಗಿಸುವ ಕೆಲಸಕ್ಕೆ ಒಂದು ಗಂಟೆ ಸಮಯ ತೆಗೆದುಕೊಳ್ಳುತ್ತಾರೆ ಹಾಗೂ ಅದಕ್ಕೆ ಕಾರಣಗಳನ್ನೂ ನೀಡುತ್ತಾರೆ.

ಇದ್ದಕ್ಕಿದ್ದಂತೆ ಕೋಪಗೊಳ್ಳುವುದು

ಹೈಪರ್ ಆಕ್ಟಿವ್ ಕಾಯಿಲೆ ಇರುವ ವ್ಯಕ್ತಿಗೆ ಬೇಗನೆ ಕೋಪ ಬರುತ್ತದೆ, ಆದರೆ ನಾವು ಅವರಲ್ಲಿ ಕಾಯಿಲೆ ಇದೆ ಎಂದು ಗುರುತಿಸುವ ಬದಲು ಮುಂಗೋಪಿ ಎಂದೇ ತಿಳಿಯುತ್ತೇವೆ.

ತಮ್ಮ ಸರದಿಗಾಗಿ ಕಾಯುವ ತಾಳ್ಮೆ ಇರುವುದಿಲ್ಲ

ಈ ವ್ಯಕ್ತಿ ಸೊಪರ್ ಮಾರ್ಕೆಟ್ ಗೆ ಹೋದರು ಅಂದಿಟ್ಟುಕೊಳ್ಳಿ, ಅಲ್ಲಿ ಬಿಲ್ ಪಾವತಿಗೆ ಉದ್ದದ ಕ್ಯೂ ಇದ್ದರೆ ತಮ್ಮ ಸರದಿ ಬರುವವರೆಗೆ ಕಾಯುವಷ್ಟು ತಾಳ್ಮೆ ಇವರಲ್ಲಿ ಇರುವುದಿಲ್ಲ, ಅಲ್ಲಿ ಎಲ್ಲರನ್ನು ತಳ್ಳಿ ಮುಂದೆ ಹೋಗಿ ಬಿಲ್ ಪಾವತಿ ಮಾಡುವುದು ಹೀಗೆ ಏನಾದರೂ ಮಾಡಿ ಜನರು ಇವರತ್ತ ವಿಚಿತ್ರವಾಗಿ ನೋಡುವಂತಾಗುವುದು.

ಕೊಟ್ಟ ಮಾತನ್ನು ನಡೆಸಿಕೊಳ್ಳುವುದಿಲ್ಲ

ಇಂತಹ ವ್ಯಕ್ತಿ ಯಾವುದೇ ಕಮಿಟ್ ಮೆಂಟ್ ಪಾಲಿಸುವುದಿಲ್ಲ.

ತನ್ನ ವಸ್ತುಗಳನ್ನು ಕಳೆದು ಹಾಕಿ ಹುಡುಕುವುದು

ಈ ವ್ಯಕ್ತಿ ತನ್ನ ವಸ್ತುಗಳನ್ನು ಒಂದು ಕಡೆ ಇಡುವುದಿಲ್ಲ, ನಂತರ ವಸ್ತುಗಳನ್ನು ಎಲ್ಲಿ ಇಟ್ಟಿದ್ದೇನೆ ನೆನಪಾಗದೆ ತುಂಬಾ ಹುಡುಕುತ್ತಾರೆ, ಆ ವಸ್ತು ಸಿಕ್ಕಿದ ಮೇಲೆ ಮತ್ತೆ ಅದನ್ನು ಜೋಪಾನವಾಗಿ ಇಡುವುದಿಲ್ಲ, ಬೇಕಾ ಬಿಟ್ಟಿ ಇಡುತ್ತಾರೆ.