ಮಗುವಿನಲ್ಲಿ ಜಾಂಡೀಸ್ ಗೆ ಕಾರಣ ಮತ್ತು ಚಿಕಿತ್ಸೆ?

Wellness

oi-Sumalatha

By Sumalatha

Published: Wednesday, November 2, 2011, 16:45 [IST]

ಬಹುತೇಕ ಶೇಕಡ 70 ರಷ್ಟು ನವಜಾತ ಶಿಶುಗಳಲ್ಲಿ ಹುಟ್ಟಿದ ಒಂದೇ ವಾರದೊಳಗೆ ಜಾಂಡೀಸ್ ಕಾಣಿಸಿಕೊಳ್ಳುತ್ತೆ. ಇದು ತಾತ್ಕಾಲಿಕ ಎನಿಸಿದರೂ ಸೂಕ್ತ ಚಿಕಿತ್ಸೆ ನೀಡದಿದ್ದರೆ ಗಂಭೀರಗೊಳ್ಳುವುದು ಖಂಡಿತ. ಆದ್ದರಿಂದ ನವಜಾತ ಶಿಶುವಿನಲ್ಲಿ ಜಾಂಡೀಸ್ ಬರಲು ಕಾರಣ ಮತ್ತು ಚಿಕಿತ್ಸೆ ಬಗ್ಗೆ ಕೆಲ ಮಾಹಿತಿ ಇಲ್ಲಿದೆ.

ನವಜಾತ ಶಿಶುಗಳಲ್ಲಿ ಜಾಂಡೀಸ್ ಗೆ ಕಾರಣ?
ರಕ್ತದಲ್ಲಿ ಬಿಲಿರುಬಿನ್ (ಹಳದಿ ಪಿತ್ತ ದ್ರವ್ಯ) ಹೆಚ್ಚಾಗುವುದೇ ಜಾಂಡೀಸ್ ಗೆ ಮುಖ್ಯ ಕಾರಣ. ರಕ್ತದಲ್ಲಿ ಕಂಡುಬರುವ ಈ ಹಳದಿ ಅಂಶ ತ್ವಚೆಯಲ್ಲಿ ಸೇರಿಕೊಂಡು ಚರ್ಮವನ್ನೂ ಹಳದಿ ಬಣ್ಣಕ್ಕೆ ತಿರುಗಿಸುತ್ತದೆ ಮತ್ತು ಈ ಹಳದಿ ಅಂಶದ ವಿರುದ್ಧ ಹೋರಾಡಲು ನವಜಾತ ಶಿಶುವಿನ ಲಿವರ್ ಇನ್ನೂ ಸಾಮರ್ಥ್ಯ ಹೊಂದಿಲ್ಲದ ಕಾರಣ ಜಾಂಡೀಸ್ ಉಲ್ಬಣಗೊಳ್ಳುತ್ತದೆ. ತಕ್ಷಣವೇ ಪರಿಹಾರ ಕಂಡುಕೊಳ್ಳದಿದ್ದ ಪಕ್ಷ, ಕರುಳಿನಲ್ಲಿ ಸೇರಿಕೊಂಡು ಜಾಂಡೀಸ್ ಗಂಭೀರವಾಗುತ್ತದೆ.

ಎಂತಹ ಮಗುವಿನಲ್ಲಿ ಜಾಂಡೀಸ್ ಸಾಧ್ಯತೆ ಹೆಚ್ಚು?
ಅವಧಿಗೆ ಮುನ್ನ ಜನಿಸುವ ಮಗುವಿನಲ್ಲಿ, ಪಿತ್ತಜನಕಾಂಗ (ಲಿವರ್) ಬೆಳವಣಿಗೆ ಇಲ್ಲದ ಮಗುವಿನಲ್ಲಿ, ಕೆಲವೊಮ್ಮೆ ಎದೆಹಾಲಿನ ಮೂಲಕವೂ ಜಾಂಡೀಸ್ ಬರಬಹುದು.

ಮಗುವಿನಲ್ಲಿನ ಜಾಂಡೀಸ್ ಗೆ ಚಿಕಿತ್ಸೆ ಏನು?
* ನವಜಾತ ಶಿಶುವಿನಲ್ಲಿ ಕಾಣಿಸಿಕೊಂಡ ಜಾಂಡೀಸ್ ನಿವಾರಣೆಗೆ ಫೋಟೊಥೆರಪಿ ಚಿಕಿತ್ಸೆ ನೀಡಲಾಗುತ್ತೆ. ಈ ಚಿಕಿತ್ಸೆಯ ವಿಧಾನದಲ್ಲಿ ಮಗುವನ್ನು ಒಂದು ಅಥವಾ ಎರಡು ದಿನ ಬೀಮ್ ಲೈಟ್ ನಲ್ಲಿ ಇಡಲಾಗುತ್ತದೆ.

ಈ ಫ್ಲೋರೊಸೆಂಟ್ ಲೈಟ್ ಮಗುವಿನ ದೇಹದಲ್ಲಿದ್ದ ಬಿಲಿರುಬಿನ್ ಅಂಶವನ್ನು ಲುಮಿರುಬಿನ್ (ನೀರು) ಅಂಶಕ್ಕೆ ಪರಿವರ್ತನೆ ಮಾಡಿ ಮೂತ್ರದ ಮೂಲಕ ಹೊರಹೋಗುವಂತೆ ಮಾಡುತ್ತದೆ. ಈ ಸಮಯದಲ್ಲಿ ಗಾಢ ಬೆಳಕಿನಿಂದ ಮಕ್ಕಳ ಕಣ್ಣಿಗೆ ತೊಂದರೆ ಉಂಟಾಗದಿರಲು ರಕ್ಷಣೆ ಒದಗಿಸಿರಲಾಗುತ್ತೆ.

* ಜಾಂಡೀಸ್ ಚಿಕಿತ್ಸೆಗೆಂದು ಕೆಲವು ಆಸ್ಪತ್ರೆಗಳಲ್ಲಿ ಫೈಬರ್ ಆಪ್ಟಿಕ್ ಬ್ಲಾಂಕೆಟ್ ಗಳನ್ನೂ ಉಪಯೋಗಿಸಲಾಗುತ್ತೆ.

* ಫೋಟೊಥೆರಪಿಯಿಂದಲು ಈ ಬಿಲಿರುಬಿನ್ ಅಂಶ ಕಡಿಮೆಯಾಗಿಲ್ಲದ ಪಕ್ಷದಲ್ಲಿ ಮಗುವಿನ ರಕ್ತವನ್ನು ಸಂಪೂರ್ಣವಾಗಿ ಬದಲಾಗಿಸಲಾಗುತ್ತೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.