ಮಕ್ಕಳಲ್ಲಿ ಕ್ಯಾಲ್ಸಿಯಂ ಕೊರತೆ ನೀಗಿಸುವುದು ಹೇಗೆ?

Wellness

oi-Sumalatha N

By Sumalatha N

Published: Saturday, August 20, 2011, 16:35 [IST]

ನಿಮ್ಮ ಮಗುವಿನ ಉಗುರಿನಲ್ಲಿ ಬಿಳಿ ಚುಕ್ಕೆ ಕಾಣಿಸುತ್ತಿದೆಯಾ? ಹಾಗಾದರೆ ನಿಮ್ಮ ಮಗು ಕ್ಯಾಲ್ಸಿಯಂ ಕೊರತೆಯನ್ನು ಎದುರಿಸುತ್ತಿದೆ ಎಂದರ್ಥ. ಕೂದಲು ತೆಳುಗೊಳ್ಳುವುದು, ಭುಜ ಮತ್ತು ಕಾಲುಗಳಲ್ಲಿ ನೋವು ಕಾಣಿಸಿಕೊಳ್ಳುವುದು ಇವೆಲ್ಲ ಕ್ಯಾಲ್ಸಿಯಂ ಅಭಾವವಿರುವ ಲಕ್ಷಣಗಳು. ಇದನ್ನು ಕಡೆಗಣಿಸಿದರೆ ಅತಿಯಾದ ಒತ್ತಡ ಮತ್ತು ಮೂಳೆ ಸವೆತದಂತಹ ಗಂಭೀರ ಸಮಸ್ಯೆ ಕಾಣಿಸಿಕೊಳ್ಳುವುದು ಗ್ಯಾರಂಟಿ.

ಆದರೆ ಈ ಕುರಿತು ಚಿಂತಿಸುವ ಅಗತ್ಯವಿಲ್ಲ. ಹಾಲನ್ನು ಕುಡಿಯುವುದರಿಂದ ಕ್ಯಾಲ್ಸಿಯಂ ಪೂರೈಸುವುದು ಸಾಧ್ಯವಿದೆ. ಇದರೊಂದಿಗೆ ಕ್ಯಾಲ್ಸಿಯಂ ಅಭಾವವನ್ನು ನೀಗಿಸುವ ಇನ್ನಿತರ ಸಲಹೆಗಳನ್ನು ಪಾಲಿಸಿದರೆ ಖಂಡಿತ ಸಮಸ್ಯೆಯನ್ನು ಹೋಗಲಾಡಿಸಬಹುದು.

ಕ್ಯಾಲ್ಸಿಯಂ ಕೊರತೆ ನೀಗಿಸುವ ಸುಲಭ ಮಾರ್ಗ:

1. ಕ್ಯಾಲ್ಸಿಯಂ ಹೆಚ್ಚಾದ ಪ್ರಮಾಣದಲ್ಲಿರುವ ಹಾಲು ಉತ್ಪನ್ನಗಳು, ಹಸಿರು ತರಕಾರಿ, ಹಣ್ಣು, ಡ್ರೈಫ್ರೂಟ್ ಗಳನ್ನು ಸೇವನೆಯಿರಲಿ.

2. ಕ್ಯಾಲ್ಸಿಯಂ ಕೊರತೆ ಕಂಡ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ ಕ್ಯಾಲ್ಸಿಯಂ ಪೂರೈಸುವ ಮಾತ್ರೆ ನುಂಗಬಹುದು.

3. ಸೂರ್ಯನ ಕಿರಣಗಳಿಗೆ ಮೈಯ್ಯೊಡ್ಡುವುದರಿಂದಲೂ ಕ್ಯಾಲ್ಸಿಯಂ ಪಡೆಯಬಹುದು. ವಯಸ್ಸು ಹೆಚ್ಚುತ್ತಿದ್ದಂತೆ ದೇಹದಲ್ಲಿನ ಖನಿಜಾಂಶಗಳು ಕ್ಷೀಣಿಸುತ್ತಾ ಹೋಗುವುದರಿಂದ ದೇಹಕ್ಕೆ ಕ್ಯಾಲ್ಸಿಯಂ ತುಂಬಾ ಅಗತ್ಯವಿರುತ್ತದೆ.

4. ಕಿತ್ತಳೆ ಹಣ್ಣಿನ ಜ್ಯೂಸ್, ಬ್ರೆಡ್, ಧಾನ್ಯಗಳು ಮತ್ತು ಬಿಸ್ಕೆಟ್ ಗಳು ಕ್ಯಾಲ್ಸಿಯಂ ಕೊರತೆ ನೀಗಿಸುವಲ್ಲಿ ಉಪಯುಕ್ತ.

5. ರುಚಿಯಾದ ಐಸ್ ಕ್ರೀಂಗಳು ಕೂಡ ಕ್ಯಾಲ್ಸಿಯಂ ಪ್ರಮಾಣವನ್ನು ಹೆಚ್ಚಿಸುತ್ತದೆ.

6. ಮಾಂಸಾಹಾರಿಯಾದವರು ಮೊಟ್ಟೆ-ಮಾಂಸವನ್ನು, ಅದರಲ್ಲೂ ಮೀನನ್ನು ಸೇವಿಸಿದರೆ ಕ್ಯಾಲ್ಸಿಯಂ ಅಂಶವನ್ನು ಬೇಗನೆ ಹಿಂಪಡೆಯಬಹುದು.

ಮಕ್ಕಳು ತುಂಬಾ ಸೂಕ್ಷ್ಮ. ಆದ್ದರಿಂದ ಕ್ಯಾಲ್ಸಿಯಂ ಕೊರತೆ ಕಂಡು ಬಂದ ತಕ್ಷಣವೇ ಅದರೆಡೆಗೆ ಗಮನ ನೀಡಿ ಅದನ್ನು ನಿವಾರಿಸುವತ್ತ ಚಿಂತಿಸಬೇಕು. ದಿನನಿತ್ಯದ ಆಹಾರದಲ್ಲಿ ಪೌಷ್ಟಿಕಾಂಶ ಹೆಚ್ಚಿರುವಂತೆ ಕಾಳಜಿ ವಹಿಸಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.