ತಣ್ಣನೆ ಪಾನಿಪೂರಿಗಿಂತ ಬಿಸಿಬಿಸಿ ದೋಸೆ ಲೇಸು

ರಸ್ತೆಯಲ್ಲಿ ಸುಮ್ಮನೆ ಹೋಗುವಾಗ ಬೀದಿ ಬದಿಯ ತಿಂಡಿ ವಾಸನೆ ಮೂಗಿಗೆ ಘಮ್ಮೆಂದು ಬಡೆದರೆ ಸಾಕು ಮನಸ್ಸು ತಿನ್ನಬೇಕೆನ್ನುತ್ತದೆ, ನಾಲಗೆ ರುಚಿ ಬಯಸುತ್ತದೆ, ನಮ್ಮ ಬುದ್ಧಿ ಬೀದಿ ಬದಿಯ ತಿಂಡಿ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎಂದು ಎಚ್ಚರಿಸುತ್ತಿದ್ದರೂ ಆವಾಗ ಅದು ಕೆಲಸಕ್ಕೆ ಬರುವುದಿಲ್ಲ.

ಬೀದಿ ಬದಿಯಲ್ಲಿ ಆಹಾರ ಸೇವನೆ ಆರೋಗ್ಯಕ್ಕೆ ಒಳ್ಳೆಯದಲ್ಲವಾದರೂ ಕೆಲವೊಂದು ಸ್ಟ್ರೀಟ್ ಫುಡ್ ಗಳು ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುವುದಿಲ್ಲ. ಅವುಗಳು ಯಾವುವು ಎಂದು ತಿಳಿಯಲು ಮುಂದೆ ಓದಿ.

1. ಬೀದಿ ಬದಿಯ ಆಹಾರಗಳನ್ನು ಕೊಳ್ಳುವ ಮೊದಲು ಈ ಎರಡು ಅಂಶಗಳನ್ನು ಗಮನದಲ್ಲಿ ಇಡಬೇಕು.
* 60 ವಯಸ್ಸಿಗಿಂತ ಮೇಲ್ಪಟ್ಟವರಿಗೆ ಮತ್ತು ಮಕ್ಕಳಿಗೆ ಬೀದಿ ಬದಿಯ ಆಹಾರ ಸೇವನೆ ಒಳ್ಳೆಯದಲ್ಲ.
* 20 ವರ್ಷಕ್ಕಿಂತ ಮೇಲ್ಪಟ್ಟ ಮತ್ತು 60 ವರ್ಷಕ್ಕಿಂತ ಕೆಳಗಿನವರು ಈ ರೀತಿಯ ಆಹಾರಗಳನ್ನು ಸೇವಿಸಹುದಾಗಿದ್ದು, ಸೇವಿಸುವ ಮುನ್ನ ಈ ಕೆಳಗಿನ ಅಂಶಗಳನ್ನು ಗಮನಿಸಿ.

2. ಬೀದಿ ಬದಿಯ ಆಹಾರಗಳನ್ನು ಕೊಳ್ಳುವಾಗ ಅದು ಬಿಸಿಯಾಗಿದೆಯೆ ಎಂದು ಗಮನಿಸಬೇಕು. ಅದು ಬಿಸಿಯಾಗಿದ್ದರೆ ತಿನ್ನಬಹುದಾಗಿದೆ, ತಣ್ಣಗಾದ ಆಹಾರವನ್ನು ಮುಟ್ಟಲೇಬಾರದು.

3. ಬೀದಿ ಬದಿಯ ಆಹಾರವನ್ನು ಬಿಸಿಯಾಗಿದ್ದಾಗಲೆ ತಿನ್ನಿ, ಅದು ತಣ್ಣಗಾದ ಮೇಲೆ ಬಿಸಿ ಮಾಡಿ ತಿನ್ನಬಾರದು.

4. ತಯಾರಿಸುವ ಜಾಗ ಶುದ್ಧವಾಗಿದೆಯೆ ಎಂದು ಗಮನಿಸಿ, ಸ್ಟಾರ್ ಹೋಟಲಿನಲ್ಲಿರುವ ಶುದ್ಧತೆ ಅಲ್ಲದಿದ್ದರೂ ಆ ಸ್ಥಳ ತಕ್ಕಮಟ್ಟಗೆ ಚೊಕ್ಕವಾಗಿದ್ದರೆ ಮಾತ್ರ ಆಹಾರವನ್ನು ಸೇವಿಸಿ.

5. ಹಸಿ ತರಕಾರಿಗಳನ್ನು ಹಾಕಿ ತಯಾರಿಸಿದ ಆಹಾರಕ್ಕಿಂತ ಬೇಯಿಸಿದ ಆಹಾರವನ್ನು ಸೇವಿಸುವುದು ಒಳ್ಳೆಯದು. ಏಕೆಂದರೆ ತರಕಾರಿಯನ್ನು ಯಾವ ನೀರಿನಲ್ಲಿ ತೊಳೆದಿರುತ್ತಾರೊ, ಸರಿಯಾಗಿ ತೊಳೆದಿರುತ್ತಾರೊ ಒಂದು ಗೊತ್ತಾಗುವುದಿಲ್ಲ. ಆದ್ದರಿಂದ ಬೇಯಿಸಿದ ಆಹಾರವನ್ನು ಮಾತ್ರ ಸೇವಿಸಿ.

6. ಬೀದಿ ಬದಿಯಲ್ಲಿ ಮಾಂಸಾಹಾರವನ್ನು ಸೇವಿಸುವಾಗ ಅದನ್ನು ಚೆನ್ನಾಗಿ ಬೇಯಿಸಿದರೆ ಮಾತ್ರ ಸೇವಿಸಬೇಕು. ಅಂದಹಾಗೆ, ತಣ್ಣನೆ ಪಾನಿಪೂರಿಗಿಂತ ಬಿಸಿಬಿಸಿ ದೋಸೆ ಲೇಸು

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.