ನಕ್ಕ ಹಾಗೆ ನಟಿಸಿದಂತೆ ನಕ್ಕುಬಿಡಿ ಸುಮ್ಮನೆ

Wellness

oi-Sumalatha N

By Sumalatha N

Published: Thursday, July 21, 2011, 19:33 [IST]

ಮುತ್ತು ಉದುರಿದಂತೆ ನಗುವುದು ನಿಮ್ಮಿಂದ ಸಾಧ್ಯವೇ? ಇಲ್ಲ ಎನ್ನುತ್ತಾರೆ ಅನೇಕ ಮಂದಿ. ಕಾರಣ, ನಕ್ಕರೆ ಎಲ್ಲಿ ಹಳದಿ ಹಲ್ಲುಗಳು ಕಾಣಿಸುತ್ತವೆಯೋ ಎಂಬ ಹಿಂಜರಿಕೆ. ದೈನಂದಿನ ಚಟುವಟಿಕೆಗಳಿಂದ, ಚಟಗಳಿಂದ ಹಾಳಾಗಿರುವ ಹಲ್ಲುಗಳತ್ತ ಗಮನ ಹರಿಸದೆ ಈಗ ನಗುವುದಕ್ಕೂ ಹಿಂದೇಟಾಕುವ ಮಂದಿ ಹೆಚ್ಚು. ಆದರೆ ಹಳದಿ ಹಲ್ಲುಗಳನ್ನು ಮರೆಮಾಚಿ ಮುಕ್ತವಾಗಿ ನಗಲು ನಿಮಗೆ ಮನಸ್ಸಿದ್ದರೆ ಸಾಕು, ಮನೆಯಲ್ಲೇ ಒಂದೈದು ನಿಮಿಷ ಸಮಯ ಮೀಸಲಿಟ್ಟು ಕೆಲವೊಂದು ಸಲಹೆಗಳನನ್ನ ಪಾಲಿಸಿ ಖಂಡಿತ ಬಾಯ್ತುಂಬ ನಗಬಹುದು.

* ಅಡುಗೆ ಸೋಡಾ ಹಳದಿ ಹಲ್ಲುಗಳಿಗೆ ಸೂಕ್ತ ಪರಿಹಾರ. ಬೆಚ್ಚಗಿನ ನೀರಿಗೆ ಅಡುಗೆ ಸೋಡಾ ಬೆರೆಸಿ ಬಾಯಿ ಮುಕ್ಕಳಿಸಿದ ನಂತರ ಹಲ್ಲುಗಳನ್ನು ನಯವಾಗಿ ಉಜ್ಜಿದರೆ ಸ್ವಲ್ಪ ದಿನಗಳಲ್ಲಿಯೇ ವ್ಯತ್ಯಾಸ ಕಾಣುತ್ತೀರ.
* ಕಿತ್ತಳೆ ಹಣ್ಣಿನ ಸಿಪ್ಪೆಯಿಂದ ಹಲ್ಲನ್ನು ಉಜ್ಜಿದರೆ ಹಲ್ಲುಗಳು ಕ್ರಮೇಣ ಬೆಳ್ಳಗಾಗುತ್ತವೆ.
* ಸ್ವಲ್ಪ ನೀರಿಗೆ ನಿಂಬೆ ರಸ ಬೆರಸಿ ಬಾಯಿ ಮುಕ್ಕಳಿಸುವುದರಿಂದ ಮತ್ತು ನಿಂಬೆ ಸಿಪ್ಪೆಯಿಂದ ಹಲ್ಲುಗಳನ್ನು ನಯವಾಗಿ ಉಜ್ಜುವುದರಿಂದ ಹೊಳೆಯುವ ಹಲ್ಲುಗಳನ್ನು ನಿಮ್ಮದಾಗುತ್ತವೆ.
* ಹಿಂದಿನ ಕಾಲದಲ್ಲಿ ಇದ್ದಿಲಿನಿಂದ ಹಲ್ಲುಜ್ಜುವ ವಾಡಿಕೆ ಇತ್ತು. ಇದ್ದಲಿನಲ್ಲಿನ ರಾಸಾಯನಿಕ ವಸ್ತು ಹಲ್ಲುಗಳನ್ನು ಫಳ ಫಳ ಹೊಳೆಯುವಂತೆ ಮಾಡುತ್ತದೆ. ಈಗಲೂ ಇದ್ದಲನ್ನು ಟೂಥ್ ಪೇಸ್ಟ್ ಗೆ ಮಿಶ್ರಣ ಮಾಡಿ ಹಲ್ಲನ್ನು ಉಜ್ಜುವುದಕ್ಕೆ ಪ್ರಾರಂಭಿಸಿ, ಹಲ್ಲಿನ ಮೇಲೆ ಗಟ್ಟಿಯಾಗಿ ಬೇರೂರಿದ್ದ ಹಳದಿ ಬಣ್ಣ ಕ್ರಮೇಣ ದೂರವಾಗುತ್ತದೆ.
5. ಸ್ಟ್ರಾಬೆರಿ ಹಣ್ಣು ಹಲ್ಲುಗಳನ್ನು ಬೆಳ್ಳಗಾಗಿಸಲು ಸೂಕ್ತ ಸಲಹೆ. ಸ್ಟ್ರಾಬೆರಿ ಹಣ್ಣನ್ನು ಹಲ್ಲಿನ ಮೇಲೆ ಒಂದೈದು ನಿಮಿಷ ಉಜ್ಜಿದರೆ ಕಲೆ ಹೋಗಲಾಡಿಸಬಹುದು.
6. ವೆನಿಗರನ್ನು ಸೇಬಿನೊಂದಿಗೆ ಬೆರೆಸಿ ಉಜ್ಜುವುದರಿಂದ ಒಸಡಿನ ತೊಂದರೆಯನ್ನೂ ನಿವಾರಿಸಬಹುದು.
7. ಸೊಪ್ಪುಗಳನ್ನು ಅಗಿದು ತಿನ್ನುವುದರಿಂದ ಅವುಗಳ ರಸ ಹಲ್ಲುಗಳನ್ನು ಸದೃಡಗೊಳಿಸಿ ಯಾವುದೇ ರಾಸಾಯನಿಕ ಬಣ್ಣಗಳು ಹಲ್ಲುಗಳಿಗೆ ಅಂಟದಂತೆ ತಡೆಯುತ್ತದೆ.

;

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.