ಬಾಯಿಯ ಸ್ವಾಸ್ಥ್ಯಕ್ಕಾಗಿ ಉತ್ತಮವಾದ ಮನೆ ಮದ್ದು

Wellness

oi-Reena

By Hema S

Updated: Wednesday, July 11, 2012, 11:12 [IST]

ಬಾಯಿ ದುರ್ವಾಸನೆ ಇದ್ದರೆ ನಮಗೆ ಇನ್ನೊಬ್ಬರ ಜೊತೆಗೆ ಮಾತನಾಡುವಾಗ ಆತ್ಮವಿಶ್ವಾಸ ಕುಂದುವುದು. ಬೆಳಗ್ಗೆ ಸರಿಯಾಗಿ ಹಲ್ಲು ಉಜ್ಜಿದ್ದರೂ ಕೆಲವರಿಗೆ ಬಾಯಿ ದುರ್ವಾಸನೆ ಬರುತ್ತಾ ಇರುತ್ತದೆ. ಬಾಯಲ್ಲಿ ಬ್ಯಾಕ್ಟೀರಿಯಾಗಳಿಂದಾಗಿ ಈ ರೀತಿಯ ದುರ್ವಾಸನೆ ಉಂಟಾಗುತ್ತದೆ, ಅಲ್ಲದೆ ಹಲ್ಲುಗಳಲ್ಲಿ ಹುಳುಕು ಉಂಟಾಗುವುದು. ಈ ರೀತಿಯ ಸಮಸ್ಯೆಯನ್ನು ಈ ಕೆಳಗಿನ ಮನೆ ಔಷಧಿ ಬಳಸಿ ನಿವಾರಿಸಬಹುದಾಗಿದೆ.

ಬಾಯಿ ದುರ್ವಾಸನೆ ತಡೆಯಲು ಮನೆ ಮದ್ದು:

1. ಆಗಾಗ ಪಾಲಾಕ್ ಸೊಪ್ಪನ್ನು ಅಗೆಯುತ್ತಾ ಇದ್ದರೆ ಬಾಯಿ ದುರ್ವಾಸನೆ ಬೀರುವುದಿಲ್ಲ.

2. ಬೆಳಗ್ಗೆ ಹಲ್ಲುಜ್ಜಿದ ಬಳಿಕ ಒಂದು ತುಂಡು ಈರುಳ್ಳಿಯನ್ನು ತೆಗೆದು 3-4 ನಿಮಿಷ ಚೆನ್ನಾಗಿ ಅಗೆಯಬೇಕು. ಈ ರೀತಿ ಮಾಡಿದರೆ ಬಾಯಲ್ಲಿರುವ ಬ್ಯಾಕ್ಟೀರಿಯಾಗಳು ನಾಶವಾಗುತ್ತದೆ. ನಂತರ ಈರುಳ್ಳಿ ವಾಸನೆಯನ್ನು ಹೋಗಲಾಡಿಸಲು ಬಾಯಿಗೆ ನೀರು ಹಾಕಿ ಚೆನ್ನಾಗಿ ಬಾಯಿ ಮುಕ್ಕಳಿಸಬೇಕು.

3. ಕ್ಯಾಲ್ಸಿಯಂ ಮತ್ತು ಖನಿಜಾಂಶವಿರುವ ಆಹಾರವನ್ನು ಹೆಚ್ಚಾಗಿ ಸೇವಿಸಬೇಕು.

4. ಊಟವಾದ ನಂತರ 2 ಹನಿ ಹೈಡ್ರೋಜನ್ ಪೆರಾಕ್ಸೈಡ್ ಅನ್ನು ಒಂದು ಲೋಟ ನೀರಿಗೆ ಹಾಕಿ ಅದರಿಂದ ಬಾಯಿ ಮುಕ್ಕಳಿಸಬೇಕು. ಈ ರೀತಿ ಮಾಡಿದರೆ ಬಾಯಿ ದುರ್ವಾಸನೆ ಬೀರುವುದಿಲ್ಲ.

5. ನಿಂಬೆ ಹಣ್ಣಿನ ಒಂದು ತುಂಡನ್ನು ಪ್ರತಿದಿನ ಸಿಪ್ಪೆ ಸಹಿತ ತಿನ್ನುತ್ತಾ ಬಂದರೆ ಬಾಯಿ ಸುರ್ವಾಸನೆ ಬರದಂತೆ ತಡೆಯಬಹುದು.

6. ಕೊತ್ತಂಬರಿ ಸೊಪ್ಪನ್ನು ಆಗಾಗ ಅಗೆಯುತ್ತಿದ್ದರೆ ಬಾಯಿ ದುರ್ನಾತ ಬೀರದಂತೆ ತಡೆಯಬಹುದು.

7. ಬಿಸಿ ನೀರಿಗೆ ಸ್ವಲ್ಪ ನಿಂಬೆ ಮತ್ತು ಶುಂಠಿ ರಸ ಹಾಕಿ ಮಿಶ್ರ ಮಾಡಿ ಆ ನೀರಿನಿಂದ ಬಾಯಿ ಮುಕ್ಕಳಿಸಿದರೆ ಬಾಯಿ ದುರ್ವಾಸನೆ ಬೀರುವುದಿಲ್ಲ

8. ಊಟದ ನಂತರ ಸ್ವಲ್ಪ ಮೆಂತೆ ತಿನ್ನುವುದು ಒಳ್ಳೆಯದು.

9. ಆಗಾಗ ನೀರು ಕುಡಿಯುತ್ತಾ ಇರಬೇಕು.

ಹಲ್ಲು ನೋವಿನ ಸಮಸ್ಯೆಯಿದ್ದರೆ ಈ ಕೆಳಗಿನ ಸಲಹೆಗಳನ್ನು ಪಾಲಿಸಬಹುದು.

1. ಒಂದು ಬೆಳ್ಳುಳ್ಳಿ ಎಸಳು ಜೊತೆ ಒಂದು ಕಲ್ಲುಪ್ಪು ಹಾಕಿ ಅದನ್ನು ನೋವು ಇರುವ ಕಡೆ ಇಟ್ಟರೆ ನೋವು ಕಡಿಮೆಯಾಗುವುದು.

2. ವೀಟ್ ಗ್ರಾಸ್ ಜ್ಯೂಸ್ ಕುಡಿದರೆ ಹಲ್ಲು ನೋವು ಕಡಿಮೆಯಾಗುವುದು.

ಈ ಸಲಹೆಗಳನ್ನು ಪಾಲಿಸಿದರೆ ಹಲ್ಲಿನಲ್ಲಿ ಯಾವುದೇ ಹುಳುಕು ಉಂಟಾಗುವುದಿಲ್ಲ, ಬಾಯಿ ಕೂಡ ದುರ್ವಾಸನೆ ಬೀರುವುದಿಲ್ಲ ಆದ್ದರಿಂದ ಯಾವುದೇ ದಂತ ವೈದ್ಯರನ್ನು ಭೇಟಿ ಆಗಬೇಕಾದ ಪರಿಸ್ಥಿತಿ ಉಂಟಾಗುವುದಿಲ್ಲ. ಹಲ್ಲಿನ ಸಂರಕ್ಷಣೆಗೆ ನಿಮಗೆ ಗೊತ್ತಿರುವ ಮನೆ ಮದ್ದು ಬರೆದು ಕಳುಹಿಸಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.