ಸ್ತನ ಕ್ಯಾನ್ಸರ್ ಗೆ ಲಸಿಕೆ ಬರಲಿದೆಯೇ?

Wellness

oi-Sumalatha

By Sumalatha

Published: Wednesday, December 14, 2011, 18:24 [IST]

ಮಹಿಳೆಯರನ್ನು ಕಾಡುತ್ತಿರುವ ಸ್ತನ ಕ್ಯಾನ್ಸರ್ ಗೆ ಇನ್ನು ಮೂರೇ ವರ್ಷಗಳಲ್ಲಿ ಪರಿಹಾರ ಸಿಗಲಿದೆ. ಹೌದು. ಸ್ತನ ಕ್ಯಾನ್ಸರ್ ನಿವಾರಿಸುವ ಲಸಿಕೆ ಇನ್ನು ಮೂರು ವರ್ಷಗಳಲ್ಲಿ ಸಿದ್ಧಗೊಳ್ಳುವುದಾಗಿ ವಿಜ್ಞಾನಿಗಳು ತಿಳಿಸಿದ್ದಾರೆ.

ಜಾರ್ಜಿಯಾ ವಿಶ್ವವಿದ್ಯಾಲಯದ ಅಂತರರಾಷ್ಟ್ರೀಯ ತಂಡ ಸ್ತನ ಕ್ಯಾನ್ಸರ್ ಗೆ ಈಗಾಗಲೇ ಲಸಿಕೆ ಕಂಡುಹಿಡಿದಿದ್ದು, ಮನುಷ್ಯರ ಜೀವಕಣಗಳ ಮೇಲೆ ಪರೀಕ್ಷೆ ನಡೆಸಿದ ನಂತರ ಲಸಿಕೆ ಲಭ್ಯವಾಗಲಿದೆ.

ಎದೆಯಲ್ಲಿ ಕಾಣಿಸಿಕೊಳ್ಳುವ ಕ್ಯಾನ್ಸರ್ ಗಡ್ಡೆಯನ್ನು ಕೊಲ್ಲುವಂತೆ ರೋಗ ನಿರೋಧಕ ಶಕ್ತಿಯನ್ನು ಪ್ರಚೋದಿಸುವ ಈ ಲಸಿಕೆ ಪ್ರಯೋಗ ಶಾಲೆಯಲ್ಲಿ ಶೇಕಡಾ 90 ರಷ್ಟು ಫಲಿತಾಂಶ ನೀಡಿದೆ.

ಈ ಲಸಿಕೆಯನ್ನು ಇಲಿಯ ಮೇಲೆ ಪ್ರಯೋಗಿಸಿದಾಗ, ಜಠರ ಮತ್ತು ಸ್ತನ ಗಡ್ಡೆಗಳನ್ನು ಪರಿಣಾಮಕಾರಿಯಾಗಿ ನಿವಾರಿಸಿದ್ದು ಕಂಡುಬಂದಿದೆ. ಇದೀಗ ಮನುಷ್ಯರ ಮೇಲೆ ಈ ಪ್ರಯೋಗ ನಡೆಯಬೇಕಿದ್ದು, 2013 ರಿಂದ ಪ್ರಯೋಗ ಆರಂಭಗೊಳ್ಳಲಿದೆ.

ಈ ಲಸಿಕೆ ರೋಗನಿರೋಧಕ ಶಕ್ತಿಯನ್ನು ಪ್ರಚೋದಿಸಿ ಕ್ಯಾನ್ಸರ್ ಗಡ್ಡೆಯ ಆಕಾರವನ್ನು ಕುಗ್ಗಿಸುತ್ತದೆ ಎಂದು ತಂಡದ ಮುಖ್ಯಸ್ಥ ಪ್ರೊ. ಗೀರ್ಟ್ ಜಾನ್ ಬೂನ್ಸ್ ತಿಳಿಸಿದ್ದಾರೆ. ಇದೇ ಮೊದಲ ಬಾರಿಗೆ ಕ್ಯಾನ್ಸರ್ ಕಣಗಳನ್ನು ಬೇರ್ಪಡಿಸಿ ಕೊಲ್ಲುವ ಲಸಿಕೆಯನ್ನು ಕಂಡು ಹಿಡಿಯಲಾಗಿದೆ ಎಂದು ಪ್ರೊ. ಸಾಂದ್ರಾ ಜೆಂಡ್ಲರ್ ಹೇಳಿಕೊಂಡಿದ್ದಾರೆ.

ಸ್ತನ ಕ್ಯಾನ್ಸರ್ ಚಿಕಿತ್ಸೆಗೆ ಕೆಲವೇ ಸೌಲಭ್ಯವಿರುವುದರಿಂದ ಸ್ತನ ಕ್ಯಾನ್ಸರ್ ನಿಂದ ಬಳಲುತ್ತಿರುವವರಿಗೆ ಈ ಲಸಿಕೆ ತುಂಬಾ ಉಪಯೋಗಕ್ಕೆ ಬರಲಿದೆ ಎಂದಿದ್ದಾರೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.