ಆಚರಿಸಿ, ಆನಂದಿಸಿ, ಆರೋಗ್ಯವಂತರಾಗಿ

Wellness

oi-Mahesh Malnad

By Mahesh

Published: Friday, April 23, 2010, 12:11 [IST]

ಎಲ್ಲರಿಗೂ ಗೊತ್ತಿರುವ ಆದರೆ, ಎಲ್ಲರೂ ಉದಾಸೀನ ಮಾಡುವ ಕೆಲವು ಆರೋಗ್ಯ ಸಲಹೆಗಳು ಇಲ್ಲಿವೆ. ಈ ಸಲಹೆಗಳು ನೆಟ್ ಲೋಕದಲ್ಲಿ ವಿಹರಿಸುವಷ್ಟು ಬೇಗ ಆಚರಣೆಗೆ ಬರುವುದಿಲ್ಲ ಎಂಬುದು ಸತ್ಯ ಸಂಗತಿ. ದೈನಂದಿನ ನಮ್ಮ ನಿತ್ಯಕರ್ಮಗಳಲ್ಲಿ ಕೊಂಚ ಬದಲಾವಣೆ ಮಾಡಿಕೊಂಡರೆ, ಮುಂಬರುವ ಅಪಾಯವನ್ನು ತಡೆಗಟ್ಟಬಹುದು.

ಕೆಲವು ಉಪಯುಕ್ತ ಸಲಹೆಗಳು:
* ಮೊಬೈಲ್ ಫೋನ್, ಸ್ಥಿರ ದೂರವಾಣಿ ಕರೆಗಳು ಬಂದಾಗ ಎಡ ಕಿವಿಗೆ ರಿಸೀವರ್ ಇಟ್ಟು ಆಲಿಸಿ.
*ಅತಿಯಾದ ಕೆಫೀನ್ ಅಂಶವುಳ್ಳ ಕಾಫೀ, ಟೀ ದಿನಕ್ಕೆ ಎರಡಕ್ಕಿಂತ ಹೆಚ್ಚು ಬಾರಿ ಬೇಡವೇ ಬೇಡ.
*ತಣ್ಣನೆಯ ನೀರಿನ ಜೊತೆ ಮಾತ್ರೆಗಳನ್ನು ತೆಗೆದುಕೊಳ್ಳಬೇಡಿ.
*ಮಾತ್ರೆ ನುಂಗಿದ ಮರುಕ್ಷಣವೇ ಹಾಸಿಗೆ ಮೇಲೆ ಬಿದ್ದು ಹೊರಳಬೇಡಿ.
*ಎಣ್ಣೆ ಪದಾರ್ಥಗಳು, ಜಂಕ್ ಫುಡ್ ಗಳ ಬಳಕೆ ಕಮ್ಮಿ ಮಾಡಿ. ಸಾಧ್ಯವಾದರೆ ವರ್ಜಿಸಿ.
*ಮಲಬದ್ಧತೆ, ಗ್ಯಾಸ್ ಪ್ರಾಬ್ಲಂಗೆ ನಡಿಗೆ ರಾಮಬಾಣ. ಅದಷ್ಟು ಕಾಲ, ಆದಷ್ಟು ದೂರ ಕಾಲು ಸವೆಸಿ.
*ಸಂಜೆ ಐದರ ನಂತರ ಭಾರಿ ಭೋಜನ ಸರ್ವಥಾ ಸಾಧುವಲ್ಲ.
*ಮುಂಜಾನೆಯೆದ್ದು ಶುದ್ಧ ನೀರು ಕುಡಿಯಿರಿ, ಉಂಡ ಮೇಲೆ ನೂರು ಹೆಜ್ಜೆ ಓಡಾಡಿ.
*ಹೆಡ್ ಫೋನ್ /ಹಿಯರ್ ಫೋನ್ ಗಳ ಬಳಸಿ ಹೆಚ್ಚು ಹೊತ್ತು ಸಂಗೀತ ಆಲಿಸುತ್ತಾ ಇದ್ದರೆ ಅಪಾಯ ಕಟ್ಟಿಟ್ಟ ಬುತ್ತಿ.
*ರಾತ್ರಿ ಹತ್ತಕ್ಕೆ ಮಲಗಿ ಬೆಳಗ್ಗೆ 6 ಕ್ಕೆ ಏಳುವುದನ್ನು ಅಭ್ಯಾಸ ಮಾಡಿಕೊಳ್ಳಿ. [ಸೂಚನೆ: ಚಿಕ್ಕಮಕ್ಕಳಿಗೆ ಹೆಚ್ಚು ಹೊತ್ತು ನಿದ್ರೆ ಅವಶ್ಯ.]
*ಮೊಬೈಲ್ ಫೋನ್ ಬ್ಯಾಟರಿ ಡೌನ್ ಇರುವ ಸಮಯದಲ್ಲಿ ಹೆಚ್ಚು ಹೊತ್ತು ಕರೆ ಸ್ವೀಕರಿಸಬೇಡಿ, ಅಥವಾ ಕರೆ ಮಾಡಬೇಡಿ. ಈ ಸಮಯದಲ್ಲಿ ವಿಕರಣಗಳ ಪ್ರಭಾವ ಹೆಚ್ಚಿರುತ್ತದೆ.
*ದಿನದಲ್ಲಿ ಕನಿಷ್ಠ ಒಂದರ್ಧ ಗಂಟೆಗಾಲ ನಿಮ್ಮ ಇಷ್ಟದ ದೇವರನ್ನು, ಭೂತಗಣವನ್ನೋ ಪ್ರಾರ್ಥಿಸಿ. ಅಥವಾ ಧ್ಯಾನಾಸಕ್ತರಾಗಿ.
*ನಿತ್ಯಾನಂದನ ರೀತಿ ಸದಾ ಮುಗುಳ್ನಗೆ ಸೂಸುತ್ತಿರಿ. ನಿಮ್ಮ ಮುಖದ ಸೌಂದರ್ಯಕ್ಕೆ ನಗುವಿಗಿಂತ ಹೆಚ್ಚಿನ ಕಸರತ್ತು ಮತ್ತೊಂದಿಲ್ಲ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.