ಆರೋಗ್ಯ ಹೆಚ್ಚಿಸುತ್ತೆ ಸೂರ್ಯಕಾಂತಿ ಎಣ್ಣೆ

Wellness

oi-Reena

By Hema S

Published: Monday, February 13, 2012, 10:37 [IST]

ಸನ್ ಫ್ಲವರ್ ಆಯಿಲ್ ಅಥವಾ ಸೂರ್ಯಕಾಂತಿ ಎಣ್ಣೆ ಅಡುಗೆಯಲ್ಲಿ ಹೆಚ್ಚಾಗಿ ಉಪಯೋಗಿಸುತ್ತೇವೆ. ಅದರಲ್ಲಿ ಕಡಿಮೆ ಕೊಲೆಸ್ಟ್ರಾಲ್ ಇರುವುದರಿಂದ ದೇಹಕ್ಕೆ ತುಂಬಾ ಒಳ್ಳೆಯದು ಎಂದು ಎಲ್ಲರಿಗೂ ಗೊತ್ತು. ಆದರೆ ಇದು ದೇಹದ ತೂಕವನ್ನು ನಿಯಂತ್ರಣದಲ್ಲಿಡುವುದಷ್ಟೇ ಅಲ್ಲ, ಈ ಕೆಳಗಿನ ಪ್ರಯೋಜನಕಾರಿ ಗುಣಗಳನ್ನು ಹೊಂದಿದೆ.

1. ಜೀವಕೋಶಕ್ಕೆ ಹಾನಿಯಾಗದಂತೆ ತಡೆಯುತ್ತದೆ: ಸೂರ್ಯಕಾಂತಿ ಎಣ್ಣೆಯಲ್ಲಿ 'ವಿಟಮಿನ್ ಇ' ಅಂಶ ಇದೆ. ಅಲ್ಲದೆ ಇದರಲ್ಲಿ antioxidants ಗುಣ ಅಧಿಕವಿದ್ದು ದೇಹದಲ್ಲಿ ರೋಗಾಣುಗಳ ವಿರುದ್ಧ ಹೋರಾಡಿ ಜೀವಕಣಗಳಿಗೆ ಹಾನಿಯಾಗದಂತೆ ತಡೆಯುತ್ತದೆ.

2.ಹೃದಯದ ಸ್ವಾಸ್ಥ್ಯ: ಸೂರ್ಯಕಾಂತಿ ಎಣ್ಣೆಯಲ್ಲಿ ಅಧಿಕ ಮ್ಯಾಗ್ನಿಷಿಯಂ ಇದ್ದು ಅಧಿಕ ರಕ್ತದೊತ್ತಡ ಉಂಟಾಗದಂತೆ ತಡೆಯುತ್ತದೆ. ಇದರಿಂದಾಗಿ ಹೃದಯಾಘಾತ ಉಂಟಾಗುವುದಿಲ್ಲ. ಈ ಎಣ್ಣೆ ಕ್ಯಾನ್ಸರ್, ಮಧುಮೇಹವನ್ನು ನಿಯಂತ್ರಣದಲ್ಲಿಡಲು ಸಹಾಯ ಮಾಡುತ್ತದೆ.

3.ಜೀರ್ಣಕ್ರಿಯೆ: ಸೂರ್ಯಕಾಂತಿಯಲ್ಲಿ ನಾರಿನಂಶ ಅಧಿಕವಿದ್ದು ಜೀರ್ಣಕ್ರಿಯೆಗೆ ಸಹಾಯಮಾಡುತ್ತದೆ. ಇದರಿಂದಾಗಿ ಮಲಬದ್ಧತೆ ಮತ್ತು ಪೈಲ್ಸ್ ನಂತಹ ಕಾಯಿಲೆಗಳು ಬರದಂತೆ ತಡೆಯುತ್ತದೆ.

3. ಶಕ್ತಿ: ಸೂರ್ಯಕಾಂತಿ ಎಣ್ಣೆಯಲ್ಲಿ ಅಧಿಕ ಪ್ರೊಟೀನ್ ಮತ್ತು ಕಾರ್ಬೋಹೈಡ್ರೇಟ್ ಇದ್ದು ಅವುಗಳು ದೇಹದಲ್ಲಿ ಗ್ಲೈಕೋಜಿನ್ ಉತ್ಪತ್ತಿ ಮಾಡುವುದರಿಂದ ದೇಹದಲ್ಲಿ ಶಕ್ತಿ ಹೆಚ್ಚುತ್ತದೆ.

4. ಸ್ನಾಯುಗಳು ಬಲವಾಗುತ್ತದೆ: ಇದರಲ್ಲಿರುವ ಕಬ್ಬಿಣದಂಶ ಆಮ್ಲಜನಕವನ್ನು ಹೆಚ್ಚಾಗಿ ಹೀರಿಕೊಂಡು ಸ್ನಾಯುಗಳಿಗೆ ಪೂರೈಸುತ್ತದೆ, ಇದರಿಂದ ಸ್ವಾಯುಗಳು ಬಲವಾಗುತ್ತವೆ. ಇದರಲ್ಲಿರುವ ತಾಮ್ರದಂಶ ಮೂಳೆಗಳನ್ನು ಬಲಬಡಿಸುತ್ತದೆ.

5. ಮೆದುಳಿನ ಆರೋಗ್ಯ: ಸೂರ್ಯಕಾಂತಿ ಎಣ್ಣೆ ಟೆನ್ಷನ್ ಕಡಿಮೆ ಮಾಡುತ್ತದೆ . ಅಲ್ಲದೆ ಇದರಲ್ಲಿರುವ ಕೊಲೀನ್ ಅಂಶ ಜ್ಞಾಪಕ ಶಕ್ತಿಯನ್ನು ಹೆಚ್ಚಿಸುವಲ್ಲಿ ಸಹಕಾರಿಯಾಗಿದೆ.

6. ಗರ್ಭಿಣಿ ಆರೋಗ್ಯ: ಸೂರ್ಯಕಾಂತಿ ಎಣ್ಣೆಯಲ್ಲಿ ವಿಟಮಿನ್ ಬಿ ಇದ್ದು ಹೊಸ ಜೀವಕಣಗಳನ್ನು ಉತ್ಪತ್ತಿ ಮಾಡುತ್ತದೆ. ಇದರಿಂದ ಭ್ರೂಣದ ಬೆಳವಣಿಗೆಗೆ ಸಹಕಾರಿಯಾಗಿದೆ.

ಸೂರ್ಯಕಾಂತಿ ಎಣ್ಣೆಯನ್ನು ಕೊಳ್ಳುವಾಗ ಬ್ರಾಂಡ್ ಇರುವ ಎಣ್ಣೆ ಬಳಸಿ ಅಥವಾ ಡಬ್ಬದಲ್ಲಿರುವ ಎಣ್ಣೆಗಳನ್ನು ಕೊಳ್ಳುವುದಾದರೆ ತಾಜಾ ಎಣ್ಣೆಯನ್ನೇ ಉಪಯೋಗಿಸಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.