ಪೇನ್ ಕಿಲ್ಲರ್ ನಿರಂತರ ಬಳಕೆಯಿಂದ ಕಿಡ್ನಿ ಕ್ಯಾನ್ಸರ್!

Wellness

oi-Sumalatha

By Sumalatha

Published: Thursday, September 15, 2011, 15:52 [IST]

ದೀರ್ಘಾವಧಿ ಮತ್ತು ನಿರಂತರವಾಗಿ ನೋವು ನಿವಾರಕ ಮಾತ್ರೆಗಳನ್ನು ನುಂಗುತ್ತಿದ್ದರೆ ಅದು ಕಿಡ್ನಿ ಕ್ಯಾನ್ಸರ್ ಬರುವ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ ಎಂದು ಅಧ್ಯಯನವೊಂದು ತಿಳಿಸಿದೆ.

ಆರ್ಕಿವ್ಸ್ ಆಫ್ ಇಂಟರ್ನಲ್ ಮೆಡಿಸನ್ ನಲ್ಲಿ ಮುದ್ರಣಗೊಂಡ ಈ ಅಧ್ಯಯನ, ನೋವನ್ನು ಮರೆಮಾಚಲು ನೋವು ನಿವಾರಕಗಳಿಗೆ ಹೆಚ್ಚಾಗಿ ಮೊರೆಹೋಗುವ ಪುರುಷ ಮತ್ತು ಮಹಿಳೆಯರಲ್ಲಿ ಕಿಡ್ನಿ ಕ್ಯಾನ್ಸರ್ ತಗುಲುವ ಸಾಧ್ಯತೆ ಶೇಕಡಾ 50 ರಷ್ಟಿದೆ ಎಂದು ತಿಳಿಸಿದೆ.

ಈ ಹಿಂದೆ ನಡೆದ ಅಧ್ಯಯನಗಳಲ್ಲಿ ನೋವು ನಿವಾರಕ ಮಾತ್ರೆ ಮತ್ತು ಕಿಡ್ನಿ ಕ್ಯಾನ್ಸರ್ ನಡುವಿನ ಸಂಬಂಧದ ಕುರಿತು ತಿಳಿಸಲಾಗಿತ್ತು. ಈ ಅಧ್ಯಯನದಲ್ಲಿ ನಾನ್ ಸ್ಟಿರಾಯ್ಡಲ್ ಆಂಟಿ ಇನ್ಫ್ಲೇಮೇಟರಿ ಡ್ರಗ್ ನಂತರ ನೋವು ನಿವಾರಕ ಮಾತ್ರೆ ಮತ್ತು ಕಿಡ್ನಿ ಕ್ಯಾನ್ಸರ್ ಸಾಧ್ಯತೆಯ ಬಗ್ಗೆ ತಿಳಿಸಲಾಗಿದೆ.

ಸುಮಾರು 9-10 ವರ್ಷಗಳ ದೀರ್ಘಕಾಲ ಮತ್ತು ನಿರಂತರ ನೋವು ನಿವಾರಕ ಮಾತ್ರೆ ಸೇವನೆಯಿಂದ ಕಿಡ್ನಿ ಕ್ಯಾನ್ಸರ್ ಬರುವ ಸಾಧ್ಯತೆ ಇದೆ ಎಂದು ಅಧ್ಯಯನ ತಿಳಿಸಿದರೆ, ಅಷ್ಟು ದೀರ್ಘಕಾಲವಾಗಿ ಮಾತ್ರೆಗಳನ್ನು ನುಂಗುವ ಮಂದಿ ಕಡಿಮೆ ಇದ್ದಾರೆ ಎಂದೂ ಪ್ರತಿವಾದಿಸಲಾಗಿದೆ.

ನೋವುಗಳಿಗೆ ಯಾವಾಗಲಾದರೊಮ್ಮೆ ಮಾತ್ರೆ ನುಂಗಿದರೆ ತೊಂದರೆಗೆ ಒಳಪಡುವುದಿಲ್ಲ, ಆದರೆ ನಿರಂತರವಾಗಿ ನೋವು ನಿವಾರಕ ಮಾತ್ರೆಯನ್ನು ನುಂಗುತ್ತಾ ಬಂದರೆ ಕಿಡ್ನಿ ಕ್ಯಾನ್ಸರ್ ಬರುವ ಸಾಧ್ಯತೆ ಶೇಕಡಾ 50 ರಷ್ಟಿದೆ ಎಂದು ಒರೆಗಾನ್ ಹೆಲ್ತ್ ಅಂಡ್ ಸೈನ್ಸ್ ಯೂನಿವರ್ಸಿಟಿ ಯ ಕಿಡ್ನಿ ಸ್ಪೆಷಲಿಸ್ಟ್ ರಾನ್ ತಿಳಿಸಿದ್ದಾರೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.