ಆರೋಗ್ಯಕರ ಸ್ತನಕ್ಕಾಗಿ ಪಾಲಿಸಬೇಕಾದ ಟಿಪ್ಸ್

ಒಮೆಗಾ 3 ಕೊಬ್ಬಿನಂಶ ಅಗತ್ಯ

ಅಗಸೆ ಬೀಜ,ವಾಲ್ನಟ್,ಕ್ರೇನ್ ಬೆರ್ರಿ ರಸ ಮತ್ತು ಒಮೇಗಾ -3 (ಮೀನು,ಬೆಣ್ಣೆಹಣ್ಣು ಮತ್ತು ಮೊಟ್ಟೆಗಳಲ್ಲಿ ಒಮೆಗಾ - 3 ಇರುತ್ತದೆ)ಇ ವುಗಳು ಸ್ತನ ಕ್ಯಾನ್ಸರ್ ಅನ್ನು ಬರದಂತೆ ತಡೆಯುವ ಗುಣ ಹೊಂದಿದೆ. ಮೆಗ್ನಿಷ್ಯಿಯಂ ಅಂಶ ಹೆಚ್ಚಿರುವ ಆಹಾರಗಳನ್ನು ತಿನ್ನುವುದರಿಂದ ಸ್ತನ ಊದಿಕೊಳ್ಳುವುದು ಮತ್ತು ಜೋತು ಬೀಳುವುದನ್ನು ತಡೆಯಬಹುದು.

ತಪ್ಪಾದ ಬ್ರಾ ಸೈಜ್

ಇದಲ್ಲದೆ ಶೇಖಡಾ 70 ರಷ್ಟು ಮಹಿಳೆಯರು ಸರಿಯಾದ ಬ್ರಾ ಆಯ್ಕೆ ಮಾಡಿಕೊಳ್ಳುವುದಿಲ್ಲ ಇದು ಕೇವಲ ಆರೋಗ್ಯಕ್ಕೆ ಹಾನಿ ಮಾಡುವುದಲ್ಲದೆ,ನಿಲುವನ್ನು ಮತ್ತು ಚರ್ಮದ ತುರಿಕೆ,ಉಸಿರಾಟದ ತೊಂದರೆಗಳನ್ನು ಉಂಟುಮಾಡುತ್ತವೆ. ಜೊತೆಗೆ ಸ್ತನಕ್ಕೆ ಹಾನಿ ಉಂಟಾಗಿ ನೋವುಗಳಿಗೂ ಕಾರಣವಾಗುತ್ತದೆ.

ಗರ್ಭಿಣಿಯಾದಾಗ ಸ್ತನದ ಆರೈಕೆ

ಗರ್ಭಿಣಿಯಾದಾಗ,ತೂಕ ಹೆಚ್ಚು ಕಡಿಮೆ ಆದಾಗ ಮತ್ತು ಮುಟ್ಟು ನಿಲ್ಲುವ ಸಮಯದಲ್ಲಿ ಸ್ತನ ಗಾತ್ರ ಬದಲಾವಣೆ ಆಗುತ್ತಿರುತ್ತದೆ.ಆದ್ದರಿಂದ ಸ್ತನದ ಗಾತ್ರವನ್ನು ಆಗಾಗ ಸರಿಯಾಗಿ ಅಳೆಯುವುದು ಸೂಕ್ತ.

ವ್ಯಾಯಾಮ

ವ್ಯಾಯಾಮ ಮಾಡುವುದನ್ನು ರೂಡಿಸಿಕೊಳ್ಳಿ,ಸಂಶೋಧನೆಯ ಪ್ರಕಾರ ವಾರದಲ್ಲಿ 3 ರಿಂದ 4 ತಾಸು ವ್ಯಾಯಾಮ ಮಾಡುವುದರಿಂದ ಸ್ತನ ಕ್ಯಾನ್ಸರ್ ಅನ್ನು ಕಡಿಮೆ ಮಾಡಿಕೊಳ್ಳಬಹುದು.ಕೆಲವು ಪ್ರತ್ಯೇಕ ಅಧ್ಯಯನಗಳು ವಾರದ ವ್ಯಾಯಾಮಗಳು ಅನಾರೋಗ್ಯವನ್ನು ಹೆಚ್ಚಿಸಬಹುದು ಎಂದಿದ್ದಾರೆ ಆದಾಗ್ಯೂ ವ್ಯಾಯಾಮ ಮಾಡುವುದರಿಂದ ಕೇವಲ ಅರೋಗ್ಯ ಮಾತ್ರವಲ್ಲ ನಿಮ್ಮ ಸ್ತನವನ್ನು ಆಕರ್ಷಕವಾಗಿ ಕಾಣುವಂತೆ ಮಾಡಿಕೊಳ್ಳಬಹುದು.

ಎದೆಯ ವ್ಯಾಯಾಮ

ನೀವು ಎದೆಯ ವ್ಯಾಯಾಮ ಕೇವಲ ಪುರುಷರಿಗೆ ಮಾತ್ರ ಎಂದು ತಿಳಿದಿರಬಹುದು ಆದರೆ ಮಾಹಿತಿ ಪ್ರಕಾರ ಪುಶ್ ಅಪ್,ಬೆಂಚ್ ಪ್ರೆಸ್ ಇವುಗಳು ಸ್ತನದ ಆಕಾರವನ್ನು ಉತ್ತಮಗೊಳಿಸಲು ಸಹಕರಿಸುತ್ತವೆ.ನಿಮ್ಮ ಸ್ತನ ಮತ್ತು ಕತ್ತಿನ ಮೇಲೆ ಫ಼ರ್ಮಿಂಗ್ ಕ್ರೀಂ ಹಚ್ಚುವುದರಿಂದ ನೈಸರ್ಗಿಕವಾಗಿ ಮೇಲೆ ಎತ್ತಿರುವ ಸ್ತನವನ್ನು ಪಡೆಯಲು ಸಹಾಯವಾಗುತ್ತದೆ.

ಕ್ರೀಂ

ಸ್ತನದ ಗಾತ್ರವನ್ನು ಹೆಚ್ಚಿಸಲು ಕ್ರೀಂ ಬಳಸುವುದು ಅಷ್ಟೇನೂ ಗಮನಾರ್ಹವಾದ ಬದಲಾವಣೆ ತರುವುದಿಲ್ಲ ಆದರೆ ಕ್ರೀಂ ಹಚ್ಚಿ ಮಸಾಜ್ ಮಾಡುವುದರಿಂದ ಸ್ತನ ನೆರಿಗೆ ಬೀಳುವುದನ್ನು,ಜೋಲುವುದನ್ನು ತಪ್ಪಿಸಿ ನಿಮ್ಮ ಲುಕ್ ಅನ್ನು ಹೆಚ್ಚಿಸಬಹುದು.

ಡ್ರೆಸ್

ಕುತ್ತಿಗೆಯಿಂದ ಸ್ವಲ್ಪ ಕೆಳಗೆ ಕಾಣುವಂತ ಡ್ರೆಸ್ ಧರಿಸುವುದರಿಂದ ಎದೆಯ ಸೀಳು ಕಾಣುತ್ತದೆ ಮತ್ತು ಈ ರೀತಿ ಮೇಕಪ್ ನಿಂದ ಸ್ತನದ ಗಾತ್ರ ದೊಡ್ದದಿರುವಂತೆ ತೋರಲು ಸಾಧ್ಯ.ನಿಮ್ಮ ಲುಕ್ ಅನ್ನು ಹೆಚ್ಚಿಸಲು ಲಘುವಾಗಿ ಸೀಳು ಕಾಣಿಸುವುದರ ಜೊತೆಗೆ ನೆರಳು ಬೀಳುವಂತ ಡ್ರೆಸ್ ಹಾಕಿದರೆ ಸರಿಯಾದ ಶೇಪ್ ದೊರಕುತ್ತದೆ.ಸ್ತನದ ಮೇಲ್ಭಾಗ ಪೌಡರ್ ಸಿಂಪಡಿಸಿ ಹೊಳೆಯುತ್ತಿರುವಂತೆ ಮಾಡಿ.

ಸ್ತನವನ್ನು ಆಗಾಗ ಚೆಕ್ ಮಾಡಿ

ಸ್ತನ ಕ್ಯಾನ್ಸರ್ ನ ಕುರಿತಾದ ಸರ್ವೇಯ ಪ್ರಕಾರ ಕೇವಲ ಶೇಖಡಾ 35 ರಷ್ಟು ಮಹಿಳೆಯರು ಸ್ತನವನ್ನು ಪ್ರತಿದಿನ ಪರಿಶೀಲಿಸುತ್ತಾರೆ.ಸ್ತನ ಕ್ಯಾನ್ಸರ್ ನಿಂದ ಸಾವು ಕೂಡ ಸಂಭವಿಸಬಹುದು ಆದರೆ ಮೊದಲ ಹಂತದಲ್ಲೇ ಗುರುತಿಸಿದಲ್ಲಿ ಸಂಪೂರ್ಣ ಗುಣಪಡಿಸುವ ಅವಕಾಶವಿದೆ.ಆದ್ದರಿಂದ ಮಹಿಳೆಯರು ಪ್ರತಿ ತಿಂಗಳು ಸ್ತನದ ಗಾತ್ರ,ಬಣ್ಣದ ಬದಲಾವಣೆ,ಸೋರಿಕೆ,ತುರಿಕೆ,ಗಂಟುಗಳು ಇವುಗಳ ಬಗ್ಗೆ ಪರಿಶೀಲಿಸುತ್ತಿರಬೇಕು.ನಿಮಗೆ ಇದರ ಬಗ್ಗೆ ಮಾಹಿತಿ ಇಲ್ಲದಿದ್ದಲ್ಲಿ ಸ್ತನ ಪರಿಶೀಲನೆಗೆ ಸಂಬಂಧ ಪಟ್ಟ ವೆಬ್ ಸೈಟ್ ನಲ್ಲಿ ನೋಡಿ ಅಥವಾ ವೈದ್ಯರೊಂದಿಗೆ ಸಲಹೆ ಪಡೆದು ಪರಿಶೀಲಿಸಿಕೊಳ್ಳಿ.

ಧೂಮಪಾನ ಮಾಡುವುದನ್ನು ಬಿಡಿ

ಧೂಮಪಾನ ದೊಡ್ಡ ರೋಗಗಳನ್ನು ತರಲು ಕಾರಣವಾಗುತ್ತದೆ ಎಂದು ಹೇಳಲಾಗುತ್ತದೆ.ಬ್ರೆಸ್ಟ್ ಕ್ಯಾನ್ಸರ್ ಇದಕ್ಕೆ ಹೊರತಲ್ಲ.ಕ್ಯಾಲಿಫೋರ್ನಿಯ ಅರೋಗ್ಯ ಇಲಾಖೆ ಅಧ್ಯಯನದ ಪ್ರಕಾರ ಧೂಮಪಾನ ಮಾಡುವ ಮಹಿಳೆಯರಲ್ಲಿ ಎಂದೂ ಧೂಮಪಾನ ಮಾಡದ ಮಹಿಳೆಯರಿಗಿಂತ ಸ್ತನ ಕ್ಯಾನ್ಸರ್ ಬರುವ ಸಾಧ್ಯತೆ ಶೇಖಡಾ 30 ರಷ್ಟು ಅಧಿಕವಾಗಿರುತ್ತದೆ.ಬೇರೊಂದು ಸಂಶೋಧನೆ ಸಿಗರೇಟ್ ಸೇದುವುದರಿಂದ ಕ್ಯಾನ್ಸರ್ ಸಂಭವ ಹೆಚ್ಚು ಎಂದು ತಿಳಿಸಿದೆ.ಆದ್ದರಿಂದ ಧೂಮಪಾನ ಬಿಟ್ಟು ಬಿಡುವುದರಿಂದ ಅನಾರೋಗ್ಯವನ್ನು ತಪ್ಪಿಸಬಹುದು.

ಸನ್ ಸ್ಕ್ರೀನ್ ಲೋಷನ್ ಬಳಸಿ

ನಮ್ಮಲ್ಲಿ ಹೆಚ್ಚು ಜನ ಪ್ರತಿದಿನ ಸನ್ ಸ್ಕ್ರೀನ್ ಲೋಷನ್ ಹಚ್ಚದಿರುವುದು ಚರ್ಮದ ಕ್ಯಾನ್ಸರ್ ಗೆ ಕಾರಣ ಎಂಬುದನ್ನು ತಿಳಿದಿಲ್ಲ.ಸನ್ ಸ್ಕ್ರೀನ್ ಲೋಷನ್ ಹಚ್ಚದಿರುವುದರಿಂದ ಕೇವಲ ಕ್ಯಾನ್ಸರ್ ಅಥವಾ ಸನ್ ಬರ್ನ್ ಮಾತ್ರವಲ್ಲ ,ಸ್ತನ ಅತಿ ಬೇಗ ವಯಸ್ಸಾದಂತೆ ತೋರುತ್ತದೆ.ಈ ರೀತಿ ನೆರಿಗೆ ಬೀಳುವುದನ್ನು ತಡೆಯಲು ಸೂರ್ಯನ ಬಿಸಿಲಿಗೆ ಹೋಗುವಾಗ SPF 15 ಸನ್ ಸ್ಕ್ರೀನ್ ಲೋಷನ್ ಹಚ್ಚುವುದನ್ನು ಮರೆಯದಿರಿ.ವರ್ಕ್ ಔಟ್ ಮಾಡುವಾಗ ಸ್ಪೋರ್ಟ್ಸ್ ಬ್ರಾ ಉಪಯೋಗಿಸಲು ಮರೆಯದಿರಿ ಇಲ್ಲದಿದ್ದರೆ ಸ್ತನದಲ್ಲಿ ನೋವುಗಳು ಕೂಡ ಕಾಣಿಸಿಕೊಳ್ಳಬಹುದು.ಅದ್ದರಿಂದ ವ್ಯಾಯಾಮ ಮಾಡುವಾಗ ವ್ಯಾಯಾಮ ಬ್ರಾ ವನ್ನೇ ಉಪಯೋಗಿಸಿ ಸ್ತನಗಳು ಫಿಟ್ ಆಗಿ ಇರುವಂತೆ ನೋಡಿಕೊಳ್ಳಿ.

ನಿಮ್ಮ ನಿಲುವನ್ನು ಸುಧಾರಿಸಿಕೊಳ್ಳಿ

ನಿಮ್ಮ ಸ್ತನ ಜೋತು ಬೀಳದಂತೆ ತಡೆಯುವ ಸುಲಭ ಮಾರ್ಗವೆಂದರೆ ನೀವು ಕುಳಿತುಕೊಳ್ಳುವ ಭಂಗಿಯನ್ನು ಸುಧಾರಿಸಿಕೊಳ್ಳುವುದು.ಈ ರೀತಿ ಮಾಡುವುದರಿಂದ ಎದೆಯ ಸ್ನಾಯುಗಳು ಫಿಟ್ ಆಗಿರುತ್ತವೆ.ನೇರ ನಡಿಗೆ ಮಾಡುವುದರಿಂದ ಎದೆ ಗಾತ್ರ ದೊಡ್ಡದಾಗಿ ಕಾಣುವಂತೆ ಮಾಡುತ್ತದೆ.ನೀವು ಪ್ರತಿದಿನ ಹೇಗೆ ಕುಳಿತುಕೊಳ್ಳುತ್ತೀರಿ ಮತ್ತು ನಡೆದಾಡುತ್ತೀರಿ ಎಂದು ಗಮನಿಸಿ ಮತ್ತು ನಿಮ್ಮ ನಿಲುವನ್ನು ಸುಧಾರಿಸಲು ಯೋಗ ಅಥಾವಾ ಟೈ ಚಿ ಮುಂತಾದ ವ್ಯಾಯಾಮಗಳನ್ನು ಮಾಡಿ.