ತಲೆಹೊಟ್ಟು ಬಂದರೆ ಆರೋಗ್ಯ ಜೋಪಾನ!

Wellness

oi-Staff

By Super

Updated: Friday, September 12, 2014, 10:59 [IST]

ತಲೆಹೊಟ್ಟು ಹೆಚ್ಚಿನವರಲ್ಲಿ ಕಂಡು ಬರುವ ಸಾಮಾನ್ಯ ಸಮಸ್ಯೆಯಾಗಿದೆ. ಇದು ಬಂದರೆ ತಲೆಯಲ್ಲಿ ಕೆರೆತ ಉಂಟಾಗಿ ತುಂಬಾ ಕಿರಿಕಿರಿ ಅನಿಸುವುದು, ಅಲ್ಲದೆ ಮೊಡವೆ, ಕೂದಲು ಉದುರುವ ಸಮಸ್ಯೆ ಕಂಡುಬರುತ್ತದೆ. ಈ ರೀತಿ ಕಾಣಿಸಿಕೊಂಡಾಗ ಬರೀ ಶ್ಯಾಂಪೂ, ಸೋಪು ಅಂತ ಹಚ್ಚಿ ಹೊಟ್ಟು ನಿವಾರಣೆಗೆ ಪ್ರಯತ್ನಿಸುತ್ತೇವೆ. ಆದರೆ ಈ ರೀತಿ ಮಾಡಿದರೂ ಕೆಲವೊಮ್ಮೆ ಹೊಟ್ಟು ನಿವಾರಣೆಯಾಗುವುದಿಲ್ಲ.ಏಕೆಂದರೆ ತಲೆಹೊಟ್ಟಿಗೆ ಬಾಹ್ಯ ಚಿಕಿತ್ಸೆ ಮಾಡುವುದಕ್ಕಿಂತ ದೇಹದಲ್ಲಿ ಪೋಷಕಾಂಶಗಳ ಕೊರತೆಯನ್ನು ನೀಗಿಸಲು ಪ್ರಯತ್ನಿಸಬೇಕು.

ತಲೆಹೊಟ್ಟು ದೇಹದಲ್ಲಿ ಸತುವಿನಂಶ ಕಡಿಮೆಯಾದಾಗ ಉಂಟಾಗುತ್ತದೆ. ಸತು ದೇಹಕ್ಕೆ ಅಗತ್ಯವಾದ ಪೋಷಕಾಂಶವಾಗಿದ್ದು ದೇಹದ ಆರೋಗ್ಯವನ್ನು ಕಾಪಾಡಿಕೊಳ್ಳುವಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಇದು ದೇಹದಲ್ಲಿ ರೋಗ ನಿರೋಧಕ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ. ದೇಹದಲ್ಲಿ ಸತುವಿನ ಕೊರತೆ ಉಂಟಾದರೆ ಕಂಡು ಬರುವ ಮುಖ್ಯವಾದ ಲಕ್ಷಣವೆಂದರೆ ತಲೆಹೊಟ್ಟು.

ತಲೆ ಹೊಟ್ಟು ಬಂದು ತಲೆ ತುರಿಕೆ ಕಾಣಿಸಿಕೊಳ್ಳುವುದು. ಆದ್ದರಿಂದಲೆ ತಲೆ ಹೊಟ್ಟು ನಿವಾರಣೆ ಶ್ಯಾಂಪೂಗಳಲ್ಲಿ ಸತುವಿನಂಶವಿರುತ್ತದೆ. ಬರೀ ಶ್ಯಾಂಪೂ ಅಷ್ಟೇ ಬಳಸಿದರೆ ಸಾಲದು ಅಧಿಕ ಸತುವಿನಂಶವಿರುವ ಆಹಾರವನ್ನು ತಿನ್ನಬೇಕು. ಒಮೆಗಾ3 ಕೊಬ್ಬಿನಂಶವಿರುವ ಆಹಾರಗಳು, ಮಾಂಸ, ಮೀನು, ಏಡಿ, ಬೀನ್ಸ್, ಚೀಸ್, ಹಾಲು ಇವುಗಳಲ್ಲಿ ಸತುವಿನಂಶ ಹೆಚ್ಚಾಗಿ ಕಂಡುಬರುತ್ತದೆ.

ಪ್ರತಿ ದಿನ ಆರೋಗ್ಯಕರವಾಗಿರಲು ಈ ಕೆಳಗಿನ ಅಳತೆಯಷ್ಟು ದೇಹಕ್ಕೆ ಪೂರೈಕೆಯಾಗಬೇಕು.
* 3 ವರ್ಷದವರೆಗಿನ ಮಕ್ಕಳಿಗೆ 2-3 mg
* 4-8 ವರ್ಷದವರೆಗಿನ ಮಕ್ಕಳಿಗೆ 5 mg
* ಪುರುಷರಿಗೆ 11 mg
* ಮಹಿಳೆಯರಿಗೆ 8-9 mg
* ಗರ್ಭಿಣಿಯರಿಗೆ 11-13 mg ಸತು ಅವಶ್ಯಕ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.