ಚಳಿಗಾಲದಲ್ಲಿ ಫ್ಲೂ ತೊಂದರೆಗೆ ವೈದ್ಯರ ಸಲಹೆ ಏನು?

Wellness

oi-Sumalatha

By Sumalatha

Published: Monday, December 5, 2011, 14:01 [IST]

ಸೋಂಕು ಹರಡುವಿಕೆಗೆ ಚಳಿಗಾಲ ತುಂಬಾ ಸೂಕ್ತ ಕಾಲ. ಅನೇಕ ರೋಗಗಳನ್ನು ವೈರಸ್ ಗಳ ಮೂಲಕ ಹರಡುವ ಈ ಕಾಲದಲ್ಲಿ ನಮ್ಮ ಜಾಗ್ರತೆಯಲ್ಲಿ ನಾವಿದ್ದರೆ ತೊಂದರೆಯಿಂದ ಪಾರಾಗಬಹುದು. ಅದರಲ್ಲೂ ಮಕ್ಕಳ ಆರೋಗ್ಯದ ಕುರಿತು ಹೆಚ್ಚೇ ಕಾಳಜಿ ಅಗತ್ಯ. ಹಾಗೆಂದು ಹೆಚ್ಚು ಶ್ರಮ ಪಡೆಯುವ ಅಗತ್ಯವಿಲ್ಲ. ವೈದ್ಯರು ನೀಡಿರುವ ಕೆಲವು ಸಿಂಪಲ್ ಸಲಹೆ ಪಾಲಿಸಿದರೆ ಸಾಕು.

ವೈರಲ್ ಜ್ವರ, ಶ್ವಾಸಕೋಶದ ಸೋಂಕು, ಉಸಿರಾಟದ ಸಮಸ್ಯೆ, ನೆಗಡಿ, ಕೆಮ್ಮು, ಶೀತ ಈ ಪ್ರಕರಣಗಳು ದಿನೇ ದಿನೇ ಹೆಚ್ಚುತ್ತಿರುವ ಹಿನ್ನಲೆಯಲ್ಲಿ ವೈದ್ಯರು ನೀಡಿರುವ ಕೆಲ ಸಲಹೆಗಳು ಉಪಯುಕ್ತವಾಗಲಿದೆ.

ಚಳಿಗಾಲದಲ್ಲಿ ಫ್ಲೂ ತಡೆಗಟ್ಟಲು ಏನು ಮಾಡಬಹುದು?

1. ನಿಮ್ಮನ್ನು ನೀವು ಬೆಚ್ಚಗಿರಿಸಿಕೊಳ್ಳಿ. ಅವಶ್ಯಕವಾದ ಸ್ವೆಟರ್, ಕಿವಿಗೆ ಹತ್ತಿ ಹಾಕಿಕೊಳ್ಳುವುದನ್ನು ಮರೆಯಬೇಡಿ.
2. ಕುದಿಸಿದ ನೀರನ್ನೇ ಕುಡಿಯಿರಿ. ದಿನನಿತ್ಯವೂ 2 ಲೀಟರ್ ನೀರು ಅವಶ್ಯಕ.
3. ಸರಿಯಾಗಿ ಬೇಯಿಸಿದ ಆಹಾರವನ್ನು ತಿನ್ನಬೇಕು. ಫ್ರಿಡ್ಜ್ ನಲ್ಲಿಟ್ಟ ಆಹಾರವನ್ನು ಹಾಗೆಯೇ ತಿನ್ನಬಾರದು. ಆಹಾರವನ್ನು ಒಂದು ಬಾರಿಗಿಂತ ಹೆಚ್ಚು ಬಿಸಿ ಮಾಡಿ ತಿನ್ನಬಾರದು.
4. ಧೂಳಿರುವ ವಾತಾವರಣದಿಂದ ದೂರವಿರಬೇಕು.
5. ಹಾಕಿಕೊಳ್ಳುವ ಬಟ್ಟೆ ಮತ್ತು ಇನ್ನಿತರ ಬಳಸುವ ವಸ್ತುಗಳನ್ನು ಬಿಸಿಲಿನಲ್ಲಿ ಚೆನ್ನಾಗಿ ಒಣಗಿಸಿ ಶುದ್ಧವಾಗಿಟ್ಟುಕೊಳ್ಳಬೇಕು.
6. ಈ ಕಾಲ ಅಸ್ತಮಾಗೆ ಪ್ರಚೋದನೆ ನೀಡುವುದರಿಂದ ಅಸ್ತಮಾದಿಂದ ಬಳಲುತ್ತಿರುವವರು ಯಾವಾಗಲೂ ಇನ್ ಹೇಲರ್ ಗಳನ್ನು ಜೊತೆಯಲ್ಲಿ ತಪ್ಪದೇ ಇಟ್ಟುಕೊಳ್ಳಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.