ಕೆಟ್ಟ ಚಟದಿಂದ ತಲೆನೋವು ನಿವಾರಣೆ ಸಾಧ್ಯವೆ?

Wellness

oi-Reena

By Hema S

Published: Saturday, January 14, 2012, 16:17 [IST]

ತಲೆನೋವು ಎಲ್ಲರಿಗೂ ಬರುತ್ತದೆ. ಯಾವ ಸಮಯದಲ್ಲಿ ಬೇಕಾದರೂ ತಲೆನೋವು ಕಾಣಿಸಿಕೊಳ್ಳಬಹುದು. ಒತ್ತಡ, ನಿದ್ದೆಯಿಲ್ಲದಿರುವಿಕೆ ಮುಂತಾದ ಕಾರಣಗಳಿಂದ ತಲೆನೋವು ಬರುತ್ತದೆ. ತಲೆನೋವಿನಿಂದ ಪಾರಾಗಲು ಔಷಧಿಗಳು ಲಭ್ಯವಿದೆ. ಆದರೆ ಹೆಚ್ಚಿನ ಜನರು ತಲೆನೋವು ಚಿಕಿತ್ಸೆಗೆ ಅಡ್ಡದಾರಿ ಹಿಡಿಯುತ್ತಾರೆ.

ತಲೆನೋವು ಜಾಸ್ತಿಯಾಯ್ತು ಎಂದಾಗ ಒಂದು ಸಿಗರೇಟ್ ಸೇದುವುದು, ಕಾಫಿ ಟೀ ಕುಡಿಯುವುದು ಮಾಡುತ್ತಾರೆ. ಆದರೆ ಇದು ತಾತ್ಕಾಲಿಕವಾಗಿ ತಲೆನೋವು ಕಡಿಮೆಮಾಡಬಹುದು. ತಲೆನೋವು ಕಡಿಮೆ ಮಾಡುವ ಈ ಚಟಗಳು ಬೇರೊಂದು ರೀತಿಯಲ್ಲಿ ನಮ್ಮ ಆರೋಗ್ಯ ಕೆಡಿಸಬಹುದು. ತಲೆನೋವು ಕಡಿಮೆ ಮಾಡುವ ಜನರ ಸಾಮಾನ್ಯ ಚಟಗಳು ಇಲ್ಲಿವೆ.

1. ಕಾಫಿ ಅಥವಾ ಚಹಾ: ಸ್ಟ್ರಾಂಗ್ ಕಾಫಿ/ಚಹಾ ಕುಡಿಯುವುದು ತಲೆನೋವು ಹೋಗಲಾಡಿಸುವ ಸಾಮಾನ್ಯ ಔಷಧಿಯಾಗಿದೆ. ಕಾಫಿ/ಚಹಾ ತಲೆನೋವನ್ನು ಕಡಿಮೆ ಮಾಡುತ್ತದೆ ಎಂದು ಭಾವಿಸಿದರೆ ತಪ್ಪು. ಕಾಫಿ ಒಂದು ಡ್ರಗ್ ರೀತಿ. ಅದು ತಾತ್ಕಾಲಿಕವಾಗಿ ನೋವನ್ನು ಮರೆಸುತ್ತದೆ. ನಂತರ ತಲೆನೋವು ಮತ್ತಷ್ಟು ಹೆಚ್ಚಾಗುವುದು. ತುಂಬಾ ಕಾಫಿ ಕುಡಿಯುವುದರಿಂದ ನಿರ್ಜಲೀಕರಣ ಉಂಟಾಗುತ್ತದೆ ಆದ್ದರಿಂದ ಅಧಿಕ ಕಾಫಿ/ಟೀ ಕುಡಿಯುವುದು ಒಳ್ಳೆಯದಲ್ಲ.

2. ಧೂಮಪಾನ: ಅಧಿಕ ಕೆಲಸದ ಒತ್ತಡದಿಂದ ತಲೆನೋವು ಕಾಣಿಸಿಕೊಂಡರೆ ಸಿಗರೇಟ್ ಸೇದುವ ಅಭ್ಯಾಸವಿರುವವರು ತಲೆನೋವು ಕಡಿಮೆಯಾಗಲು ಮತ್ತೆರಡು ಸಿಗರೇಟ್ ಜಾಸ್ತಿ ಎಳೆಯುತ್ತಾರೆ. ಆದರೆ ಸಿಗರೇಟ್ ಸೇವಿಸಿದಾಗ ಆ ಕ್ಷಣದಲ್ಲಿ ಸ್ವಲ್ಪ ನಿರಾಳವೆನಿಸದರೂ ಸಿಗರೇಟ್ ನಲ್ಲಿರುವ ನಿಕೋಟಿನ್ ರಕ್ತನಾಳದಲ್ಲಿ ಸೇರಿ ಅದರ ಮುಖಾಂತರ ಮೆದುಳನ್ನು ತಲುಪಿ ತಲೆನೋವು ಮತ್ತಷ್ಟು ಹೆಚ್ಚಾಗಿಸುತ್ತದೆ.

3. ಗಾಂಜಾ: ಮೈಗ್ರೇನ್ ಬಂದರೆ ಸಹಿಸಲು ಅಸಾಧ್ಯವಾದ ನೋವು ಉಂಟಾಗುತ್ತದೆ. ಈ ರೀತಿಯ ತಲೆನೋವು ನಿವಾರಣೆ ಮಾಡಲು ಕೆಲವರು ಗಾಂಜಾ ಸೇದುತ್ತಾರೆ. ಆದರೆ ಈ ಗಾಂಜಾ ಸಿಗರೇಟ್ ಗಿಂತ ತುಂಬಾ ಅಪಾಯಕಾರಿಯಾದ ವಸ್ತುಯಾಗಿದೆ.

4.ಚಾಕಲೇಟ್: ಕಪ್ಪು ಚಾಕಲೇಟ್ ತಿಂದರೆ ತಲೆನೋವು ನಿವಾರಣೆಯಾಗುತ್ತದೆ. ಆದರೆ ಮಿತಿಮೀರಿ ಚಾಕಲೇಟ್ ತಿನ್ನುವ ಅಭ್ಯಾಸ ಒಳ್ಳೆಯದಲ್ಲ ಏಕೆಂದರೆ ಇದು ದೇಹದ ತೂಕವನ್ನು ಹೆಚ್ಚಿಸುತ್ತದೆ.

ಚಟಗಳಿಗಿಂತ ದೊಡ್ಡ ತಲೆನೋವು ಇನ್ಯಾವುದು ಇಲ್ಲ. ಹೀಗಾಗಿ ಇಂತಹ ಅಭ್ಯಾಸಗಳ ಮೊರೆ ಹೋಗುವ ಬದಲು ತಲೆನೋವಿಗೆ ಚಿಕಿತ್ಸೆ ಪಡೆದುಕೊಳ್ಳುವುದು ಒಳ್ಳೆಯದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.