ಬೆಳಗ್ಗೆ ಹೊತ್ತು ಸಿಗರೇಟ್ ಸೇದಿದರೆ ಸಖತ್ ಡೇಂಜರ್

Wellness

oi-Staff

By Super

Updated: Thursday, March 14, 2013, 12:26 [IST]

ಸಿಗರೇಟ್ ಸೇದುವುದು ಹಾನಿಕರ ಎನ್ನುವುದು ಎಲ್ಲರಿಗೂ ತಿಳಿದ ಸಂಗತಿ, ಆದರೆ ಬೆಳಗ್ಗೆ ಹೊತ್ತು ಸಿಗರೇಟ್ ಸೇದಿದರೆ ಪರಿಣಾಮ ಇನ್ನೂ ಅಪಾಯಕಾರಿ ಎಂದಿದೆ ನೂತನ ಸಂಶೋಧನೆ.

ಕೆಲವೊಬ್ಬರಿಗೆ ಬೆಳಗ್ಗೆ ಏಳುತ್ತಿದ್ದಂತೆಯೇ ಸಿಗರೇಟ್ ಕೈಗೇರಿಸುವ ಅಭ್ಯಾಸವಿರುತ್ತೆ. ಅಂತಹವರಿಗೆ ಶ್ವಾಸಕೋಶ, ಕುತ್ತಿಗೆ ಮತ್ತು ತಲೆಯಲ್ಲಿ ಸಮಸ್ಯೆ ಕಾಣಿಸಿಕೊಳ್ಳುವ ಸಾಧ್ಯತೆ ದುಪ್ಪಟ್ಟು ಎಂದು ತಿಳಿಸಿದೆ.

ಮುಂಜಾನೆ ಸಿಗರೇಟ್ ಸೇದುವವರ ಆರೋಗ್ಯದ ಕುರಿತು ಪೆನ್ ಸ್ಟೇಟ್ ಕಾಲೇಜ್ ಆಫ್ ಮೆಡಿಸನ್ ನಡೆಸಿದ ಸಂಶೋಧನೆಯಿಂದ ಈ ಫಲಿತಾಂಶ ತಿಳಿದುಬಂದಿದೆ.

ಬೆಳಗಿನ ಹೊತ್ತು ಸಿಗರೇಟ್ ಸೇದುವವರ ದೇಹದಲ್ಲಿ ಹೆಚ್ಚು ನಿಕೊಟಿನ್ ಅಂಶ ಸೇರಿಕೊಳ್ಳುತ್ತದೆ ಎನ್ನಲಾಗಿದೆ. 4,775 ಶ್ವಾಸಕೋಶದ ಕ್ಯಾನ್ಸರ್ ಪ್ರಕರಣಗಳನ್ನು ಪರೀಕ್ಷಿಸಿದಾಗ ಅವರೆಲ್ಲರೂ ನಿರಂತರವಾಗಿ ಸಿಗರೇಟ್ ಚಟ ಅಂಟಿಸಿಕೊಂಡಿರುವುದಾಗಿ ತಿಳಿದುಬಂದಿದೆ.

ಬೆಳಗಿನ ವಾಕಿಂಗ್ ಆದ 60 ನಿಮಿಷಕ್ಕೂ ಹೆಚ್ಚು ಅಂತರದಲ್ಲಿ ಸಿಗರೇಟ್ ಸೇದುವವರಿಗೆ ಹೋಲಿಸಿದಾಗ ವಾಕಿಂಗ್ ಮುಗಿಸಿದ 31 ರಿಂದ 60 ನಿಮಿಷದ ಒಳಗೆಯೇ ಸಿಗರೇಟ್ ಸೇದುವವರು ಶ್ವಾಸಕೋಶದ ತೊಂದರೆಗೆ ಒಳಗಾಗುವ ಸಾಧ್ಯತೆ ಎರಡು ಪಟ್ಟು ಹೆಚ್ಚಿರುತ್ತದೆ ಎಂದು ತಿಳಿದುಬಂದಿದೆ.

ತಲೆ ಮತ್ತು ಕುತ್ತಿಗೆಯಲ್ಲಿ ಉಂಟಾಗುವ ಸುಮಾರು 1,055 ಕ್ಯಾನ್ಸರ್ ಪ್ರಕರಣಗಳನ್ನು ಪರಿಶೀಲಿಸಿದಾಗ ಇವೆಲ್ಲದರ ಹಿಂದೆ ಸಿಗರೇಟ್ ಸೇವನೆ ಇದ್ದುದಾಗಿ ವರದಿಯಾಗಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.