ಸಿಗರೇಟ್ ಸೇದುವವರು-ಮಧುಮೇಹಿಗಳಲ್ಲಿ ಹೃದಯ ಕಾಯಿಲೆಗೆ ಮೊಬೈಲ್ ಬಳಕೆ ಕಾರಣ..! ಅಧ್ಯಯನ ವರದಿ

ಮೊಬೈಲ್ ಫೋನ್‌ಗಳು ನಮ್ಮ ಆರೋಗ್ಯದ ಮೇಲೆ ಎಷ್ಟು ಪರಿಣಾಂ ಬೀರುತ್ತಿದೆ ಎಂಬುದು ಈಗಾಗಲೇ ತಿಳಿದಿರುವ ವಿಚಾರವಾಗಿದೆ. ನಾವು ಎಷ್ಟೇ ಪ್ರಯತ್ನ ಪಟ್ಟರು ಈ ಮೊಬೈಲ್ ಫೋನ್‌ಗಳಿಂದ ದೂರ ಇರುವುದು ಕಷ್ಟದ ಮಾತು. ಏಕೆಂದರೆ ನಮ್ಮ ದೈನಂದಿನ ಅಗತ್ಯತೆಗಳಲ್ಲಿ ಊಟ, ತಿಂಡಿಯ ರೀತಿಯೇ ಮೊಬೈಲ್ ಸಹ ಸೇರಿಕೊಂಡಿದೆ. ಮೊಬೈಲ್ ಇಲ್ಲದಿದ್ದರೆ ಆ ದಿನ ಕಳೆಯುವುದಿರಲಿ, ಇಡೀ ದಿನ ನರಕವಾಗುತ್ತದೆ.

ಇನ್ನು ಮೊಬೈಲ್ ಬಳಕೆಯಿಂದ ಹತ್ತಾರು ಬಗೆಯ ಸಮಸ್ಯೆ ಉಂಟಾಗುವುದು ಹಾಗೂ ಸಮಸ್ಯೆ ಎದುರಿಸುತ್ತಿರವವರನ್ನು ನಾವು ನೋಡಿದ್ದೇವೆ. ಈ ಪ್ರಮಾಣ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಆದ್ರೆ ಈಗ ಒಂದು ಹೊಸ ಅಧ್ಯಯನ ವರದಿಯ ಪ್ರಕಾರ ಮೊಬೈಲ್ ಬಳಕೆಯು ಪ್ರಾಣಕ್ಕೆ ಸಂಚಕಾರ ತರುವಂತಹ ಸಮಸ್ಯೆಗಳನ್ನು ಹೊತ್ತು ತರುತ್ತಿದೆ ಎಂಬುದು ಬಹಿರಂಗವಾಗಿದೆ.

ಇತ್ತೀಚಿನ ಅಧ್ಯಯನವು ಮೊಬೈಲ್ ಫೋನ್‌ಗಳ ಆಗಾಗ್ಗೆ ಬಳಕೆಯು ಹೃದಯರಕ್ತನಾಳದ ಕಾಯಿಲೆಯ ಅಪಾಯವನ್ನು ಹೆಚ್ಚಿಸುತ್ತದೆ, ವಿಶೇಷವಾಗಿ ಪ್ರಸ್ತುತ ಧೂಮಪಾನ ಮಾಡುವವರು ಮತ್ತು ಮಧುಮೇಹ ಹೊಂದಿರುವವರಲ್ಲಿ ಈ ಪ್ರಮಾಣ ಮತ್ತಷ್ಟು ಹೆಚ್ಚಾಗುತ್ತಿದೆ ಎಂದು ಅಧ್ಯಯನ ತಿಳಿಸಿದೆ. ಈ ಆಧ್ಯಯನ ವರದಿಯು ಕೆನಡಿಯನ್ ಜರ್ನಲ್ ಆಫ್ ಕಾರ್ಡಿಯಾಲಜಿಯಲ್ಲಿ ಪ್ರಕಟಿಸಲಾಗಿದೆ.

ಈ ಅಧ್ಯಯನಕ್ಕಾಗಿ ಸಂಶೋಧಕರು 2006 ರಿಂದ 2010 ರವರೆಗೆ ತಮ್ಮ ಮೊಬೈಲ್ ಫೋನ್ ಬಳಕೆ ಮಾಡುವ ಹೃದಯ ಸಂಬಂಧಿ ಸಮಸ್ಯೆ ಹೊಂದಿರುವ ಸುಮಾರು 444,027 ಮಂದಿಯನ್ನು ಗಣನೆಗೆ ತೆಗೆದುಕೊಂಡಿರುವುದಾಗಿ ತಿಳಿಸಿದೆ.

ವಾರಕ್ಕೆ ಕನಿಷ್ಠ ಒಂದು ಕರೆ ಸ್ವೀಕರಿಸುವುದು ಮೊಬೈಲ್‌ನ ಫೋನ್‌ನ ನಿಯಮಿತ ಬಳಕೆ ಎಂದು ಪರಿಗಣಿಸಲಾಗಿದೆ. ಸದ್ಯ ಫೋನ್ ಇರುವವರು ಇದನ್ನು ಮಾಡಿಯೇ ಮಾಡುತ್ತಾರೆ. ಮೊಬೈಲ್ ಫೋನ್‌ಗಳು ಹೊರಸೂಸುವ ರೇಡಿಯೊ-ಫ್ರೀಕ್ವೆನ್ಸಿ ವಿದ್ಯುತ್ಕಾಂತೀಯ ಕ್ಷೇತ್ರಗಳು (RF-EMF) ಹೈಪೋಥಾಲಾಮಿಕ್-ಪಿಟ್ಯುಟರಿ-ಮೂತ್ರಜನಕಾಂಗದ ಅಕ್ಷದ ಅನಿಯಂತ್ರಣ, ಉರಿಯೂತದ ಪ್ರತಿಕ್ರಿಯೆಗಳು ಮತ್ತು ಆಕ್ಸಿಡೇಟಿವ್ ಒತ್ತಡವನ್ನು ಉಂಟುಮಾಡುತ್ತದೆ ಮತ್ತು ಆದ್ದರಿಂದ ಹೃದಯ ಮತ್ತು ರಕ್ತನಾಳಗಳಂತಹ ವಿವಿಧ ಅಂಗಗಳ ಮೇಲೆ ಪರಿಣಾಮ ಬೀರುವ ನಿರೀಕ್ಷೆಯಿದೆ.

ಧೂಮಪಾನ ಮತ್ತು ಮಧುಮೇಹದ ಸಂಯೋಜನೆಯೊಂದಿಗೆ ಮೊಬೈಲ್ ಫೋನ್‌ಗಳಿಂದ RF-EMF ವಿಕಿರಣಕ್ಕೆ ಒಡ್ಡಿಕೊಳ್ಳುವುದರಿಂದ ಹೃದಯರಕ್ತನಾಳದ ಕಾಯಿಲೆಗಳ ಅಪಾಯವನ್ನು ಹೆಚ್ಚಿಸುವಲ್ಲಿ ಸಿನರ್ಜಿಸ್ಟಿಕ್ ಪರಿಣಾಮವನ್ನು ಹೊಂದಿರಬಹುದು ಎಂದು ಅಧ್ಯಯನದಲ್ಲಿ ತಿಳಿದುಬಂದಿದೆ.

ಧೂಮಪಾನಿಗಳು ಹಾಗೂ ಮಧುಮೇಹಿಗಳಲ್ಲಿ ನಿದ್ರೆಯ ಮಾದರಿಗಳು, ಮಾನಸಿಕ ತೊಂದರೆ ಮತ್ತು ನರರೋಗವು ಮೊಬೈಲ್ ಫೋನ್ ಬಳಕೆ ಮತ್ತು ಹೃದಯರಕ್ತನಾಳದ ಕಾಯಿಲೆಗಳ ನಡುವಿನ ಸಂಬಂಧದ ಸಂಭಾವ್ಯ ಕಾರ್ಯವಿಧಾನಗಳಾಗಿರಬಹುದು. ಮೊಬೈಲ್ ಫೋನ್ ಅನ್ನು ನಿತ್ಯ ಸುಮಾರು 6 ಗಂಟೆಗಳ ಕಾಲ ವೀಕ್ಷಿಸುವವರಲ್ಲಿ ಇದಕ್ಕಿಂತಲೂ ಹೆಚ್ಚಿನ ವಿಕಿರಣ ಸಮಸ್ಯೆಗಳನ್ನು ನೋಡಬಹುದು. ಹಾಗೆ ವಿಪರೀತ ಸ್ಕ್ರೀನ್ ಟೈಮಿಂಗ್‌ನಿಂದಾಗಿ ದೃಷ್ಟಿ ಸಮಸ್ಯೆ, ಮೆದುಳಿಗೆ ಸಂಬಂಧಿಸಿದ ಸಮಸ್ಯೆಗಳು ಉಂಟಾಗುವುದು ಸಹ ನೋಡಬಹುದು.

ತೀವ್ರವಾದ ಪಾರ್ಶ್ವವಾಯು, ಪರಿಧಮನಿಯ ಹೃದಯ ಕಾಯಿಲೆ ಸೇರಿ ಹೃದಯಾಘಾತ ಸಂಬಂಧಿ ಸಮಸ್ಯೆಯಿಂದ ಮೃತಪಟ್ಟವರ ಕೇಸ್ ಸ್ಟಡಿಯನ್ನು ಸಹ ಸಂಶೋಧನೆಯಲ್ಲಿ ಬಳಸಿಕೊಳ್ಳಲಾಗಿದೆ ಎಂದು ವಿವರಿಸಲಾಗಿದೆ. ಸಂಶೋಧಕರು ನಿದ್ರೆಯ ಮಾದರಿಗಳು, ಮಾನಸಿಕ ತೊಂದರೆ ಮತ್ತು ನರರೋಗದ ಪಾತ್ರವನ್ನು ಸಹ ವಿಶ್ಲೇಷಿಸಿದ್ದಾರೆ. ಇದು ಈ ಮೊಬೈಲ್ ಬಳಕೆಯ ಕಾರಣವನ್ನೂ ಸಹ ವಿವರಿಸುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.