ಶಕ್ತಿವರ್ಧಕ ಪೇಯಗಳೆಲ್ಲಾ ವೇಸ್ಟ್ : ತಜ್ಞರು

Wellness

oi-Mahesh

By Mahesh

Updated: Thursday, March 14, 2013, 12:00 [IST]

ಲಂಡನ್, ಅ. 4: ಶಕ್ತಿವರ್ಧಕ ಪೇಯಗಳನ್ನು ಕ್ರೀಡಾಳುಗಳು ಬಳಸುವುದು ನಿಲ್ಲಿಸಿದರೆ ಒಳ್ಳೆಯದು. ಅಲ್ಲದೆ ಸಾರ್ವಜನಿಕರು ತಂಪು ಪಾನೀಯಕ್ಕಾಗಿ ಹಣ ವ್ಯರ್ಥ ಮಾಡುತ್ತಿರುವುದು ವಿಷಾದನೀಯ ಎಂದು ಇಲ್ಲಿನ ವೈದ್ಯಕೀಯ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಈ ಪಾನೀಯಗಳಿಂದ ದೇಹಕ್ಕೆ ಶಕ್ತಿಯ ಬದಲು, ಹೆಚ್ಚಿನ ಕ್ಯಾಲೋರಿ ಸೇರುತ್ತಿದೆ ಎಂಬುದರ ಬಗ್ಗೆ ಎಚ್ಚರಿಸಿದ್ದಾರೆ.

ಶಕ್ತಿವರ್ಧಕ ಪೇಯಗಳು ದಿನನಿತ್ಯ ಹೆಚ್ಚೆಚ್ಚು ದೈಹಿಕವಾಗಿ ಶ್ರಮದಾನ ಮಾಡುವವರಿಗೆ ಅವಶ್ಯಕವಾಗಿದೆ. ಮ್ಯಾರಾಥಾನ್ ಓಡುವ ಕ್ರೀಡಾಳುಗಳಿಗೆ ಶಕ್ತಿವರ್ಧಕ ಪೇಯ ಅಗತ್ಯವಿದೆ ಆದರೆ, ಹೆಚ್ಚು ದೇಹ ಶ್ರಮ ನೀಡದೆ ಸಣ್ಣ ಪುಟ್ಟ ವ್ಯಾಯಾಮ ಮಾಡುವ ಅಥವಾ ದೈಹಿಕ ಕಸರತ್ತಿಗೆ ಗುಡ್ ಬೈ ಹೇಳಿದವರಿಗೆ ಶಕ್ತಿವರ್ಧಕ ಪೇಯಗಳಿಂದ ಅಪಾಯ ಕಟ್ಟಿಟ್ಟಬುತ್ತಿ.

ಹೆಚ್ಚು ದೂರ ಓಡುವ ಅಥ್ಲೀಟ್ ಗಳು, ಬಾಡ್ಮಿಂಟನ್, ಸಾಕರ್, ಕುಸ್ತಿ ..ಇತ್ಯಾದಿ ಕ್ರೀಡೆಗಳಲ್ಲಿ ತೊಡಗಿಕೊಂಡು ಕ್ರಮಬದ್ಧವಾದ ದೈಹಿಕ ಕಸರತ್ತು ನಡೆಸುವ ಕ್ರೀಡಾಪಟುಗಳಿಗೆ ದೇಹದಲ್ಲಿರುವ ಕ್ಯಾಲೋರಿ ಕಮ್ಮಿಯಾಗುವಾಗ ಅಗತ್ಯವಾದ ಗ್ಲೈಕೋಜೆನ್(ಒಂದು ಬಗೆ ಗ್ಲುಕೋಸ್ ) ಅನ್ನು ಪೇಯಗಳು ಒದಗಿಸುತ್ತವೆ.

ದೇಹಕ್ಕೆ ಅಗತ್ಯವಿರುವ ಗ್ಲುಕೋಸ್ ಗಿಂತ ಹೆಚ್ಚಿನ ಪ್ರಮಾಣದಲ್ಲಿ ಸಕ್ಕರೆ ಅಂಶ ಹೊಂದುವುದು ಅಪಾಯಕಾರಿ. ಸ್ಥೂಲಕಾಯವುಳ್ಳವರು ಶಕ್ತಿವರ್ಧಕ ಪೇಯಗಳಾದ ಪೆಪ್ಸಿ, ಕೋಕಾ ಕೋಲಾ..ಇತ್ಯಾದಿಗಳನ್ನು ವರ್ಜಿಸುವುದೇ ಒಳಿತು. ಮಧುಮೇಹವುಳ್ಳವರು ಎನರ್ಜಿ ಡ್ರಿಂಕ್ ಮರೆಯುವುದು ಉತ್ತಮಡಯೆಟ್ ಕೋಕ್ ಎಂಬ ಹೆಸರಿನಲ್ಲಿ ಶೂನ್ಯ ಕ್ಯಾಲೋರಿ ಪೇಯ ಎಂದು ಮಾರುಕಟ್ಟೆಗೆ ಚಾಲ್ತಿಯಲ್ಲಿರುವ ಪೇಯದ ಇನ್ನೊಂದು ರೂಪವನ್ನು ಬಿಡಲಾಗುತ್ತದೆ. ಇದರಿಂದ ಅಂಥಾ ಉಪಯೋಗವಿಲ್ಲವಾದರೂ, ಸ್ವಲ್ಪಮಟ್ಟಿಗೆ ಕ್ಯಾಲೋರಿ ಕಮ್ಮಿ ಮಾಡಬಹುದು ಎಂದು ತಜ್ಞ ವೈದ್ಯ ನಿಕ್ ಹಡ್ಸನ್ ಹೇಳಿದ್ದಾರೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.