ಒಳ್ಳೆಯ ಅಭ್ಯಾಸಗಳು ಕೂಡ ಅನಾರೋಗ್ಯಕರವಾಗಬಹುದೇ?

ಹಲ್ಲುಜ್ಜುವುದು:

ದಿನಕ್ಕೆ ಎರಡು ಬಾರಿ ಹಲ್ಲುಜ್ಜುವುದು ಒಳ್ಳೆಯದು. ಅದೇ ಕೆಲವರಿಗೆ ಆಗಾಗ ಹಲ್ಲುಜ್ಜುವ ಅಭ್ಯಾಸವಿರುತ್ತದೆ. ಆಗಾಗ ಹಲ್ಲುಜ್ಜಿದರೆ ಹಲ್ಲು ಸವಿಯುವುದು ಹಾಗೂ ಹಲ್ಲುಗಳು ತುಂಬಾ ಸೂಕ್ಷ್ಮವಾಗುವುದು.

ವಿಟಮಿನ್ ಮಾತ್ರೆಗಳು:

ವಿಟಮಿನ್ ಗಳ ಕೊರತೆ ಉಂಟಾದರೆ ವಿಟಮಿನ್ ಮಾತ್ರೆಗಳನ್ನು ತೆಗೆದುಕೊಳ್ಳಬೇಕು. ವಿಟಮಿನ್ ಮಾತ್ರೆಗಳನ್ನು ಒಳ್ಳೆಯದೆಂದು ಭಾವಿಸಿ ಪ್ರತಿನಿತ್ಯ ತೆಗೆದುಕೊಂಡರೆ ಬೇಧಿ ತ್ವಚೆ ಅಲರ್ಜಿ, ಅಜೀರ್ಣ ಮುಂತಾದ ಸಮಸ್ಯೆ ಕಂಡು ಬರುವುದು.

ಮನೆ ಶುಚಿ ಮಾಡುವುದು:

ಆರೋಗ್ಯವಾಗಿರಲು ಮನೆ ಹಾಗೂ ಸುತ್ತ ಮುತ್ತಲಿನ ಪ್ರದೇಶವನ್ನು ಶುಚಿಯಾಗಿಡಬೇಕು. ಅದೇ ವಿಪರೀತ ಮನೆ ಶುಚಿ ಮಾಡುವ ಅಭ್ಯಾಸ ಇದೆಯೆಲ್ಲಾ ಅದು ಒಳ್ಳೆಯದಲ್ಲ. ಕಸವಿಲ್ಲದಿದ್ದರೂ ಆಗಾಗ ಗುಡಿಸುವುದು ಕೈಯನ್ನು ಆಗಾಗ ತೊಳೆಯುವುದು, ತೊಳೆದ ಪಾತ್ರೆಗಳನ್ನು ಪದೇ-ಪದೇ ತೊಳೆದು ಇಡುವುದು ಈ ರೀತಿಯ ಅತಿಯಾದ ಶುಚಿ ಒಂದು ಬಗೆಯ ಮಾನಸಿಕ ಕಾಯಿಲೆ ಆಗಿದೆ.

ನೋವು ನಿವಾರಕ ಔಷಧಿಗಳು:

ಮೈಕೈ ನೋವು ಇದೆಯೆಂದು ಆಗಾಗ ನೋವು ನಿವಾರಕ ಮಾತ್ರೆಗಳನ್ನು ತೆಗೆದುಕೊಳ್ಳುವ ಅಭ್ಯಾಸ ಇದ್ದರೆ ಆ ಮಾತ್ರೆಗಳು ಆರೋಗ್ಯದ ಮೇಲೆ ಅಡ್ಡ ಪರಿಣಾಮ ಉಂಟಾಗುವುದು.

ನಿದ್ದೆ:

ಆರೋಗ್ಯವಾಗಿರಲು ದಿನದಲ್ಲಿ 6-8 ಗಂಟೆ ನಿದ್ದೆ ಮಾಡಬೇಕು. ನಿದ್ದೆ ಹೆಚ್ಚಾದರೆ ಆಲಸ್ಯ, ತಲೆನೋವು, ಮಂಕು ಮುಂತಾದ ಸಮಸ್ಯೆ ಕಂಡುಬರುವುದು

ನೀರು ಕುಡಿಯುವುದು:

ದಿನಕ್ಕೆ 8-10 ಗ್ಲಾಸ್ ಮಾತ್ರ ನೀರು ಕುಡಿಯಬೇಕು. ಮಿತಿಯಾಗಿ ನೀರು ಕುಡಿದರೆ ದೇಹದಲ್ಲಿ ಸೋಡಿಯಂ ಪ್ರಮಾಣ ಕಡಿಮೆಯಾಗುವುದು, ಇದರಿಂದ ತಲೆ ಸುತ್ತು, ವಾಂತಿ ಮುಂತಾದ ಸಮಸ್ಯೆ ಕಂಡುಬರುವುದು ಅಲ್ಲದೆ ತುಂಬಾ ನೀರು ಕುಡಿದರೆ ಕಿಡ್ನಿಯ ಮೇಲೆ ಹೆಚ್ಚು ಒತ್ತಡ ಬೀರುವುದರಿಂದ ಅಷ್ಟು ಒಳ್ಳೆಯದಲ್ಲ.