ಯಾವಾಗ ಡೆಂಗ್ಯೂ ಜ್ವರ ಪ್ರಾಣಕ್ಕೆ ಅಪಾಯಕಾರಿ?

ಡೆಂಗ್ಯೂ, ಹಕ್ಕಿ ಜ್ವರ ಈ ರೀತಿಯ ಕಾಯಿಲೆಗಳು ಇತ್ತೀಚಿಗೆ ಹೆಚ್ಚಿನ ಪ್ರಮಾಣದಲ್ಲಿ ಕಂಡು ಬರುತ್ತಿದೆ. ಅದರಲ್ಲಿ ಡೆಂಗ್ಯೂ ಕಾಯಿಲೆಯಿಂದ ಹೆಚ್ಚಿನವರು ಸಾವನ್ನಪ್ಪಿದ್ದಾರೆ. ಇತ್ತೀಚಿಗೆ ಪ್ರಸಿದ್ಧ ಹಿಂದಿ ಚಿತ್ರದ ನಿರ್ದೇಶಕ ಯಶ್ ಛೋಪ್ರಾ ಡೆಂಗ್ಯೂ ಕಾಯಿಲೆಯಿಂದ ಸಾವನ್ನಪ್ಪಿ, ಮಾಧ್ಯಮಗಳಲ್ಲಿ ದೊಡ್ಡ ಸುದ್ಧಿಯಾಗಿತ್ತು. ಇದನ್ನೆಲ್ಲಾ ನೋಡಿದಾಗ ಜನಸಾಮಾನ್ಯರಿಗೆ ಡೆಂಗ್ಯೂ ಕಾಯಿಲೆ ಬಂದರೆ ಸಾಯುತ್ತೇವೆ ಎಂಬ ಭೀತಿ ಆವರಿಸಿದೆ.

ಡೆಂಗ್ಯೂ ಅಪಾಯಕಾರಿಯಾದ ಕಾಯಿಲೆಯಾಗಿದ್ದರೂ ಇದು ಬಂದರೆ ಸುಧಾರಿಸಿಕೊಳ್ಳಬಹುದು. ಈ ಜ್ವರದಿಂದ ಸುಧಾರಿಸಿಕೊಳ್ಳಲು ಕನಿಷ್ಠವೆಂದರೂ 10-11 ದಿನಗಳು ಬೇಕಾಗುತ್ತದೆ. ಜ್ವರ ತುಂಬಾ ಜಾಸ್ತಿಯಾದರೆ ಬಾಯಿ, ವಸಡು ಮತ್ತು ಮೂಗಿನಿಂದ ರಕ್ತ ಬರಲಾರಭಿಸುತ್ತದೆ. .

ಈ ಕೆಳಗಿನ ಸಮಸ್ಯೆಗಳಿದ್ದು ಡೆಂಗ್ಯೂ ಕಾಯಿಲೆ ಬಂದರೆ ಬದುಕುಳಿಯುವ ಸಾಧ್ಯತೆ ಕಡಿಮೆ.

* ಡೆಂಗ್ಯೂ ಕಾಯಿಲೆ ಬಂದರೆ ಕಿರುಬಿಲ್ಲೆಗಳ ( ವರ್ಣರಹಿತ ಜೀವದ್ರವ್ಯದ ಪುಟ್ಟ ಬಿಲ್ಲೆಗಳಲ್ಲೊಂದು) ಸಂಖ್ಯೆ ಕಡಿಮೆಯಾಗುತ್ತದೆ. ಇದರ ಪ್ರಮಾಣ ತುಂಬಾ ಕಡಿಮೆಯಾದರೆ ಸಾವು ಬರಬಹುದು. ಆದ್ದರಿಂದ ಡೆಂಗ್ಯೂ ಅಂತ ಗೊತ್ತಾದ ತಕ್ಷಣ ಒಳ್ಳೆಯ ಆಸ್ಪತ್ರೆ ಸೇರಿ ಸೂಕ್ತ ಚಿಕಿತ್ಸೆಯನ್ನು ತೆಗೆದುಕೊಳ್ಳಬೇಕು.

* ಮೂಗು, ಬಾಯಿಯ ವಸಡು ಹಾಗೂ ಗುಪ್ತಾಂಗಗಳಲ್ಲಿ ರಕ್ತ ಸೋರಿಕೆ ಕಂಡು ಬಂದರೆ ಸೂಕ್ತ ಚಿಕಿತ್ಸೆ ದೊರೆಯದಿದ್ದರೆ ಪ್ರಾಣಕ್ಕೆ ಅಪಾಯ ಬರಬಹುದು.

* ಜ್ವರ ಬಂದಾಗ ಮನೆ ಮದ್ದು ಮಾಡುತ್ತಾ ಕುಳಿತರೆ, ಡೆಂಗ್ಯೂ ಬಂದಿದೆ ಎಂದು ತಿಳಿಯುವುದಿಲ್ಲ. ಈ ಸಂದರ್ಭದಲ್ಲಿ ಸೂಕ್ತ ಚಿಕಿತ್ಸೆ ದೊರೆಯದೆ ವ್ಯಕ್ತಿ ಸಾವನ್ನಪ್ಪಬಹುದು. ಆದ್ದರಿಂದ ಜ್ವರ ಬಂದಾಗ ಕೂಡಲೇ ಪರೀಕ್ಷಿಸಿ ಚಿಕಿತ್ಸೆ ತೆಗೆದುಕೊಳ್ಳುವುದು ಒಳ್ಳೆಯದು.

* ಡೆಂಗ್ಯೂ ಕಾಯಿಲೆಗೆ ವಯಸ್ಸಾದಾವರು ಮತ್ತು ಮಕ್ಕಳು ಬೇಗನೆ ತುತ್ತಾಗುತ್ತಾರೆ. ಇವರಲ್ಲಿ ರೋಗ ನಿರೋಧಕ ಸಾಮರ್ಥ್ಯ ಕಡಿಮೆ ಇರುವುದರಿಂದ ಡೆಂಗ್ಯೂ ಬಂದರೆ ಅಪಾಯಕಾರಿ.ಬೇರೆ ಯಾವುದೋ ಆರೋಗ್ಯದ ಸಮಸ್ಯೆಯಿರುವ ವ್ಯಕ್ತಿಗೆ ಡೆಂಗ್ಯೂ ಬಂದರೆ ಪ್ರಾಣಕ್ಕೆ ಅಪಯ ಉಂಟಾಗಬಹುದು. ಆದ್ದರಿಂದ ಜ್ವರ ಬಂದಾಗ ನಿರ್ಲಕ್ಷ್ಯ ಬೇಡ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.