ಸಿಗರೇಟ್ ಸೇದುವವರೇ ಮರೆಯದೆ ಇಲ್ಲಿ ನೋಡಿ

Wellness

oi-Sumalatha

By Sumalatha

Published: Wednesday, September 28, 2011, 17:51 [IST]

ನಿರಂತರವಾಗಿ ಸಿಗರೇಟ್ ಸೇದುವ ಚಟ ಅಂಟಿಸಿಕೊಂಡಿರುವವರು ಬೇಗನೆ ತಮ್ಮ ಸ್ಮರಣಾ ಶಕ್ತಿ ಕಳೆದುಕೊಳ್ಳುತ್ತಾರೆ ಎಂದು ಹೊಸ ಸಂಶೋಧನೆಯೊಂದು ವರದಿ ಮಾಡಿದೆ.

ಸಿಗರೇಟ್ ಸೇದದವರಿಗೆ ಹೋಲಿಸಿದರೆ ಧೂಮಪಾನಿಗಳು ತಮ್ಮ ದಿನನಿತ್ಯ ಕೆಲಸದ ಮೂರನೇ ಒಂದು ಭಾಗವನ್ನು ಬೇಗನೆ ಮರೆತುಬಿಡುತ್ತಾರೆ ಎಂದು ತಿಳಿಸಿದೆ.ಹಾಗೆಯೇ, ಧೂಮಪಾನ ತ್ಯಜಿಸಿದವರು ತಮ್ಮ ಜ್ಞಾಪಕ ಶಕ್ತಿ ಹೆಚ್ಚಿಸಿಕೊಂಡ ಉದಾಹರಣೆಯೂ ದೊರೆತಿರುವುದಾಗಿ ಸಂಶೋಧನೆ ಕೈಗೊಂಡಿದ್ದ ನಾರ್ಥಂಬ್ರಿಯಾ ವಿಶ್ವವಿದ್ಯಾಲಯ ತಿಳಿಸಿದೆ.

ಈ ಅಧ್ಯಯನ 18-25ರ ವಯೋಮಿತಿಯ 70 ಮಂದಿಯನ್ನು ಒಳಗೊಂಡಿದ್ದು, ಅವರಿಗೆ ಕೆಲವು ಕೆಲಸಗಳನ್ನು ವಹಿಸಲಾಗಿತ್ತು. ಕೊನೆಯಲ್ಲಿ ಅವರ ಕೆಲಸದ ನೆನಪನ್ನು ಮರುಕಳಿಸಿಕೊಳ್ಳಲು ತಿಳಿಸಿದಾಗ, ಧೂಮಪಾನಿಗಳಿಂದ ಕೇವಲ 59 % ನೆನಪನ್ನು ಮಾತ್ರ ಜ್ಞಾಪಿಸಿಕೊಳ್ಳಲು ಸಾಧ್ಯವಾಯಿತು.

ಹಾಗೆಯೇ ಧೂಮಪಾನ ತ್ಯಜಿಸಿದವರನ್ನು ಪರೀಕ್ಷಿಸಿದಾಗ 74% ನೆನಪನ್ನು, ಧೂಮಪಾನ ಮಾಡದಿದ್ದವರನ್ನು ಪರೀಕ್ಷಿಸಿದಾಗ 81% ನೆನಪನ್ನು ಸ್ಮರಣೆ ಮಾಡಿಕೊಂಡಿದ್ದಾರೆ.

ಧೂಮಪಾನ ಗೊತ್ತೇ ಆಗದಂತೆ ನಮ್ಮ ಸ್ಮರಣೆಯನ್ನು ಕಿತ್ತುಕೊಳ್ಳುತ್ತದೆ, ಸುಖಾಸುಮ್ಮನೆ ಧೂಮಪಾನದಿಂದ ತೊಂದರೆಗೊಳಗಾಗುವುದನ್ನು ಇನ್ನಾದರೂ ನಿಲ್ಲಿಸಬೇಕು ಎಂದು ಎಂದು ಡೈಲಿ ಮೇಲ್ ವರದಿ ಮಾಡಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.