ಮೊಬೈಲ್ ಬಳಕೆ ಬ್ರೈನ್ ಟ್ಯೂಮರ್‌ಗೆ ಕಾರಣವಾಗುತ್ತಾ? ಹೊಸ ಅಧ್ಯಯನ ಹೇಳಿದ್ದೇನು?

ಮೊಬೈಲ್‌ ಫೊನ್‌ಗಳಿಂದು ನಮ್ಮ ಜೀವನದಲ್ಲಿ ಎಷ್ಟು ಪ್ರಮುಖ ಅಂಗವಾಗಿವೆ ಅಂದ್ರೆ ಮೊಬೈಲ್ ಬಿಟ್ಟು ಒಂದಿಷ್ಟು ನಿಮಿಷ ಇರಲು ಸಹ ಸಾಧ್ಯವಿಲ್ಲ ಎನ್ನುವಂತಾಗಿದೆ. ಒಂದಷ್ಟು ಗೊತ್ತು ಕೈಯಲ್ಲಿ ಮೊಬೈಲ್ ಇಲ್ಲ ಎಂದರೆ ಏನೋ ಕಳೆದುಕೊಂಡಂತೆ, ಸಮಯ ಕಳೆಯುವುದು ಕಷ್ಟವಾಗಲಿದೆ.

ಮೊಬೈಲ್ ಬಳಕೆಯ ದುಷ್ಪರಿಣಾಮ ನಮಗೆ ತಿಳಿದಿದ್ದರೂ ಅದರಿಂದ ದೂರ ಉಳಿಯುವುದು ಸಾಧ್ಯವೇ ಇಲ್ಲ ಎನ್ನುವಂತಾಗಿದೆ. ಏಕೆಂದರೆ ನಮ್ಮ ದೈನಂದಿನ ಜೀವನದ ಬಹು ಮುಖ್ಯ ಕೆಲಸಕ್ಕೆ ಮೊಬೈಲ್ ಫೋನ್ ಅಗತ್ಯವಾಗಿ ಬೇಕಾಗಿದೆ. ಹೀಗಿರುವಾಗ ಮೊಬೈಲ್ ಫೋನ್‌ನಿಂದ ಅನಾರೋಗ್ಯಕ್ಕೆ ತುತ್ತಾಗುತ್ತಾರೆ ಎಂಬ ಅಂಶಗಳು ನಮಗೆ ತಿಳಿದಿದೆ. ಆದ್ರೆ ಹೊಸ ಅಧ್ಯಯನವೊಂದು ಜನರಲ್ಲಿ ಈಗ ಆತಂಕಕ್ಕೆ ಕಾರಣವಾಗಿದೆ.

ಹೊಸ ಅಧ್ಯಯನದಲ್ಲಿ ಮೊಬೈಲ್ ಫೋನ್‌ಗಳಿಂದ ಮೆದುಳಿನ ಟ್ಯೂಮರ್‌ಗೆ ಕಾರಣವಾಗುತ್ತಿದೆ ಎಂಬ ಆತಂಕಕಾರಿ ವಿಚಾರ ತಿಳಿದುಬಂದಿದೆ. ಇದು ಅಹಸಜ ಪ್ರಕ್ರಿಯೆ ಆದರೂ. ಮೆದುಳಿನಲ್ಲಿ ಗಡ್ಡೆಗಳು ಕಾಣಿಸಿಕೊಳ್ಳಲು ಮೊಬೈಲ್ ಸಹ ಕಾರಣವಾಗಿರಬಹುದು ಎಂದು ಅಧ್ಯಯನವೊಂದು ತಿಳಿಸಿದೆ.

ಮೆದುಳಿನಲ್ಲಿನ ಅಸಹಜ ಜೀವಕೋಶದ ಬೆಳವಣಿಗೆಯನ್ನು ಬ್ರೈನ್ ಟ್ಯೂಮರ್ ಎಂದು ಕರೆಯಲಾಗುತ್ತದೆ. ಈ ಗೆಡ್ಡೆಗಳು ಮೆದುಳಿನ ಅಂಗಾಂಶದಿಂದಲೇ ಹುಟ್ಟಿಕೊಳ್ಳಬಹುದು ಅಥವಾ ದೇಹದ ಇತರ ಭಾಗಗಳಿಗೆ (ಮೆಟಾಸ್ಟಾಟಿಕ್ ಗಡ್ಡೆಗಳು) ಹರಡಬಹುದು ಮತ್ತು ಅವು ಹಾನಿಕರವಲ್ಲದ (ಕ್ಯಾನ್ಸರ್ ಅಲ್ಲದ) ಅಥವಾ ಮಾರಣಾಂತಿಕ (ಕ್ಯಾನ್ಸರ್) ಆಗಿರಬಹುದು.

2020ರ ಮಾಹಿತಿಯ ಪ್ರಕಾರ, ಮೆದುಳಿನ ಗಡ್ಡೆಗಳು ಭಾರತೀಯರಲ್ಲಿ ಕಾಡುವ 10ನೇ ಅತ್ಯಂತ ಸಮಾನ್ಯ ಗಡ್ಡೆಯಾಗಿದೆ. ಮೆದುಳಿನ ಗಡ್ಡೆಗಳಿಗೆ ಯಾವುದೇ ಮೂಲ, ಲಿಂಗ ಅಥವಾ ವಯಸ್ಸಿನ ವ್ಯಾಪ್ತಿ, ಮಿತಿಗಳು ಇಲ್ಲ. ಇಂಟರ್ನ್ಯಾಷನಲ್ ಅಸೋಸಿಯೇಶನ್ ಆಫ್ ಕ್ಯಾನ್ಸರ್ ರಿಜಿಸ್ಟ್ರೀಸ್ (IARC) ಪ್ರಕಾರ, ಭಾರತದಲ್ಲಿ ವಾರ್ಷಿಕವಾಗಿ 28,000ಕ್ಕೂ ಹೆಚ್ಚು ಮೆದುಳಿನ ಗಡ್ಡೆಗಳ ಪ್ರಕರಣಗಳು ವರದಿಯಾಗುತ್ತವೆ ಮತ್ತು ಈ ರೋಗವು 24,000 ಕ್ಕೂ ಹೆಚ್ಚು ಸಾವುಗಳಿಗೆ ಕಾರಣವೆಂದು ಭಾವಿಸಲಾಗಿದೆ. ಪ್ರತಿ ವರ್ಷ 40,000 ಇಲ್ಲವೆ 50,000 ವ್ಯಕ್ತಿಗಳು ಮೆದುಳಿನ ಗಡ್ಡೆಗೆ ಒಳಗಾಗುತ್ತಾರೆ ಎಂದು ತಿಳಿದುಬಂದಿದೆ.

ಮೆದುಳಿನ ಗಡ್ಡೆಗಳ ಲಕ್ಷಣಗಳು

ಆರ್ಟೆಮಿಸ್ ಆಸ್ಪತ್ರೆ ಗುರುಗ್ರಾಮ್‌ನ ನರಶಸ್ತ್ರಚಿಕಿತ್ಸೆ ಮತ್ತು ಸೈಬರ್‌ನೈಫ್ ಕೇಂದ್ರದ ನಿರ್ದೇಶಕ ಡಾ. ಆದಿತ್ಯ ಗುಪ್ತಾ, "ಮೆದುಳಿನ ಗಡ್ಡೆಯ ಸ್ಥಳ, ಗಾತ್ರ ಮತ್ತು ಬೆಳವಣಿಗೆಯ ವೇಗವು ಅದರ ರೋಗಲಕ್ಷಣಗಳ ಮೇಲೆ ಪರಿಣಾಮ ಬೀರಬಹುದು. ತಲೆನೋವು, ರೋಗಗ್ರಸ್ತವಾಗುವಿಕೆಗಳು, ಮೆಮೊರಿ ಸಮಸ್ಯೆಗಳು, ದಿಗ್ಭ್ರಮೆ, ತೊಂದರೆ ಕೇಂದ್ರೀಕರಿಸುವಿಕೆ, ಅಥವಾ ನಡವಳಿಕೆ ಅಥವಾ ವ್ಯಕ್ತಿತ್ವದ ಅಸಹಜತೆಗಳಂತಹ ಮಾನಸಿಕ ಕಾರ್ಯದಲ್ಲಿನ ಏರುಪೇರಾಗುವುದು ಈ ರೋಗದ ಆರಂಭಿಕ ಹಂತದ ಲಕ್ಷಣವಾಗಿದೆ.

ಆದರೆ ಮೆದುಳಿನಲ್ಲಿ ಗಡ್ಡೆಯಾದರೆ ದೃಷ್ಟಿ ಸಮಸ್ಯೆಗಳು, ಮಸುಕಾಗಿರುವ ದೃಷ್ಟಿ, ಮರಗಟ್ಟುವಿಕೆ ಅಥವಾ ಮುಖ ಅಥವಾ ದೇಹದ ಒಂದು ಬದಿಯಲ್ಲಿ ದೌರ್ಬಲ್ಯ, ವಾಕರಿಕೆ ಮತ್ತು ವಾಂತಿ, ನಡೆದಾಡಲು ಆಗದೇ ಇರುವ ಸ್ಥಿತಿ ಉಂಟಾಗುತ್ತದೆ.

ಮೆದುಳಿನ ಗಡ್ಡೆಗಳ ಕಾರಣಗಳು

ಮೊಬೈಲ್ ಫೋನ್ ಬಳಕೆ ಹೇಗೆ ಮೆದುಳು ಗಡ್ಡೆಗೆ ಕಾರಣ?

1982 ರಿಂದ 2013 ರವರೆಗಿನ 3 ದಶಕಗಳ ಅವಧಿಯಲ್ಲಿ ನಡೆಸಲಾಗಿರುವ ವೀಕ್ಷಣೆ ಅಥವಾ ಅಧ್ಯಯನದಲ್ಲಿ ಸೆಲ್ ಫೋನ್‌ಗಳಿಂದ ಬರುವ ವಿದ್ಯುತ್ಕಾಂತೀಯ ವಿಕಿರಣವು ಮೆದುಳಿನ ಗಡ್ಡೆಗಳನ್ನು ಉಂಟುಮಾಡುತ್ತದೆ ಎಂದು ತಿಳಿಸಿದೆ. ದೀರ್ಘಕಾಲದವರೆಗೆ ಸೆಲ್ ಫೋನ್‌ಗಳನ್ನು ಬಳಸುವುದರಿಂದ ನಮ್ಮ ಸಾಮಾನ್ಯ ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ.

ಶಾಲಾ ಮಕ್ಕಳು ಹೆಚ್ಚು ಗ್ಯಾಜೆಟ್‌ಗಳನ್ನು ಬಳಸುತ್ತಿದ್ದ ಮತ್ತು ನಿರ್ದಿಷ್ಟ ವಿಡಿಯೋ ಗೇಮ್‌ಗಳ ಆಡುವುದರಿಂದ ಅವರು ತೀವ್ರವಾಗಿ ಯೋಚಿಸಲು ಕಾರಣವಾಗಬಹುದು. ಇದು ಅವರ ಕಣ್ಣುಗಳ ಮೇಲೂ ಪರಿಣಾಮ ಬೀರಬಹುದು' ಎನ್ನುತ್ತಾರೆ ಡಾ.ಗುಪ್ತ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.