ನೈಸರ್ಗಿಕವಾಗಿ ಪೈಲ್ಸ್ ಗುಣಪಡಿಸುವ ಆಹಾರ !

Wellness

oi-Reena

By Hema S

Published: Monday, October 24, 2011, 17:35 [IST]

ಮೊಳೆ ರೋಗ ಅಥವಾ ಪೈಲ್ಸ್ ರೋಗ ಸಾಮಾನ್ಯವಾಗಿ ಮಲಬದ್ಧತೆಯ ಸಮಸ್ಯೆಗಳಿಂದಾಗಿ ಉಂಟಾಗುತ್ತದೆ, ಆರೋಗ್ಯಕರವಲ್ಲದ ಆಹಾರ ಕ್ರಮದಿಂದಾಗಿ ಇಂತಹ ಸಮಸ್ಯೆಗಳು ಉಂಟಾಗುತ್ತವೆ. ಪೈಲ್ಸ್ ಒಮ್ಮೆ ಉಂಟಾದರೆ ಅದರಿಂದ ಬಹಳ ಕಷ್ಟ ಅನುಭವಿಸಬೆಕಾಗುತ್ತದೆ.

ಕೆಲವೊಂದು ಆಹಾರಗಳು ಪೈಲ್ಸ್ ಕಾಯಿಲೆಯನ್ನು ನೈಸರ್ಗಿಕವಾಗಿ ಗುಣ ಪಡಿಸುವುದರ ಜೊತೆಗೆ ಮುಂದೆ ಉಂಟಾಗದಂತೆ ತಡೆಯುವುದು. ಆದ್ದರಿಂದ ಪೈಲ್ಸ್ ತಡೆಗೆ ಈ ಕೆಳಗಿನ ಆಹಾರಗಳ ಸೇವನೆ ಒಳ್ಳೆಯದು.

1. ನಾರಿನಂಶವಿರುವ ತಾಜಾ ತರಕಾರಿ ಮತ್ತು ಹಣ್ಣುಗಳ ಸೇವನೆಯಿಂದ ಮಲಬದ್ಧತೆ ಸಮಸ್ಯೆ ನಿವಾರಣೆಯಾಗುವುದು.

2. ಬೀನ್ಸ್, ಕಿಡ್ನಿ ಬೀನ್ಸ್, ಸೋಯಾ, ಮೊಳಕೆ ಬಂದ ಬಟಾಣಿ ಇವುಗಳಲ್ಲಿ ನಾರಿನಂಶ ಅಧಿಕವಾಗಿರುವುದರಿಂದ ಪೈಲ್ಸ್ ರೋಗಿ ಇವುಗಳನ್ನು ಸೇವಿಸುವುದು ಒಳ್ಳೆಯದು.

3. ಪ್ರತಿನಿತ್ಯ 8-10 ಲೋಟ ನೀರು, ಹಣ್ಣುಗಳ ಜ್ಯೂಸ್, ತರಕಾರಿ ಜ್ಯೂಸ್ ಸೇವನೆ ಒಳ್ಳೆಯದು.

4. ಬೇಯಿಸದ ಮತ್ತು ಖಾರ ಪದಾರ್ಥಗಳನ್ನು ಸೇವಿಸಬಾರದು, ಅಲ್ಲದೆ ಮದ್ಯದಿಂದ ಡಿಹೈಡ್ರೇಶನ್ ಉಂಟಾಗುವುದರಿಂದ ಅದನ್ನು ತ್ಯಜಿಸಬೇಕು.

5. ಮಾವಿನಹಣ್ಣು, ನಿಂಬೆ ಜ್ಯೂಸ್, ಪಪ್ಪಾಯಿ ಇವುಗಳನ್ನು ಹೆಚ್ಚಾಗಿ ಸೇವಿಸಿ, ಕಾಫಿ ಕುಡಿಯುವುದನ್ನು ಕಮ್ಮಿ ಮಾಡಬೇಕು.

6. ಚೀಸ್, ಕಿತ್ತಳೆ, ಮೊಸರು, ಸೇಬು, ಟೊಮೆಟೊ ಇವುಗಳ ಸೇವನೆ ಪೈಲ್ಸ್ ಕಾಯಿಲೆಯನ್ನು ಗುಣ ಪಡಿಸುವುದು.

7. ಧಾನ್ಯಗಳನ್ನು ನೆನೆಹಾಕಿ ತಿನ್ನುವುದು ಸಹ ಪೈಲ್ಸ್ ಗುಣಪಡಿಸುವುದಕ್ಕೆ ಸಹಾಯ ಮಾಡುತ್ತದೆ.

ಈ ಆಹಾರಗಳನ್ನು ಪ್ರತಿನಿತ್ಯ ಸೇವಿಸಿದರೆ ಪೈಲ್ಸ್ ನಿಂದ ಮುಕ್ತಿ ಹೊಂದಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.