ಈ ಕಾರಣಗಳಿಂದ ಬರಬಹುದು ತಲೆನೋವು!

Wellness

oi-Reena

By Hema S

Updated: Monday, August 6, 2012, 12:18 [IST]

ಅತ್ತ ಮಳೆಯೂ ಇಲ್ಲ, ಇತ್ತ ಬಿಸಿಲೂ ಇಲ್ಲ, ಮೋಡ ಮುಸುಕಿದ ವಾತಾವರಣ. ಈ ರೀತಿ ವಾತಾವರಣ ಇದ್ದಾಗ ತಲೆನೋವು,ಶೀತ, ಜ್ವರ ಈ ಕಾಯಿಲೆಗಳು ಹೆಚ್ಚಾಗಿ ಕಂಡುಬರುತ್ತದೆ. ಅದರಲ್ಲೂ ಈಗ ತಲೆನೋವು ಹೆಚ್ಚಿನವರಲ್ಲಿ ಕಂಡು ಬರುತ್ತದೆ. ತಲೆನೋವಿಗೆ ಹವಾಮಾನದಲ್ಲಿ ಕಂಡು ಬಂದ ಹವಾಮಾನ ಮಾತ್ರವಲ್ಲ ಈ ಕಳಗಿನ ಪ್ರಮುಖ ಕಾರಣಗಳಿಂದ ಕೂಡ ತಲೆನೋವು ಉಂಟಾಗುವುದು.

1. ನೀರಿನಂಶ ಕಡಿಮೆಯಾದರೆ: ದೇಹದಲ್ಲಿ ನೀರಿನಂಶ ಕಡಿಮೆಯಾದರೆ ತಲೆನೋವು ಕಾಣಿಸಿಕೊಳ್ಳುವುದು. ಆದ್ದರಿಂದ ತುಂಬಾ ನೀರು ಕುಡಿಯಬೇಕು.

2. ಟೀ ಕುಡಿಯುವುದರಿಂದ : ವಿಪರೀತ ಟೀ ಕುಡಿಯುವ ಅಭ್ಯಾಸವಿದ್ದವರ ದೇಹದಲ್ಲಿ ಕೆಫೀನ್ ಅಂಶ ಅಧಿಕವಾಗಿ ಸಂಗ್ರಹವಾಗುವುದು. ಈ ರೀತಿ ಉಂಟಾದರೆ ತಲೆನೋವು ಉಂಟಾಗುವುದು.

3. ಒತ್ತಡ: ವಿಪರೀತ ಮಾನಸಿಕ ಒತ್ತಡವಿದ್ದರೆ ತಲೆನೋವು ಉಂಟಾಗುವುದು. ಈ ರೀತಿ ಕಂಡುಬಂದರೆ ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಲು ಪ್ರಣಾಯಾಮ ಮಾಡುವುದು ಒಳ್ಳೆಯದು.

ತಲೆನೋವು ಕಡಿಮೆ ಮಾಡಲು ಕೆಳಗಿನ ಮನೆಮದ್ದು ಉಪಯೋಗಿಸಬಹುದು:

* ತಲೆಗೆ ಇದ್ದೆ ಬಟ್ಟೆ ಸುತ್ತುವುದು: ತುಂಬಾ ತಲೆನೋವು ಕಾಣಿಸಿಕೊಂಡಾಗ ಕಾಟನ್ ಬಟ್ಟೆಯನ್ನು ಒದ್ದೆ ಮಾಡಿ ತಲೆಗೆ ಬಿಗಿದು ಕಟ್ಟಿದರೆ ತಲೆನೋವು ಕಡಿಮೆಯಾಗುವುದು.

* ಫಿಶ್ ಎಣ್ಣೆ: ಸಿಡಿಯುವಂತಹ ತಲೆನೋವು ಇದ್ದರೆ ಫಿಶ್ ಎಣ್ಣೆ ಹಚ್ಚಿದರೆ ಸಾಕು ತಲೆನೋವು ಕಡಿಮೆಯಾಗುವುದು.

* ಪೆಪ್ಪರ್ ಮಿಂಟ್ ಆಯಿಲ್ (ಪುದೀನಾ ಎಣ್ಣೆ): ಶೀತದಿಂದ ತಲೆನೋವು ಕಂಡು ಬಂದರೆ ಇದನ್ನು ಹಚ್ಚಿದರೆ ತಲೆನೋವು ಕಡಿಮೆಯಾಗುವುದು.

* ಮ್ಯಾಗ್ನಿಷಿಯಂ : ಕೆಲವರಿಗೆ ಮುಟ್ಟಿನ ಸಮಯದಲ್ಲಿ ತಲೆನೋವು ಕಂಡು ಬರುತ್ತದೆ. ಇದು ಮ್ಯಾಗ್ನಿಷಿಯಂ ಕೊರತೆಯಿಂದ ಉಂಟಾಗುತ್ತದೆ. ಈ ರೀತಿಯ ತಲೆನೋವು ಬರುವವರು ದಿನದಲ್ಲಿ 400ರಿಂದ 600 ಮಿಗ್ರಾಂ ಮ್ಯಾಗ್ನಿಷಿಯಂ ದೇಹಕ್ಕೆ ಸೇರಿದರೆ ಈ ರೀತಿಯ ತೊಂದರೆ ಉಂಟಾಗುವುದಿಲ್ಲ. ಆದ್ದರಿಂದ ಮ್ಯಾಗ್ನಿಷಿಯಂ ಇರುವ ಆಹಾರವನ್ನು ಹೆಚ್ಚಾಗಿ ಸೇವಿಸಬೇಕು.
ಸೂಚನೆ: ಮ್ಯಾಗ್ನಿಷಿಯಂ ಹೆಚ್ಚಾದರೆ ಡಯೆರಿಯಾ ಬರಬಹುದು.

* ವಿಟಮಿನ್ ಬಿ2: 400ಮಿಗ್ರಾಂ ವಿಟಮಿನ್ ಡೋಸೇಜ್ ಮೈಗ್ರೇನ್ ಬರುವುದನ್ನು ತಡೆಗಟ್ಟಬಹುದು. ಆದರೆ ಕೆಲವರಲ್ಲಿ ಈ ರೀತಿ ಮಾಡಿದಾಗ ಮೂತ್ರದಲ್ಲಿ ಬಣ್ಣ ವ್ಯತ್ಯಾಸ ಅಥವಾ ಆಗಾಗ ಮೂತ್ರವಿಸರ್ಜನೆ ಈ ರೀತಿಯ ಲಕ್ಷಣಗಳು ಕಂಡು ಬರುವುದು. ಆಗ ಡೋಸೇಜ್ ಅನ್ನು ಸ್ವಲ್ಪ ಕಡಿಮೆ ಪ್ರಮಾಣದಲ್ಲಿ ತೆಗೆದುಕೊಳ್ಳಬೇಕು..

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.