ಬುದ್ಧಿ ಹಲ್ಲಿನ ನೋವಿಗೆ ತಕ್ಷಣದ ಉಪಶಮನ ಹೇಗೆ?

ಒಸಡು ಮತ್ತು ಮೂಳೆಯ ಮಧ್ಯೆ ಸಿಕ್ಕಿಕೊಳ್ಳುವ ಈ ಹಲ್ಲಿಗೆ ಸರಿಯಾಗಿ ಹೊರಬರಲು ಸಾಧ್ಯವಾಗುವುದರಿಂದ ನೋವು ಸಹಜವಾಗಿರುತ್ತೆ. ಈ ನೋವಿನ ನಿವಾರಣೆಗೆಂದು ಇಲ್ಲಿ ಕೆಲವೊಂದು ತಕ್ಷಣದ ಮನೆಮದ್ದನ್ನು ನೀಡಲಾಗಿದೆ.

ಬುದ್ಧಿ ಹಲ್ಲಿನ ನೋವಿಗೆ ತಕ್ಷಣದ ಉಪಶಮನ ಹೇಗೆ?

1. ಈ ನೋವಿಗೆ ತಕ್ಷಣವೇ ತಾತ್ಕಾಲಿಕ ಪರಿಹಾರ ನೀಡಬೇಕೆಂದಿದ್ದರೆ ಒಂದು ಎಸಳು ಬೆಳ್ಳುಳ್ಳಿಯನ್ನು ಉಪ್ಪಿನೊಂದಿಗೆ ಬೆರೆಸಿ ಅದನ್ನು ನೋವಿರುವ ಜಾಗದಲ್ಲಿಟ್ಟುಕೊಂಡರೆ ಅಥವಾ ಅಗಿಯುತ್ತಿದ್ದರೆ ಹಲ್ಲು ಗಟ್ಟಿಯಾಗುವುದರೊಂದಿಗೆ ಆರೋಗ್ಯವಾಗಿಯೂ ಇರುತ್ತದೆ.

2. ಹಲ್ಲು ಬರುತ್ತಿರುವ ಜಾಗದಲ್ಲಿ ಚಿಕ್ಕ ಈರುಳ್ಳಿ ಪೀಸನ್ನು ಇಟ್ಟುಕೊಂಡು 3 ನಿಮಿಷ ಅಗಿಯಬೇಕು. ಇದರಲ್ಲಿರುವ ಬ್ಯಾಕ್ಟೀರಿಯಾ ವಿರುದ್ಧ ಹೋರಾಡುವ ಅಂಶ ಹಲ್ಲಿನಲ್ಲಿರುವ ಕ್ರಿಮಿಯನ್ನು ಕೊಲ್ಲುತ್ತದೆ. ನೋವನ್ನೂ ಕಡಿಮೆಗೊಳಿಸುತ್ತದೆ.

3. ಸೌತೆಕಾಯಿ ಬುದ್ಧಿ ಹಲ್ಲಿನ ನೋವಿನ ನಿವಾರಣೆಗೆ ತುಂಬಾ ಪರಿಣಾಮಕಾರಿ ಮದ್ದು. ಸೌತೆಕಾಯಿಯನ್ನು ಚಿಕ್ಕದಾಗಿ ಕತ್ತರಿಸಿ ಅದನ್ನು 15-20 ನಿಮಿಷ ನೋವಿನ ಜಾಗದಲ್ಲಿಟ್ಟುಕೊಂಡರೆ ನೋವಿನೊಂದಿಗೆ ಊತವನ್ನೂ ಉಪಶಮನ ಮಾಡುತ್ತದೆ.

4. ಬುದ್ಧಿ ಹಲ್ಲು ಹುಟ್ಟುವಾಗ ಕಾಣಿಸಿಕೊಳ್ಳುವ ನೋವಿನ ಪ್ರಮಾಣವನ್ನು ಕಡಿಮೆಗೊಳಿಸಲು ಲವಂಗವನ್ನು ಬಾಯಿಯಲ್ಲಿಟ್ಟುಕೊಂಡು ಮೆಲ್ಲಗೆ ಅಗಿಯಬೇಕು. ಲವಂಗದ ಎಣ್ಣೆಯನ್ನೂ ಹಚ್ಚಿಕೊಳ್ಳಬಹುದು.

5. ಬ್ಲ್ಯಾಕ್ ಟೀ ಬ್ಯಾಗನ್ನು ಬಿಸಿ ಮಾಡಿ ನೋವಿನ ಜಾಗದಲ್ಲಿಟ್ಟುಕೊಂಡರೆ ನೋವು ಕಡಿಮೆಯಾಗುವುದಲ್ಲದೆ, ರಕ್ತಸ್ರಾವವಾಗುವುದನ್ನೂ ತಡೆಯುತ್ತದೆ.

6. ಮೆಣಸಿನ ಪುಡಿ ಅಥವಾ ಪುದೀನಾ ಕೂಡ ಹಲ್ಲುನೋವಿಗೆ ಉಪಶಮನ ನೀಡುತ್ತದೆ.

7. ಐಸ್ ಕ್ಯೂಬ್ ಗಳನ್ನು ಕೆನ್ನೆ ಮೇಲೆ ನಯವಾಗಿ ಉಜ್ಜಬಹುದು. ಇದು ಊತ ಮತ್ತು ನೋವನ್ನು ನಿವಾರಿಸುತ್ತದೆ. ಆದರೆ ನೇರವಾಗಿ ಐಸ್ ಕ್ಯೂಬನ್ನು ಹಲ್ಲಿನ ಮೇಲೆ ಇಟ್ಟುಕೊಳ್ಳಬಾರದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.